ਸ਼ੇਅਰ ਬਾਜ਼ਾਰ ਦੀ ਕਮਜ਼ੋਰ ਸ਼ੁਰੂਆਤ : ਸੈਂਸੈਕਸ 296 ਅੰਕ ਡਿੱਗਾ ਤੇ ਨਿਫਟੀ 24,475 ਦੇ ਆਸਪਾਸ

ਮੁੰਬਈ - ਅੱਜ ਵੀਰਵਾਰ 7 ਅਗਸਤ ਨੂੰ ਸਟਾਕ ਮਾਰਕੀਟ ਵਿੱਚ ਗਿਰਾਵਟ ਦਾ ਰੁਝਾਨ ਦੇਖਣ ਨੂੰ ਮਿਲ ਰਿਹਾ ਹੈ। ਘਰੇਲੂ ਸਟਾਕ ਬਾਜ਼ਾਰਾਂ 'ਤੇ ਅਮਰੀਕਾ ਵਲੋਂ ਅੱਜ ਤੋਂ ਲਾਗੂ ਹੋਏ ਟੈਰਿਫ ਦਾ ਅਸਰ ਦਿਖਾਈ ਦੇ ਰਿਹਾ ਹੈ। ਰੂਸ ਤੋਂ ਤੇਲ ਖਰੀਦਣ 'ਤੇ ਨਰਾਜ਼ ਟਰੰਪ ਨੇ ਭਾਰਤ 'ਤੇ ਟੈਰਿਫ 25% ਤੋਂ ਵਧਾ ਕੇ 50% ਕਰ ਦਿੱਤਾ ਹੈ। ਪੁਰਾਣੀਆਂ ਦਰਾਂ ਅੱਜ ਤੋਂ ਲਾਗੂ ਹੋਣਗੀਆਂ ਅਤੇ ਵਧੇ ਹੋਏ ਟੈਰਿਫ 27 ਅਗਸਤ ਤੋਂ ਲਾਗੂ ਹੋਣਗੇ। ਅਜਿਹੀ ਸਥਿਤੀ ਵਿੱਚ, ਨਿਫਟੀ ਦੀ ਹਫਤਾਵਾਰੀ ਸਮਾਪਤੀ 'ਤੇ ਬਾਜ਼ਾਰ ਲਈ ਕੁਝ ਹੀ ਕਮਜ਼ੋਰ ਟਰਿੱਗਰ ਹਨ। ਇੱਕ ਕਮਜ਼ੋਰ ਸ਼ੁਰੂਆਤ ਸੀ ਅਤੇ ਸ਼ੁਰੂਆਤ ਤੋਂ ਬਾਅਦ ਸੈਂਸੈਕਸ 296.98 ਅੰਕ ਭਾਵ 0.37% ਡਿੱਗ ਕੇ 80,247.01 'ਤੇ ਕਾਰੋਬਾਰ ਕਰਦਾ ਦੇਖਿਆ ਜਾ ਰਿਹਾ ਹੈ। ਸੈਂਸੈਕਸ ਦੇ 30 ਸ਼ੇਅਰਾਂ ਵਿੱਚੋਂ 26 ਵਿੱਚ ਗਿਰਾਵਟ ਅਤੇ 4 ਵਿੱਚ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ। ਅੱਜ ਬੈਂਕਿੰਗ, ਆਟੋ ਅਤੇ ਆਈਟੀ ਸ਼ੇਅਰਾਂ ਵਿੱਚ ਵੱਡੀ ਗਿਰਾਵਟ ਆਈ ਹੈ।

 ਦੂਜੇ ਪਾਸੇ ਨਿਫਟੀ ਵੀ 99.15 ਅੰਕ ਭਾਵ 0.40% ਡਿੱਗ ਕੇ 24,475.05 ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਿਹਾ ਹੈ।  ਬੈਂਕ ਨਿਫਟੀ 250 ਅੰਕ ਡਿੱਗ ਕੇ 55,160 ਦੇ ਆਸ-ਪਾਸ ਸੀ। ਨਿਫਟੀ ਮਿਡਕੈਪ 216 ਅੰਕ ਡਿੱਗ ਕੇ 56,5333 ਦੇ ਆਸ-ਪਾਸ ਸੀ।

ਅੱਜ ਤੋਂ  ਖੁੱਲ੍ਹ ਰਹੇ ਹਨ 2 ਆਈਪੀਓ

ਜੇਐਸਡਬਲਯੂ ਸੀਮੈਂਟ ਅਤੇ ਆਲ ਟਾਈਮ ਪਲਾਸਟਿਕ ਲਿਮਟਿਡ ਆਈਪੀਓ ਅੱਜ ਤੋਂ ਖੁੱਲ੍ਹਣਗੇ। ਜੇਐਸਡਬਲਯੂ ਸੀਮੈਂਟ ਇਸ ਆਈਪੀਓ ਰਾਹੀਂ 3,600 ਕਰੋੜ ਰੁਪਏ ਇਕੱਠੇ ਕਰਨਾ ਚਾਹੁੰਦਾ ਹੈ। ਜੇਐਸਡਬਲਯੂ ਸੀਮੈਂਟ ਆਈਪੀਓ ਦਾ ਪ੍ਰਾਈਸ ਬੈਂਡ 139 ਤੋਂ 147 ਰੁਪਏ ਹੈ। ਆਲ ਟਾਈਮ ਪਲਾਸਟਿਕ ਲਿਮਟਿਡ ਇਸ ਆਈਪੀਓ ਰਾਹੀਂ 400 ਕਰੋੜ ਰੁਪਏ ਇਕੱਠੇ ਕਰਨਾ ਚਾਹੁੰਦਾ ਹੈ। ਆਲ ਟਾਈਮ ਪਲਾਸਟਿਕ ਲਿਮਟਿਡ ਆਈਪੀਓ ਦਾ ਪ੍ਰਾਈਸ ਬੈਂਡ 260 ਤੋਂ 275 ਰੁਪਏ ਹੈ।

ਇਸ ਦੌਰਾਨ, ਫਿਊਚਰਜ਼ ਟ੍ਰੇਡਿੰਗ ਵਿੱਚ ਬ੍ਰੈਂਟ ਕਰੂਡ ਦੀ ਕੀਮਤ 0.99 ਪ੍ਰਤੀਸ਼ਤ ਵਧ ਕੇ $67.55 ਪ੍ਰਤੀ ਬੈਰਲ ਹੋ ਗਈ। ਡਾਲਰ ਸੂਚਕਾਂਕ, ਜੋ ਛੇ ਪ੍ਰਮੁੱਖ ਮੁਦਰਾਵਾਂ ਦੇ ਮੁਕਾਬਲੇ ਅਮਰੀਕੀ ਡਾਲਰ ਦੀ ਸਥਿਤੀ ਨੂੰ ਦਰਸਾਉਂਦਾ ਹੈ, 0.04 ਪ੍ਰਤੀਸ਼ਤ ਵਧ ਕੇ 98.21 'ਤੇ ਪਹੁੰਚ ਗਿਆ। ਸਟਾਕ ਮਾਰਕੀਟ ਦੇ ਅੰਕੜਿਆਂ ਅਨੁਸਾਰ, ਵਿਦੇਸ਼ੀ ਸੰਸਥਾਗਤ ਨਿਵੇਸ਼ਕਾਂ (FIIs) ਨੇ ਬੁੱਧਵਾਰ ਨੂੰ ਸ਼ੁੱਧ ਆਧਾਰ 'ਤੇ 4,999.10 ਕਰੋੜ ਰੁਪਏ ਦੇ ਸ਼ੇਅਰ ਵੇਚੇ।