ਵਾਧੇ ਨਾਲ ਸ਼ੁਰੂਆਤ ਤੋਂ ਬਾਅਦ ਡਿੱਗੇ ਬਾਜ਼ਾਰ : ਸੈਂਸੈਕਸ 63 ਅੰਕ ਟੁੱਟਿਆ ਤੇ ਨਿਫਟੀ ਵੀ 22,470 ਦੇ ਪੱਧਰ ''ਤੇ

ਮੁੰਬਈ - ਅੱਜ ਹਫਤੇ ਦੇ ਤੀਜੇ ਕਾਰੋਬਾਰੀ ਦਿਨ ਯਾਨੀ ਬੁੱਧਵਾਰ (12 ਮਾਰਚ) ਨੂੰ ਸ਼ੇਅਰ ਬਾਜ਼ਾਰ 'ਚ ਤੇਜ਼ੀ ਨਾਲ ਸ਼ੁਰੂਆਤ ਤੋਂ ਬਾਅਦ ਗਿਰਾਵਟ ਦੇਖਣ ਨੂੰ ਮਿਲ ਰਹੀ ਹੈ। ਸੈਂਸੈਕਸ ਕਰੀਬ 63.03 ਅੰਕ ਭਾਵ 0.09 % ਦੀ ਗਿਰਾਵਟ ਨਾਲ 74,039.29 ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਿਹਾ ਹੈ। ਸੈਂਸੈਕਸ ਦੇ 13 ਸਟਾਕ ਵਾਧੇ ਨਾਲ ਅਤੇ 17 ਸਟਾਕ ਗਿਰਾਵਟ ਨਾਲ ਕਾਰੋਬਾਰ ਕਰ ਰਹੇ ਹਨ।

ਦੂਜੇ ਪਾਸੇ ਨਿਫਟੀ ਵੀ ਵਾਧੇ ਤੋਂ ਬਾਅਦ ਗਿਰਾਵਟ ਵੱਲ ਰੁਖ ਕਰ ਰਿਹਾ ਹੈ ਅਤੇ ਇਹ 'ਚ 27.05 ਅੰਕ ਭਾਵ 0.12% ਦੀ ਗਿਰਾਵਟ ਨਾਲ 22,470.85 ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਿਹਾ ਹੈ। ਨਿਫਟੀ ਦੇ 23 ਸਟਾਕ  ਵਾਧੇ ਨਾਲ ਅਤੇ 27 ਸਟਾਕ ਗਿਰਾਵਟ ਨਾਲ ਕਾਰੋਬਾਰ ਕਰਦੇ ਦੇਖੇ ਜਾ ਰਹੇ ਹਨ। NSE ਦੇ IT ਸ਼ੇਅਰਾਂ 'ਚ 2.21% ਦੀ ਸਭ ਤੋਂ ਵੱਡੀ ਗਿਰਾਵਟ ਦੇਖਣ ਨੂੰ ਮਿਲੀ ਹੈ। ਇਸ ਤੋਂ ਇਲਾਵਾ ਐੱਫਐੱਮਸੀਜੀ ਅਤੇ ਫਾਰਮਾ 'ਚ ਮਾਮੂਲੀ ਗਿਰਾਵਟ ਦਰਜ ਕੀਤੀ ਗਈ ਹੈ। ਉਥੇ ਹੀ, ਆਇਲ ਐਂਡ ਗੈਸ ਅਤੇ ਬੈਂਕਿੰਗ ਸਟਾਕ 'ਚ ਮਾਮੂਲੀ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ।

ਸਟਾਰਲਿੰਕ ਨਾਲ ਸਮਝੌਤੇ ਤੋਂ ਬਾਅਦ ਏਅਰਟੈੱਲ ਦੇ ਸ਼ੇਅਰ 2.16% ਚੜ੍ਹੇ ਹਨ। ਜ਼ੋਮੈਟੋ 1.85% ਅਤੇ ਟਾਟਾ ਮੋਟਰਜ਼ 1.64% ਦੇ ਸਟਾਕ ਵੀ ਵਧੇ ਹਨ। 11 ਮਾਰਚ ਨੂੰ ਵਿਦੇਸ਼ੀ ਨਿਵੇਸ਼ਕਾਂ (ਐੱਫ.ਆਈ.ਆਈ.) ਨੇ 2,823.76 ਕਰੋੜ ਰੁਪਏ ਦੇ ਸ਼ੇਅਰ ਵੇਚੇ। ਇਸ ਸਮੇਂ ਦੌਰਾਨ, ਘਰੇਲੂ ਨਿਵੇਸ਼ਕਾਂ (DIIs) ਨੇ 2,001.79 ਕਰੋੜ ਰੁਪਏ ਦੇ ਸ਼ੇਅਰ ਖਰੀਦੇ।

ਅਮਰੀਕੀ ਬਾਜ਼ਾਰ ਗਿਰਾਵਟ

ਏਸ਼ੀਆਈ ਬਾਜ਼ਾਰਾਂ 'ਚ ਜਾਪਾਨ ਦਾ ਨਿੱਕੇਈ 0.29 ਫੀਸਦੀ ਦੇ ਵਾਧੇ ਨਾਲ ਅਤੇ ਹਾਂਗਕਾਂਗ ਦਾ ਹੈਂਗ ਸੇਂਗ ਇੰਡੈਕਸ 0.069 ਫੀਸਦੀ ਦੇ ਵਾਧੇ ਨਾਲ ਕਾਰੋਬਾਰ ਕਰ ਰਿਹਾ ਹੈ। ਜਦੋਂ ਕਿ ਚੀਨ ਦਾ ਸ਼ੰਘਾਈ ਕੰਪੋਜ਼ਿਟ 0.053% ਹੇਠਾਂ ਹੈ।
11 ਮਾਰਚ ਨੂੰ, ਯੂਐਸ ਡਾਓ ਜੋਂਸ ਇੰਡਸਟਰੀਅਲ ਔਸਤ 1.14% ਡਿੱਗ ਕੇ 41,433 'ਤੇ, S&P 500 0.76% ਡਿੱਗ ਕੇ 5,572 'ਤੇ ਅਤੇ Nasdaq ਕੰਪੋਜ਼ਿਟ 0.18% ਡਿੱਗ ਕੇ 17,436 'ਤੇ ਆ ਗਿਆ।

ਬੀਤੇ ਦਿਨ ਸ਼ੇਅਰ ਬਾਜ਼ਾਰ ਦਾ ਹਾਲ

ਅਮਰੀਕੀ ਬਾਜ਼ਾਰਾਂ 'ਚ 4 ਫੀਸਦੀ ਤੱਕ ਦੀ ਗਿਰਾਵਟ ਦਾ ਅਸਰ ਕੱਲ ਯਾਨੀ ਮੰਗਲਵਾਰ (11 ਮਾਰਚ) ਨੂੰ ਭਾਰਤੀ ਬਾਜ਼ਾਰਾਂ 'ਤੇ ਨਜ਼ਰ ਨਹੀਂ ਆਇਆ। ਸੈਂਸੈਕਸ 12 ਅੰਕਾਂ ਦੀ ਮਾਮੂਲੀ ਗਿਰਾਵਟ ਨਾਲ 74,102 ਦੇ ਪੱਧਰ 'ਤੇ ਬੰਦ ਹੋਇਆ। ਨਿਫਟੀ 37 ਅੰਕ ਵਧਿਆ ਹੈ। 22,497 'ਤੇ ਬੰਦ ਹੋਇਆ।

ਸਵੇਰੇ ਸੈਂਸੈਕਸ ਲਗਭਗ 400 ਅੰਕ ਡਿੱਗ ਕੇ ਦਿਨ ਦੇ ਹੇਠਲੇ ਪੱਧਰ 73,663 'ਤੇ ਆ ਗਿਆ ਸੀ। ਨਿਫਟੀ ਵੀ 100 ਅੰਕਾਂ ਤੋਂ ਵੱਧ ਫਿਸਲ ਗਿਆ। ਨਿਫਟੀ ਨੇ ਦਿਨ ਦੇ ਹੇਠਲੇ ਪੱਧਰ 22,314 'ਤੇ ਬਣਾਇਆ।

ਸਭ ਤੋਂ ਜ਼ਿਆਦਾ ਵਾਧਾ ਰਿਐਲਟੀ ਸ਼ੇਅਰਾਂ 'ਚ ਦੇਖਣ ਨੂੰ ਮਿਲਿਆ। ਨਿਫਟੀ ਰੀਅਲਟੀ ਇੰਡੈਕਸ 3.63 ਫੀਸਦੀ ਵਧ ਕੇ ਬੰਦ ਹੋਇਆ ਹੈ। ਤੇਲ ਅਤੇ ਗੈਸ ਸੂਚਕ ਅੰਕ 1.21% ਵਧਿਆ ਹੈ। ਮੈਟਲ ਇੰਡੈਕਸ 0.53 ਫੀਸਦੀ ਵਧ ਕੇ ਬੰਦ ਹੋਇਆ ਹੈ। ਪ੍ਰਾਈਵੇਟ ਬੈਂਕਾਂ ਦੇ ਸ਼ੇਅਰ ਸਭ ਤੋਂ ਵੱਧ ਡਿੱਗੇ ਹਨ। ਪ੍ਰਾਈਵੇਟ ਬੈਂਕ ਇੰਡੈਕਸ 1.38% ਡਿੱਗ ਗਿਆ।