ਆਪਣਾ ਸੋਨਾ ਗਿਰਵੀ ਰੱਖ ਰਹੇ ਲੋਕ, 7 ਮਹੀਨਿਆਂ 'ਚ ਗੋਲਡ ਲੋਨ 50 ਫ਼ੀਸਦੀ ਵਧਿਆ

ਨਵੀਂ ਦਿੱਲੀ — ਚਾਲੂ ਵਿੱਤੀ ਸਾਲ ਦੇ ਪਹਿਲੇ 7 ਮਹੀਨਿਆਂ 'ਚ ਬੈਂਕਾਂ ਵਲੋਂ ਸੋਨੇ ਦੇ ਗਹਿਣਿਆਂ 'ਤੇ ਦਿੱਤੇ ਗਏ ਕਰਜ਼ 'ਚ 50.4 ਫੀਸਦੀ ਦਾ ਵਾਧਾ ਹੋਇਆ ਹੈ। ਇਹ ਵਾਧਾ ਉਦੋਂ ਦੇਖਣ ਨੂੰ ਮਿਲ ਰਿਹਾ ਹੈ ਜਦੋਂ ਹਰ ਦੂਜੇ ਨਿੱਜੀ ਲੋਨ ਸੈਗਮੈਂਟ ਵਿੱਚ ਕ੍ਰੈਡਿਟ ਸਿੰਗਲ ਅੰਕਾਂ ਵਿੱਚ ਵਧਿਆ ਹੈ। ਆਰਬੀਆਈ ਦੁਆਰਾ ਸ਼ੁੱਕਰਵਾਰ ਨੂੰ ਜਾਰੀ ਕੀਤੇ ਅੰਕੜਿਆਂ ਤੋਂ ਪਤਾ ਲਗਦਾ ਹੈ ਕਿ 18 ਅਕਤੂਬਰ, 2024 ਤੱਕ ਬਕਾਇਆ ਸੋਨੇ ਦੇ ਕਰਜ਼ੇ 1,54,282 ਕਰੋੜ ਰੁਪਏ ਸਨ। ਮਾਰਚ 2024 ਦੇ ਅੰਤ ਤੱਕ ਇਹ 1,02,562 ਕਰੋੜ ਰੁਪਏ ਸੀ।ਸਾਲਾਨਾ ਆਧਾਰ 'ਤੇ ਇਸ 'ਚ 56 ਫ਼ੀਸਦੀ ਦਾ ਵਾਧਾ ਹੋਇਆ ਹੈ ਜਦੋਂਕਿ ਅਕਤੂਬਰ 2023 'ਚ ਇਹ 13 ਫ਼ੀਸਦੀ ਸੀ।

ਇਹ ਵੀ ਪੜ੍ਹੋ :    1 ਦਸੰਬਰ ਤੋਂ OTP , ਕ੍ਰੈਡਿਟ ਕਾਰਡ ਸਮੇਤ ਕਈ ਹੋਰ ਨਿਯਮਾਂ ਚ ਹੋਣ ਜਾ ਰਹੇ ਵੱਡੇ ਬਦਲਾਅ

ਇਸ ਕਾਰਨ ਵਧ ਰਹੇ ਲੋਨ

ਬੈਂਕਰਾਂ ਦਾ ਕਹਿਣਾ ਹੈ ਕਿ ਵਿੱਤੀ ਸਾਲ ਦੇ ਪਹਿਲੇ ਸੱਤ ਮਹੀਨਿਆਂ 'ਚ ਗੋਲਡ ਲੋਨ 'ਚ ਭਾਰੀ ਵਾਧੇ ਦੇ ਕਈ ਕਾਰਨ ਹੋ ਸਕਦੇ ਹਨ। ਇਹਨਾਂ ਵਿੱਚ NBFCs ਤੋਂ ਬਦਲਾਅ ਅਤੇ ਅਸੁਰੱਖਿਅਤ ਕਰਜ਼ਿਆਂ ਨਾਲੋਂ ਸੁਰੱਖਿਅਤ ਕਰਜ਼ਿਆਂ ਨੂੰ ਤਰਜੀਹ ਸ਼ਾਮਲ ਹੈ। ਸਾਲ ਦੇ ਪਹਿਲੇ ਸੱਤ ਮਹੀਨਿਆਂ ਦੌਰਾਨ NBFCs ਜ਼ਰੀਏ ਬੈਂਕ ਲੋਨ 0.7% ਘਟ ਕੇ 1.5 ਲੱਖ ਕਰੋੜ ਰੁਪਏ ਰਹਿ ਗਿਆ। ਬੈਂਕਰਾਂ ਨੇ ਇਹ ਵੀ ਕਿਹਾ ਕਿ ਸੋਨੇ ਦੇ ਕਰਜ਼ੇ ਵਿੱਚ ਵਾਧਾ ਇਸ ਦੀਆਂ ਕੀਮਤਾਂ ਵਿੱਚ ਵਾਧੇ ਕਾਰਨ ਹੋ ਸਕਦਾ ਹੈ। ਇਹ ਕਰਜ਼ਾ ਲੈਣ ਵਾਲਿਆਂ ਨੂੰ ਪੁਰਾਣੇ ਕਰਜ਼ਿਆਂ ਦੀ ਅਦਾਇਗੀ ਕਰਨ ਅਤੇ ਹੋਰ ਨਵੇਂ ਕਰਜ਼ੇ ਪ੍ਰਾਪਤ ਕਰਨ ਦਾ ਮੌਕਾ ਪ੍ਰਦਾਨ ਕਰਦਾ ਹੈ।

ਇਹ ਵੀ ਪੜ੍ਹੋ :    ਵਿਦੇਸ਼ਾਂ ਵਿਚ ਭਾਰਤੀਆਂ ਨੇ ਲੁਕਾ ਕੇ ਰੱਖੇ ਹਨ ਕਰੋੜਾਂ ਰੁਪਏ, ਇਨਕਮ ਟੈਕਸ ਜਾਂਚ 'ਚ ਖੁੱਲ੍ਹਿਆ ਭੇਤ  

ਵਿੱਤੀ ਸੰਕਟ ਦੀ ਨਿਸ਼ਾਨੀ

ਕੁਝ ਵਿਸ਼ਲੇਸ਼ਕ ਸੋਨੇ ਦੇ ਕਰਜ਼ਿਆਂ ਦੀ ਵਧਦੀ ਮੰਗ ਨੂੰ ਵਿੱਤੀ ਸੰਕਟ ਦਾ ਸੰਕੇਤ ਮੰਨਦੇ ਹਨ। ਪਿਛਲੇ ਮਹੀਨੇ, ਆਰਬੀਆਈ ਨੇ ਬੈਂਕਾਂ ਅਤੇ ਵਿੱਤ ਕੰਪਨੀਆਂ ਨੂੰ ਆਪਣੀਆਂ ਗੋਲਡ ਲੋਨ ਨੀਤੀਆਂ ਅਤੇ ਪ੍ਰਕਿਰਿਆਵਾਂ ਦੀ ਸਮੀਖਿਆ ਕਰਨ ਦੇ ਨਿਰਦੇਸ਼ ਦਿੱਤੇ ਸਨ। ਉਨ੍ਹਾਂ ਨੂੰ ਕਿਸੇ ਵੀ ਤਰ੍ਹਾਂ ਦੀ ਕਮੀ ਨੂੰ ਤਿੰਨ ਮਹੀਨਿਆਂ ਦੇ ਅੰਦਰ-ਅੰਦਰ ਦਰੁਸਤ ਕਰਨ ਦੇ ਨਿਰਦੇਸ਼ ਦਿੱਤੇ। ਫਿਰ ਇੱਕ ਸਮੀਖਿਆ ਕੀਤੀ ਗਈ ਜਿਸ ਵਿੱਚ ਅਨਿਯਮਿਤ ਅਭਿਆਸਾਂ ਦਾ ਖੁਲਾਸਾ ਹੋਇਆ। ਇਨ੍ਹਾਂ ਵਿੱਚ ਐਵਰਗ੍ਰੀਨ ਦੇ ਰਾਹੀਂ ਖਰਾਬ ਕਰਜ਼ੇ ਨੂੰ ਛੁਪਾਉਣਾ ਸ਼ਾਮਲ ਹੈ।

ਇਹ ਵੀ ਪੜ੍ਹੋ :     EPFO ਖ਼ਾਤਾਧਾਰਕਾਂ ਲਈ ਖੁਸ਼ਖਬਰੀ, ਹੁਣ ATM ਤੋਂ ਵੀ ਕਢਵਾ ਸਕੋਗੇ PF ਦੇ ਪੈਸੇ

ਪਰਸਨਲ ਲੋਨ ਸੈਗਮੈਂਟ ਵਿੱਚ ਹੋਮ ਲੋਨ ਵਿੱਚ ਸਾਲ ਦਰ ਸਾਲ ਵਾਧਾ 5.6% ਰਿਹਾ। ਬੈਂਕਾਂ ਦੀ ਹੋਮ ਲੋਨ ਬੁੱਕ ਵਧ ਕੇ 28.7 ਲੱਖ ਕਰੋੜ ਰੁਪਏ ਹੋ ਗਈ ਹੈ। ਅਕਤੂਬਰ 2023 ਦੇ 36.6% ਦੇ ਮੁਕਾਬਲੇ ਹੋਮ ਲੋਨ ਵਿੱਚ ਸਾਲ ਦਰ ਸਾਲ ਵਾਧਾ 12.1% ਰਿਹਾ। ਅਗਲਾ ਸਭ ਤੋਂ ਵੱਡਾ ਵਾਧਾ ਕ੍ਰੈਡਿਟ ਕਾਰਡ ਦੇ ਬਕਾਏ ਵਿੱਚ ਸੀ। ਇਹ ਸੱਤ ਮਹੀਨਿਆਂ ਵਿੱਚ 9.2% ਵਧ ਕੇ 2.81 ਲੱਖ ਕਰੋੜ ਰੁਪਏ ਹੋ ਗਿਆ। ਬਕਾਇਆ ਕਰਜ਼ਿਆਂ ਵਿੱਚ ਵਾਧਾ ਇਸ ਸਮੇਂ ਦੌਰਾਨ ਔਨਲਾਈਨ ਲੈਣ-ਦੇਣ ਵਿੱਚ ਵਾਧੇ ਦੇ ਅਨੁਰੂਪ ਸੀ। ਹਾਲਾਂਕਿ, ਅਸੁਰੱਖਿਅਤ ਕਰਜ਼ਿਆਂ ਸਮੇਤ ਹੋਰ ਨਿੱਜੀ ਕਰਜ਼ਿਆਂ ਵਿੱਚ ਵਾਧਾ 3.3% 'ਤੇ ਸੁਸਤ ਰਿਹਾ। ਕੁੱਲ ਮਿਲਾ ਕੇ ਬੈਂਕ ਕ੍ਰੈਡਿਟ 4.9% ਵਧ ਕੇ 172.4 ਲੱਖ ਕਰੋੜ ਰੁਪਏ ਹੋ ਗਿਆ। ਇਸ ਦੌਰਾਨ ਉਦਯੋਗ ਨੂੰ ਕ੍ਰੈਡਿਟ 'ਚ 3.3 ਫ਼ੀਸਦੀ ਦਾ ਵਾਧਾ ਹੋਇਆ।

ਇਹ ਵੀ ਪੜ੍ਹੋ :    Google ਦੀਆਂ ਵਧੀਆਂ ਮੁਸ਼ਕਲਾਂ, ਸ਼ਿਕਾਇਤ ਮਿਲਣ ਤੋਂ ਬਾਅਦ CCI ਨੇ ਦਿੱਤੇ ਜਾਂਚ ਦੇ ਆਦੇਸ਼

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8