ਹੁਣ ਇਸ ਦੇਸ਼ ਚ ਵੀ ਬਿਜਲੀ ਦਾ ਕਾਰੋਬਾਰ ਕਰਨਗੇ ਅਡਾਨੀ, ਮਿਲਿਆ ਵੱਡਾ ਪ੍ਰੋਜੈਕਟ

ਨਵੀਂ ਦਿੱਲੀ - ਦੁਨੀਆ ਦੇ ਦਿੱਗਜ ਕਾਰੋਬਾਰੀਆਂ ਵਿਚ ਸ਼ੁਮਾਰ ਗੌਤਮ ਅਡਾਨੀ ਆਪਣੇ ਕਾਰੋਬਾਰ ਨੂੰ ਦੇਸ਼ ਵਿਚ ਹੀ ਨਹੀਂ ਸਗੋਂ ਦੁਨੀਆ ਵਿਚ ਵੀ ਤੇਜ਼ੀ ਨਾਲ ਫੈਲਾ ਰਹੇ ਹਨ। ਹੁਣੇ ਜਿਹੇ ਅਡਾਨੀ ਸਮੂਹ ਨੇ ਕੀਨੀਆ ਵਿਚ ਹਵਾਈ ਅੱਡੇ ਕਾਰੋਬਾਰ ਲਈ ਨਵੀਂ ਕੰਪਨੀ ਬਣਾਈ ਹੈ। ਇਸ ਦੇ ਨਾਲ ਹੀ ਇਹ ਖ਼ਬਰਾਂ ਵੀ ਆ ਰਹੀਆਂ ਹਨ ਕਿ ਅਡਾਨੀ ਗਰੁੱਪ ਕੀਨੀਆ ਵਿਚ ਬਿਜਲੀ ਦਾ ਵੀ ਕਾਰੋਬਾਰ ਕਰਨਗੇ। ਜਾਣਕਾਰੀ ਮੁਤਾਬਕ ਉਨ੍ਹਾਂ ਨੂੰ ਕੀਨੀਆ ਵਿਚ ਬਿਜਲੀ ਦਾ ਵੱਡਾ ਪ੍ਰੋਜੈਕਟ ਮਿਲਿਆ ਹੈ।

ਇਹ ਵੀ ਪੜ੍ਹੋ :     ਸਿਵਲ ਹਸਪਤਾਲ ’ਚ ਵੱਡੀ ਲਾਪਰਵਾਹੀ, ਮਿਲਿਆ Expired ਦਵਾਈਆਂ ਦਾ ਭੰਡਾਰ

ਰਾਸ਼ਟਰਪਤੀ ਦੇ ਸਲਾਹਕਾਰ ਨੇ ਦਿੱਤੀ ਜਾਣਕਾਰੀ 

ਇੱਕ ਰਿਪੋਰਟ ਮੁਤਾਬਕ ਅਡਾਨੀ ਗਰੁੱਪ ਨੂੰ ਕੀਨੀਆ ਵਿੱਚ ਪਾਵਰ ਟਰਾਂਸਮਿਸ਼ਨ ਲਾਈਨ ਵਿਛਾਉਣ ਦਾ ਵੱਡਾ ਠੇਕਾ ਮਿਲਿਆ ਹੈ। ਇਹ ਜਾਣਕਾਰੀ ਕੀਨੀਆ ਦੇ ਰਾਸ਼ਟਰਪਤੀ ਦੇ ਆਰਥਿਕ ਸਲਾਹਕਾਰ ਦੇ ਹਵਾਲੇ ਨਾਲ ਰਿਪੋਰਟ ਵਿੱਚ ਦਿੱਤੀ ਗਈ ਹੈ। ਇਸ ਵਿਚ ਕਿਹਾ ਗਿਆ ਹੈ ਕਿ ਭਾਰਤ ਦੇ ਅਡਾਨੀ ਸਮੂਹ ਅਤੇ ਅਫਰੀਕੀ ਵਿਕਾਸ ਬੈਂਕ ਦੀ ਇਕਾਈ ਨੂੰ ਕੀਨੀਆ ਵਿਚ ਬਿਜਲੀ ਟਰਾਂਸਮਿਸ਼ਨ ਲਾਈਨਾਂ ਵਿਛਾਉਣ ਦਾ ਠੇਕਾ ਦਿੱਤਾ ਗਿਆ ਹੈ। ਇਹ ਠੇਕਾ ਪਬਲਿਕ ਪ੍ਰਾਈਵੇਟ ਪਾਰਟਨਰਸ਼ਿਪ ਰਿਆਇਤ ਤਹਿਤ ਦਿੱਤਾ ਗਿਆ ਹੈ।

1.3 ਬਿਲੀਅਨ ਡਾਲਰ ਪਾਵਰ ਪ੍ਰੋਜੈਕਟ

ਕੀਨੀਆ ਦੇ ਰਾਸ਼ਟਰਪਤੀ ਵਿਲੀਅਮ ਰੂਟੋ ਦੇ ਮੁੱਖ ਆਰਥਿਕ ਸਲਾਹਕਾਰ ਡੇਵਿਡ ਐਨਡੀ ਅਨੁਸਾਰ, ਪਾਵਰ ਟ੍ਰਾਂਸਮਿਸ਼ਨ ਲਾਈਨ ਵਿਛਾਉਣ ਲਈ ਪਬਲਿਕ ਪ੍ਰਾਈਵੇਟ ਪਾਰਟਨਰਸ਼ਿਪ ਰਿਆਇਤ 1.3 ਬਿਲੀਅਨ ਡਾਲਰ ਦੀ ਹੈ। ਉਨ੍ਹਾਂ ਕਿਹਾ ਹੈ ਕਿ ਸਰਕਾਰ ਨੇ ਕੇਟਰਾਕੋ ਰਾਹੀਂ ਨਵੀਆਂ ਟਰਾਂਸਮਿਸ਼ਨ ਲਾਈਨਾਂ ਬਣਾਉਣ ਲਈ ਅਡਾਨੀ ਅਤੇ ਅਫਰੀਕਾ 50 ਨੂੰ ਪੀਪੀਪੀ ਰਿਆਇਤ ਦਿੱਤੀ ਹੈ।

ਇਹ ਵੀ ਪੜ੍ਹੋ :     BSNL ਦਾ Airtel, Jio ਨੂੰ ਵੱਡਾ ਝਟਕਾ, ਲਾਂਚ ਕੀਤਾ 82 ਦਿਨਾਂ ਦੀ ਵੈਲੀਡਿਟੀ ਵਾਲਾ ਨਵਾਂ ਸਸਤਾ ਪਲਾਨ

ਅਡਾਨੀ ਜਾਂ ਅਫਰੀਕਨ ਬੈਂਕ ਤੋਂ ਨਹੀਂ ਕੋਈ ਟਿੱਪਣੀ 

ਸਲਾਹਕਾਰ ਅਨੁਸਾਰ, ਅਡਾਨੀ ਅਤੇ ਅਫਰੀਕਾ 50 ਦੁਆਰਾ ਪ੍ਰੋਜੈਕਟ ਟੀਮ ਹਾਇਰ ਕੀਤੀ ਜਾ ਰਹੀ ਹੈ। ਅਫਰੀਕਾ50 ਅਫਰੀਕਨ ਡਿਵੈਲਪਮੈਂਟ ਬੈਂਕ ਦੀ ਇਕਾਈ ਹੈ ਜੋ ਬੁਨਿਆਦੀ ਢਾਂਚੇ ਦੇ ਪ੍ਰੋਜੈਕਟਾਂ ਵਿੱਚ ਨਿਵੇਸ਼ ਕਰਦੀ ਹੈ। ਉਸਨੇ ਇਹ ਵੀ ਲਿਖਿਆ ਕਿ ਇਹਨਾਂ ਨਵੀਆਂ ਟਰਾਂਸਮਿਸ਼ਨ ਲਾਈਨਾਂ 'ਤੇ 1.3 ਬਿਲੀਅਨ ਡਾਲਰ ਦੀ ਲਾਗਤ ਆਵੇਗੀ, ਜੋ ਕੀਨੀਆ ਨੂੰ ਉਧਾਰ ਨਹੀਂ ਲੈਣਾ ਪਵੇਗਾ। ਹਾਲਾਂਕਿ ਇਸ ਪ੍ਰੋਜੈਕਟ ਬਾਰੇ ਅਫਰੀਕਨ ਡਿਵੈਲਪਮੈਂਟ ਬੈਂਕ ਜਾਂ ਅਡਾਨੀ ਵੱਲੋਂ ਅਜੇ ਤੱਕ ਕੋਈ ਅਧਿਕਾਰਤ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ।

ਏਅਰਪੋਰਟ ਲਈ ਬਣਾਈ ਗਈ ਸੀ ਇਹ ਕੰਪਨੀ

ਅਡਾਨੀ ਗਰੁੱਪ ਪਹਿਲਾਂ ਹੀ ਕੀਨੀਆ ਵਿੱਚ ਕਾਰੋਬਾਰ ਵਧਾਉਣ ਨੂੰ ਲੈ ਕੇ ਚਰਚਾ ਵਿੱਚ ਹੈ। ਗਰੁੱਪ ਨੇ ਹਾਲ ਹੀ ਵਿੱਚ ਕੀਨੀਆ ਵਿੱਚ ਹਵਾਈ ਅੱਡਿਆਂ ਨੂੰ ਚਲਾਉਣ ਲਈ ਏਅਰਪੋਰਟਸ ਇਨਫਰਾਸਟ੍ਰਕਚਰ ਪ੍ਰਾਈਵੇਟ ਲਿਮਟਿਡ ਕੰਪਨੀ (ਏਅਰਪੋਰਟਸ ਇਨਫਰਾਸਟ੍ਰਕਚਰ ਪੀਐਲਸੀ) ਨਾਮ ਦੀ ਇੱਕ ਨਵੀਂ ਕੰਪਨੀ ਬਣਾਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਅਡਾਨੀ ਦੀ ਇਹ ਕੰਪਨੀ ਕੀਨੀਆ ਦੀ ਰਾਜਧਾਨੀ ਸਥਿਤ ਨੈਰੋਬੀ ਹਵਾਈ ਅੱਡੇ ਦੇ ਸੰਚਾਲਨ ਨੂੰ ਸੰਭਾਲਣ ਦਾ ਕੰਮ ਲੈਣ ਜਾ ਰਹੀ ਹੈ। ਹਾਲਾਂਕਿ ਇਸ ਯੋਜਨਾ ਦਾ ਸਥਾਨਕ ਪੱਧਰ 'ਤੇ ਵਿਰੋਧ ਹੋ ਰਿਹਾ ਹੈ।

ਇਹ ਵੀ ਪੜ੍ਹੋ :      ਮਹਿੰਗਾ ਹੋਵੇਗਾ ਤੇਲ, ਤਿਉਹਾਰੀ ਸੀਜ਼ਨ 'ਚ ਰੜਕਣਗੀਆਂ ਕੀਮਤਾਂ

ਅਡਾਨੀ ਪਾਵਰ, ਅਡਾਨੀ ਗ੍ਰੀਨ ਐਨਰਜੀ ਦੇ ਸ਼ੇਅਰ ਵਧੇ 

ਅਡਾਨੀ ਗਰੁੱਪ ਨੂੰ ਮਹਾਰਾਸ਼ਟਰ 'ਚ 6,600 ਮੈਗਾਵਾਟ ਨਵਿਆਉਣਯੋਗ ਅਤੇ ਥਰਮਲ ਪਾਵਰ ਦੀ ਲੰਬੀ ਮਿਆਦ ਦੀ ਸਪਲਾਈ ਦਾ ਠੇਕਾ ਮਿਲਣ ਤੋਂ ਬਾਅਦ ਸੋਮਵਾਰ ਨੂੰ ਅਡਾਨੀ ਪਾਵਰ ਦੇ ਸ਼ੇਅਰਾਂ 'ਚ ਲਗਭਗ 8 ਫੀਸਦੀ ਦਾ ਵਾਧਾ ਹੋਇਆ। ਇਸ ਠੇਕੇ ਲਈ ਗਰੁੱਪ ਦੀ 4.08 ਰੁਪਏ ਪ੍ਰਤੀ ਯੂਨਿਟ ਦੀ ਬੋਲੀ ਨੇ JSW ਐਨਰਜੀ ਅਤੇ ਟੋਰੈਂਟ ਪਾਵਰ ਵਰਗੀਆਂ ਕੰਪਨੀਆਂ ਨੂੰ ਪਿੱਛੇ ਛੱਡ ਦਿੱਤਾ।

BSE 'ਤੇ ਅਡਾਨੀ ਪਾਵਰ ਦਾ ਸ਼ੇਅਰ 7.53 ਫੀਸਦੀ ਵਧ ਕੇ 681.30 ਰੁਪਏ 'ਤੇ ਪਹੁੰਚ ਗਿਆ। ਇਹ NSE 'ਤੇ 7.59 ਫੀਸਦੀ ਵਧ ਕੇ 681.55 ਰੁਪਏ 'ਤੇ ਕਾਰੋਬਾਰ ਕਰ ਰਿਹਾ ਸੀ। BSE 'ਤੇ ਅਡਾਨੀ ਗ੍ਰੀਨ ਐਨਰਜੀ ਦਾ ਸ਼ੇਅਰ ਵੀ 7.39 ਫੀਸਦੀ ਵਧ ਕੇ 1,920 ਰੁਪਏ 'ਤੇ ਪਹੁੰਚ ਗਿਆ। NSE 'ਤੇ ਇਹ 7.25 ਫੀਸਦੀ ਵਧ ਕੇ 1,918 ਰੁਪਏ 'ਤੇ ਰਿਹਾ।

ਇਹ ਵੀ ਪੜ੍ਹੋ :     ਯੂਨੀਵਰਸਿਟੀ ਦੀਆਂ ਵਿਦਿਆਰਥਣਾਂ ਨਾਲ ਛਾਪੇਮਾਰੀ ਦੌਰਾਨ ਬਦਸਲੂਕੀ, ਫੌਜ ’ਤੇ ਲੱਗੇ ਗੰਭੀਰ ਦੋਸ਼

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8