ਭਲਕੇ ਤੋਂ ਲਾਗੂ ਹੋਣਗੀਆਂ ਨਵੀਆਂ GST ਦਰਾਂ...ਜਾਣੋ ਕੀ-ਕੀ ਹੋਵੇਗਾ ਸਸਤਾ?

ਬਿਜਨੈੱਸ ਡੈਸਕ- ਭਾਰਤ ਸਰਕਾਰ ਵੱਲੋਂ GST ਸਿਸਟਮ ਵਿੱਚ ਕੀਤਾ ਵੱਡਾ ਬਦਲਾਅ 22 ਸਤੰਬਰ ਯਾਨੀ ਕੱਲ੍ਹ ਤੋਂ ਲਾਗੂ ਹੋ ਰਿਹਾ ਹੈ। ਹੁਣ ਸਿਰਫ਼ 2 ਹੀ ਟੈਕਸ ਸਲੈਬ ਰਹਿ ਜਾਣਗੇ—5% ਅਤੇ 18%। ਪਹਿਲਾਂ 5%, 12%, 18% ਅਤੇ 28% ਸਲੈਬ ਸਨ। ਇਸ ਫੈਸਲੇ ਨਾਲ ਆਮ ਵਰਤੋਂ ਵਾਲੀਆਂ ਚੀਜ਼ਾਂ ਤੋਂ ਲੈ ਕੇ ਕਾਰਾਂ ਅਤੇ ਇਲੈਕਟ੍ਰਾਨਿਕ ਸਮਾਨ ਤੱਕ ਸਸਤੇ ਹੋ ਜਾਣਗੇ।

ਇਹ ਵੀ ਪੜ੍ਹੋ: ਹੜ੍ਹ ਪ੍ਰਭਾਵਿਤ ਲੋਕਾਂ ਨਾਲ ਡੱਟ ਕੇ ਖੜ੍ਹਿਆ ਮਨਕੀਰਤ ਔਲਖ, ਦਾਨ ਕੀਤੇ 10 ਹੋਰ ਟਰੈਕਟਰ

ਸਰਕਾਰ ਨੇ ਇਹ ਫੈਸਲਾ GST ਕੌਂਸਲ ਦੀ 56ਵੀਂ ਮੀਟਿੰਗ ਵਿੱਚ ਲਿਆ ਸੀ। ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਣ ਨੇ 3 ਸਤੰਬਰ ਨੂੰ ਇਸ ਬਾਰੇ ਜਾਣਕਾਰੀ ਦਿੱਤੀ ਸੀ। ਨਵੇਂ ਨਿਯਮਾਂ ਅਨੁਸਾਰ, ਤੰਬਾਕੂ, ਪਾਨ ਮਸਾਲਾ, ਵੱਡੀਆਂ ਕਾਰਾਂ, ਯਾਟ ਅਤੇ ਨਿੱਜੀ ਜਹਾਜ਼ਾਂ ਉੱਤੇ 40% ਖਾਸ ਟੈਕਸ ਲੱਗੇਗਾ। ਜਦਕਿ ਛੇਨਾ, ਪਨੀਰ, ਰੋਟੀ, ਪਰੌਂਠੇ ਵਰਗੀਆਂ ਚੀਜ਼ਾਂ ਪੂਰੀ ਤਰ੍ਹਾਂ ਟੈਕਸ-ਮੁਕਤ ਹੋਣਗੀਆਂ।

ਇਹ ਵੀ ਪੜ੍ਹੋ: ਵੱਡੀ ਖਬਰ; ਡਿੱਗ ਗਈ ਅਕੈਡਮੀ ਦੀ ਛੱਤ, 5 ਜਵਾਕਾਂ ਸਣੇ 7 ਜਣਿਆਂ ਦੀ ਮੌਤ

ਇਸ ਬਦਲਾਅ ਨਾਲ ਸਾਬਣ, ਸ਼ੈਂਪੂ, ਤੇਲ, ਟੀਵੀ, ਏਸੀ, ਕਾਰਾਂ ਅਤੇ ਮੋਟਰਸਾਈਕਲ ਵਰਗੇ ਸਮਾਨ ਸਸਤੇ ਹੋਣਗੇ। ਸੀਮੈਂਟ ‘ਤੇ ਟੈਕਸ 28% ਤੋਂ ਘਟਾ ਕੇ 18% ਕਰ ਦਿੱਤਾ ਗਿਆ ਹੈ, ਜਿਸ ਨਾਲ ਘਰ ਬਣਾਉਣ ਦਾ ਖਰਚ ਘਟੇਗਾ। 33 ਜ਼ਰੂਰੀ ਦਵਾਈਆਂ, ਖਾਸ ਕਰਕੇ ਕੈਂਸਰ ਅਤੇ ਗੰਭੀਰ ਬਿਮਾਰੀਆਂ ਦੀਆਂ ਦਵਾਈਆਂ ਹੁਣ ਬਿਨਾਂ ਟੈਕਸ ਮਿਲਣਗੀਆਂ।

ਇਹ ਵੀ ਪੜ੍ਹੋ: ਕਪਿਲ ਸ਼ਰਮਾ ਸ਼ੋਅ 'ਤੇ ਛਾਏ ਸੰਕਟ ਦੇ ਬੱਦਲ, ਮਿਲਿਆ 25 ਕਰੋੜ ਰੁਪਏ ਦਾ ਕਾਨੂੰਨੀ ਨੋਟਿਸ

ਬੀਮਾ ਖੇਤਰ ਨੂੰ ਵੀ ਵੱਡੀ ਰਾਹਤ ਦਿੱਤੀ ਗਈ ਹੈ। ਲਾਈਫ ਅਤੇ ਹੈਲਥ ਇਨਸ਼ੋਰੈਂਸ ‘ਤੇ ਪਹਿਲਾਂ 18% ਜੀਐਸਟੀ ਲੱਗਦਾ ਸੀ, ਹੁਣ ਇਸਨੂੰ 0% ਕਰ ਦਿੱਤਾ ਗਿਆ ਹੈ। ਇਸ ਨਾਲ ਪ੍ਰੀਮੀਅਮ ਕਾਫੀ ਘਟ ਜਾਵੇਗਾ। ਉਦਾਹਰਣ ਲਈ, ਜੇ 50 ਹਜ਼ਾਰ ਦਾ ਪ੍ਰੀਮੀਅਮ ਸੀ ਤਾਂ ਹੁਣ 9 ਹਜ਼ਾਰ ਰੁਪਏ ਦੀ ਬਚਤ ਹੋਵੇਗੀ।

ਇਹ ਵੀ ਪੜ੍ਹੋ: ਹੋ ਗਿਆ ਡਰੋਨ ਹਮਲਾ, ਮਾਰੇ ਗਏ 70 ਲੋਕ

ਹੋਟਲ, ਸਿਨੇਮਾ ਅਤੇ ਏਅਰ ਟਿਕਟਾਂ ‘ਤੇ ਵੀ ਅਸਰ ਪਵੇਗਾ। 1000 ਤੋਂ 7500 ਰੁਪਏ ਵਾਲੇ ਹੋਟਲ ਕਮਰਿਆਂ ‘ਤੇ ਹੁਣ 5% ਟੈਕਸ ਲੱਗੇਗਾ, ਜੋ ਪਹਿਲਾਂ 12% ਸੀ। 100 ਰੁਪਏ ਤੋਂ ਘੱਟ ਦੀਆਂ ਸਿਨੇਮਾ ਟਿਕਟਾਂ ‘ਤੇ ਟੈਕਸ 12% ਤੋਂ ਘਟਾ ਕੇ 5% ਕੀਤਾ ਗਿਆ ਹੈ। ਹਵਾਈ ਯਾਤਰਾ ਵਿੱਚ ਇਕਨਾਮੀ ਕਲਾਸ ਸਸਤੀ ਹੋਵੇਗੀ, ਪਰ ਬਿਜ਼ਨੈਸ ਕਲਾਸ ਦਾ ਕਿਰਾਇਆ ਵਧੇਗਾ।

ਇਹ ਵੀ ਪੜ੍ਹੋ: ਵੱਡੀ ਖਬਰ; ਮਸ਼ਹੂਰ ਅਦਾਕਾਰ ਨੇ ਵੱਢ ਲਈਆਂ ਆਪਣੀਆਂ ਨਸਾਂ, ਮਸਾਂ ਬਚੀ ਜਾਨ, ਤਸਵੀਰਾਂ ਆਈਆਂ ਸਾਹਮਣੇ

ਇੱਕ ਨਵਾਂ 40% ਸਲੈਬ ਬਣਾਇਆ ਗਿਆ ਹੈ। ਕੁਝ ਕਾਰਾਂ ਅਤੇ ਬਾਈਕਾਂ ‘ਤੇ ਵੀ 40% ਟੈਕਸ ਲੱਗੇਗਾ। ਹਾਲਾਂਕਿ, ਇਹ ਵਾਹਨ ਹੋਰ ਮਹਿੰਗੇ ਨਹੀਂ ਹੋਣਗੇ। ਪਹਿਲਾਂ, ਇਹ ਵਾਹਨ 28% GST ਦੇ ਨਾਲ 17% ਸੈੱਸ ਦੇ ਅਧੀਨ ਸਨ। ਹਾਲਾਂਕਿ ਪਹਿਲਾਂ ਇਹ ਕੁੱਲ 45% ਹੁੰਦਾ ਸੀ, ਜੋ ਹੁਣ ਘਟ ਕੇ 40% ਹੋ ਗਿਆ ਹੈ। 1200 ਸੀਸੀ ਤੋਂ ਵੱਧ ਅਤੇ 4 ਮੀਟਰ ਲੰਬਾਈ ਵਾਲੇ ਪੈਟਰੋਲ ਵਾਹਨਾਂ ‘ਤੇ 40% ਟੈਕਸ ਲੱਗੇਗਾ। 1500 ਸੀਸੀ ਤੋਂ ਵੱਧ ਅਤੇ 4 ਮੀਟਰ ਲੰਬਾਈ ਵਾਲੇ ਡੀਜ਼ਲ ਵਾਹਨਾਂ ‘ਤੇ ਵੀ 40% ਟੈਕਸ ਲੱਗੇਗਾ। 350 ਸੀਸੀ ਤੋਂ ਵੱਧ ਮੋਟਰਸਾਈਕਲਾਂ ‘ਤੇ ਵੀ ਇਸ ਟੈਕਸ ਲੱਗੇਗਾ।

ਇਹ ਵੀ ਪੜ੍ਹੋ: ਜ਼ੁਬੀਨ ਗਰਗ ਦੀ ਮ੍ਰਿਤਕ ਦੇਹ ਸਿੰਗਾਪੁਰ ਤੋਂ ਲਿਆਂਦੀ ਜਾ ਰਹੀ ਹੈ ਭਾਰਤ, ਅੱਜ ਸ਼ਾਮ ਤੱਕ ਗੁਹਾਟੀ ਪੁੱਜਣ ਦੀ ਉਮੀਦ

ਕੁਝ ਚੀਜ਼ਾਂ ‘ਤੇ ਕੋਈ ਬਦਲਾਅ ਨਹੀਂ ਹੋਇਆ। ਤਾਜ਼ੇ ਫਲ-ਸਬਜ਼ੀਆਂ, ਦੁੱਧ, ਖੁੱਲਾ ਆਟਾ, ਰੋਟੀ ਅਤੇ ਪਰੌਂਠੇ ਪਹਿਲਾਂ ਵੀ ਟੈਕਸ-ਮੁਕਤ ਸਨ ਅਤੇ ਹੁਣ ਵੀ ਰਹਿਣਗੇ। ਸੋਨਾ, ਚਾਂਦੀ, ਹੀਰੇ ‘ਤੇ ਪਹਿਲਾਂ ਵਾਂਗ 3% ਜੀਐਸਟੀ ਹੀ ਲੱਗੇਗਾ। ਇਲੈਕਟ੍ਰਾਨਿਕ ਜਿਵੇਂ ਮੋਬਾਈਲ, ਲੈਪਟਾਪ, ਕੰਪਿਊਟਰ ਉੱਤੇ 18% ਹੀ ਲਾਗੂ ਰਹੇਗਾ।

ਸਰਕਾਰ ਦਾ ਕਹਿਣਾ ਹੈ ਕਿ ਜੀਐਸਟੀ 2.0 ਨਾਲ ਨਾ ਸਿਰਫ਼ ਆਮ ਆਦਮੀ ਨੂੰ ਰਾਹਤ ਮਿਲੇਗੀ, ਸਗੋਂ ਕਾਰੋਬਾਰ ਵੀ ਆਸਾਨ ਹੋ ਜਾਵੇਗਾ। ਵਿੱਤ ਮੰਤਰੀ ਨੇ ਦਾਅਵਾ ਕੀਤਾ ਕਿ ਇਸ ਨਾਲ ਅਰਥਵਿਵਸਥਾ ਵਿੱਚ ਲਗਭਗ 2 ਲੱਖ ਕਰੋੜ ਰੁਪਏ ਦਾ ਵਾਧਾ ਹੋਵੇਗਾ। ਆਰਥਿਕ ਮਾਹਰਾਂ ਦੇ ਅਨੁਸਾਰ, ਲੋਕਾਂ ਦੀ ਖਰੀਦਣ ਦੀ ਸਮਰੱਥਾ ਵਧੇਗੀ ਅਤੇ ਜੀਡੀਪੀ ਗ੍ਰੋਥ ਨੂੰ ਅਗਲੇ ਕੁਝ ਕਵਾਰਟਰਾਂ ਵਿੱਚ 1% ਤੋਂ ਵੱਧ ਦਾ ਬੂਸਟ ਮਿਲੇਗਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8