ਭਾਰਤੀ ਰਿਜ਼ਰਵ ਬੈਂਕ ਨੂੰ ਮੁੰਬਈ ਵਿਚ ਇਕ ਹੋਰ ਦਫ਼ਤਰ ਲਈ ਜਗ੍ਹਾ ਦੀ ਭਾਲ

ਨਵੀਂ ਦਿੱਲੀ- ਭਾਰਤੀ ਰਿਜ਼ਰਵ ਬੈਂਕ ਦੇਸ਼ ਦੀ ਵਿੱਤੀ ਰਾਜਧਾਨੀ ਵਿਚ ਆਪਣੇ ਦੱਖਣੀ ਮੁੰਬਈ ਮੁੱਖ ਦਫ਼ਤਰ ਜਾਂ ਬਾਂਦਰਾ ਕੁਰਲਾ ਕੈਂਪਸ ਖੇਤਰ ਵਿਚ  ਇਕ ਹੋਰ ਦਫ਼ਤਰ ਖੋਲ੍ਹਣ ਲਈ ਜਗ੍ਹਾ ਦੀ ਭਾਲ ਕਰ ਰਿਹਾ ਹੈ।

ਰਿਜ਼ਰਵ ਬੈਂਕ ਵੱਲੋਂ ਮੁੰਬਈ ਵਿਚ ਦਫ਼ਤਰ ਪਰਿਸਰ ਦੀ ਸਿੱਧੀ ਖਰੀਦ ਲਈ ਜੋ ਬੇਨਤੀ ਪ੍ਰਸਤਾਵ (ਆਰ. ਐੱਫ. ਪੀ.) ਕੱਢਿਆ ਗਿਆ ਹੈ, ਉਸ ਅਨੁਸਾਰ ਉਸ ਨੂੰ 2,601 ਤੋਂ 7,681 ਵਰਗ ਮੀਟਰ ਦੇ ਦਫ਼ਤਰ ਦੀ ਜਗ੍ਹਾ ਦੀ ਜ਼ਰੂਰਤ ਹੈ।

ਬੇਨਤੀ ਪ੍ਰਸਤਾਵ ਦਸਤਾਵੇਜ਼ ਅਨੁਸਾਰ, ਕੇਂਦਰੀ ਬੈਂਕ ਦੱਖਣੀ ਮੁੰਬਈ ਜਾਂ ਬਾਂਦਰਾ ਕੁਰਲਾ ਕੰਪਲੈਕਸ (ਬੀਕੇਸੀ) ਵਿੱਚ ਸ਼ਾਂਤੀਪੂਰਨ ਅਤੇ ਖਾਲ੍ਹੀ ਦਫ਼ਤਰ ਲਈ ਜਗ੍ਹਾ ਖ਼ਰੀਦਣਾ ਚਾਹੁੰਦਾ ਹੈ। ਦਸਤਾਵੇਜ਼ ਅਨੁਸਾਰ, ਰਿਜ਼ਰਵ ਬੈਂਕ ਨੂੰ ਘੱਟੋ-ਘੱਟ 2,601 ਵਰਗ ਮੀਟਰ ਜਾਂ 28,000 ਵਰਗ ਫੁੱਟ ਤੋਂ ਲੈ ਕੇ ਵੱਧ ਤੋਂ ਵੱਧ 7,618 ਵਰਗ ਮੀਟਰ ਜਾਂ 82,000 ਵਰਗ ਫੁੱਟ ਨਿਰਮਤ ਖੇਤਰ ਦੀ ਜ਼ਰੂਰਤ ਹੈ। ਇਹ ਸੈਂਟਰਲ ਬੈਂਕ ਦੇ ਕਿਲ੍ਹੇ, ਮੁੰਬਈ ਦੀ ਇਮਾਰਤ ਦੇ 1.5 ਕਿਲੋਮੀਟਰ ਦੇ ਘੇਰੇ ਜਾਂ ਬੀ. ਕੇ. ਸੀ. ਵਿਚ ਹੋਣਾ ਚਾਹੀਦਾ ਹੈ। ਐਨਾਰਾਕ ਪ੍ਰਾਪਰਟੀ ਕੰਸਲਟੈਂਟਸ ਦੇ ਚੇਅਰਮੈਨ ਅਨੁਜ ਪੁਰੀ ਨੇ ਕਿਹਾ ਕਿ ਐਨਾਰਾਕ ਦੇ ਸੋਧ ਅਨੁਸਾਰ, ਬੀ. ਕੇ. ਸੀ. ਵਿਚ ਕੁੱਲ ਪੱਟਾ ਯੋਗ ਜਗ੍ਹਾ 87 ਲੱਖ ਵਰਗ ਫੁੱਟ ਹੈ, ਜਿਸ ਵਿਚ 8 ਤੋਂ 10 ਫ਼ੀਸਦੀ ਖਾਲ੍ਹੀ ਹੈ। ਇਸ ਤੋਂ ਇਲਾਵਾ ਸੈਂਟਰਲ ਬਿਜ਼ਨੈੱਸ ਡਿਸਟ੍ਰਿਕਟ (ਸੀ. ਬੀ. ਡੀ.) ਵਿਚ ਕੁੱਲ ਪੱਟਾ ਯੋਗ ਜਗ੍ਹਾ ਤਕਰੀਬਨ 21 ਲੱਖ ਵਰਗ ਫੁੱਟ ਹੈ, ਜਿਸ ਵਿਚ 10 ਤੋਂ 12 ਫ਼ੀਸਦੀ ਖਾਲ੍ਹੀ ਹੈ।