ਵਾਧੇ ਨਾਲ ਖੁੱਲ੍ਹਿਆ ਬਾਜ਼ਾਰ: ਸੈਂਸੈਕਸ 200 ਅੰਕ ਚੜ੍ਹਿਆ ਤੇ ਨਿਫਟੀ 23,250 ਦੇ ਪੱਧਰ ''ਤੇ
Monday, Jan 20, 2025 - 10:11 AM (IST)
ਮੁੰਬਈ - ਸੋਮਵਾਰ (20 ਜਨਵਰੀ) ਨੂੰ ਘਰੇਲੂ ਸ਼ੇਅਰ ਬਾਜ਼ਾਰ ਵਾਧੇ ਨਾਲ ਖੁੱਲ੍ਹੇ। ਬਾਜ਼ਾਰ 57 ਫੀਸਦੀ ਦੀ ਤੇਜ਼ੀ ਦੇ ਨਾਲ ਕਾਰੋਬਾਰ ਕਰ ਰਿਹਾ ਸੀ। ਸੈਂਸੈਕਸ 200 ਅੰਕਾਂ ਦੀ ਛਾਲ ਮਾਰ ਗਿਆ ਅਤੇ ਨਿਫਟੀ 'ਚ 50 ਅੰਕਾਂ ਤੋਂ ਜ਼ਿਆਦਾ ਦਾ ਵਾਧਾ ਦਰਜ ਕੀਤਾ, ਇਸ ਨੂੰ 23,250 ਦੇ ਆਸਪਾਸ ਦੇਖਿਆ ਗਿਆ। ਬੈਂਕ ਨਿਫਟੀ 155 ਅੰਕਾਂ ਦੇ ਵਾਧੇ ਨਾਲ 48,706 ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਿਹਾ ਸੀ। ਪ੍ਰਾਈਵੇਟ ਬੈਂਕ, ਐਨਬੀਐਫਸੀ, ਕੰਜ਼ਿਊਮਰ ਡਿਊਰੇਬਲਸ, ਮੀਡੀਆ ਵਰਗੇ ਸੂਚਕਾਂਕ ਵਧ ਰਹੇ ਸਨ। ਉਥੇ ਹੀ ਮੈਟਲ, ਆਟੋ, ਫਾਰਮਾ 'ਚ ਗਿਰਾਵਟ ਦਰਜ ਕੀਤੀ ਗਈ।
ਨਿਫਟੀ 'ਤੇ ਵਿਪਰੋ, ਕੋਟਕ ਬੈਂਕ, ਐਸਬੀਆਈ, ਰਿਲਾਇੰਸ, ਬਜਾਜ ਫਾਈਨਾਂਸ ਸਭ ਤੋਂ ਵੱਧ ਲਾਭਕਾਰੀ ਸਨ।
ਸ਼੍ਰੀਰਾਮ ਫਾਈਨਾਂਸ, ਇੰਡਸਇੰਡ ਬੈਂਕ, ਐਸਬੀਆਈ ਲਾਈਫ, ਅਡਾਨੀ ਪੋਰਟਸ, ਐਚਡੀਐਫਸੀ ਬੈਂਕ ਸਭ ਤੋਂ ਵੱਧ ਘਾਟੇ ਵਾਲੇ ਸਨ।
ਪਿਛਲੇ ਬੰਦ ਦੇ ਮੁਕਾਬਲੇ ਸੈਂਸੈਕਸ 359 ਅੰਕਾਂ ਦੇ ਵਾਧੇ ਨਾਲ 76,978 'ਤੇ ਖੁੱਲ੍ਹਿਆ। ਨਿਫਟੀ 87 ਅੰਕ ਚੜ੍ਹ ਕੇ 23,290 'ਤੇ ਖੁੱਲ੍ਹਿਆ। ਬੈਂਕ ਨਿਫਟੀ 294 ਅੰਕ ਚੜ੍ਹ ਕੇ 48,834 'ਤੇ ਖੁੱਲ੍ਹਿਆ। ਮੁਦਰਾ ਬਾਜ਼ਾਰ 'ਚ ਰੁਪਿਆ 14 ਪੈਸੇ ਦੀ ਮਜ਼ਬੂਤੀ ਨਾਲ 86.47 'ਤੇ ਖੁੱਲ੍ਹਿਆ।
ਸਵੇਰੇ ਗਿਫਟ ਨਿਫਟੀ 25 ਅੰਕਾਂ ਦੇ ਮਾਮੂਲੀ ਵਾਧੇ ਨਾਲ 23,293 ਦੇ ਆਸਪਾਸ ਕਾਰੋਬਾਰ ਕਰ ਰਿਹਾ ਸੀ। ਪ੍ਰੀ-ਓਪਨਿੰਗ 'ਚ ਵਾਧੇ ਦੇ ਨਾਲ ਖੁੱਲ੍ਹਣ ਦੇ ਸੰਕੇਤ ਮਿਲੇ ਹਨ। ਅਮਰੀਕੀ ਵਾਇਦਾ ਬਾਜ਼ਾਰਾਂ 'ਚ ਮਾਮੂਲੀ ਗਿਰਾਵਟ ਦਰਜ ਕੀਤੀ ਗਈ। ਉਂਝ ਅਮਰੀਕਾ 'ਚ ਅੱਜ ਸ਼ੇਅਰ ਬਾਜ਼ਾਰ ਬੰਦ ਰਹਿਣਗੇ। ਡੋਨਾਲਡ ਟਰੰਪ ਦਾ ਅੱਜ ਸਹੁੰ ਚੁੱਕ ਸਮਾਗਮ ਹੋਣਾ ਹੈ। ਉਹ ਦੂਜੀ ਵਾਰ ਸੱਤਾ ਸੰਭਾਲਣ ਜਾ ਰਹੇ ਹਨ, ਸਾਰਿਆਂ ਦੀਆਂ ਨਜ਼ਰਾਂ ਉਨ੍ਹਾਂ 'ਤੇ ਹੋਣਗੀਆਂ। ਸ਼ੁੱਕਰਵਾਰ ਨੂੰ, ਡਾਓ ਲਗਭਗ 350 ਅੰਕ ਵਧਿਆ ਅਤੇ 2 ਦਿਨ ਤੱਕ ਡਿੱਗਣ ਤੋਂ ਬਾਅਦ, ਨੈਸਡੈਕ 300 ਅੰਕ ਵਧਿਆ। ਅੱਜ ਸਵੇਰੇ ਨਿੱਕੇਈ ਨੇ ਕਰੀਬ 500 ਅੰਕਾਂ ਦੀ ਛਾਲ ਮਾਰੀ ਸੀ।
