ਮਾਰਕ ਜ਼ੁਕਰਬਰਗ ਨੇ ਅਮੀਰਾਂ ਦੀ ਸੂਚੀ 'ਚ ਮੁਕੇਸ਼ ਅੰਬਾਨੀ ਨੂੰ ਪਛਾੜਿਆ, 24 ਘੰਟਿਆਂ 'ਚ ਬਦਲੀ ਗੇਮ

ਨਵੀਂ ਦਿੱਲੀ - ਭਾਰਤ ਦੇ ਸਭ ਤੋਂ ਅਮੀਰ ਵਿਅਕਤੀ ਅਤੇ ਰਿਲਾਇੰਸ ਇੰਡਸਟਰੀਜ਼ ਦੇ ਚੇਅਰਮੈਨ ਮੁਕੇਸ਼ ਅੰਬਾਨੀ ਨੂੰ ਅਮੀਰਾਂ ਦੀ ਸੂਚੀ ਵਿੱਚ ਵੱਡਾ ਝਟਕਾ ਲੱਗਾ ਹੈ। ਉਨ੍ਹਾਂ ਨੂੰ ਫੇਸਬੁੱਕ ਦੇ ਮਾਲਕ ਅਤੇ ਸੀਈਓ ਮਾਰਕ ਜ਼ੁਕਰਬਰਗ ਨੇ ਪਿੱਛੇ ਛੱਡ ਦਿੱਤਾ ਹੈ। ਬਲੂਮਬਰਗ ਬਿਲੀਅਨੇਅਰ ਇੰਡੈਕਸ ਦੀ ਰਿਪੋਰਟ ਮੁਤਾਬਕ ਮੁਕੇਸ਼ ਅੰਬਾਨੀ 12ਵੇਂ ਸਥਾਨ ਤੋਂ 13ਵੇਂ ਸਥਾਨ 'ਤੇ ਆ ਗਏ ਹਨ। Facebook Metaverse ਦੀ ਮੂਲ ਕੰਪਨੀ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਜ਼ੁਕਰਬਰਗ ਦੀ ਸੰਪਤੀ ਵਿੱਚ ਇੱਕ ਦਿਨ ਵਿੱਚ 10.2 ਬਿਲੀਅਨ ਡਾਲਰ ਦਾ ਵਾਧਾ ਹੋਇਆ ਹੈ। ਇਸ ਬਦਲਾਅ ਤੋਂ ਬਾਅਦ ਉਸ ਦੀ ਕੁੱਲ ਜਾਇਦਾਦ 87.3 ਅਰਬ ਡਾਲਰ ਨੂੰ ਪਾਰ ਕਰ ਗਈ ਹੈ। ਇਸ ਸਮੇਂ ਅੰਬਾਨੀ ਕੋਲ 82.4 ਅਰਬ ਡਾਲਰ ਦੀ ਜਾਇਦਾਦ ਹੈ। ਮਾਰਕ ਦੀ ਨੈੱਟਵਰਥ 'ਚ ਇਸ ਬਦਲਾਅ ਦਾ ਸਭ ਤੋਂ ਵੱਡਾ ਕਾਰਨ ਮੈਟਾਵਰਸ ਦੇ ਸਟਾਕ 'ਚ 14 ਫੀਸਦੀ ਦਾ ਵਾਧਾ ਹੈ। ਬਲੂਮਬਰਗ ਬਿਲੀਨੇਅਰ ਇੰਡੈਕਸ ਦੇ ਚੋਟੀ ਦੇ-5 ਅਮੀਰਾਂ ਦੀ ਸੂਚੀ ਵਿੱਚ ਅਜੇ ਵੀ ਕੋਈ ਬਦਲਾਅ ਨਹੀਂ ਹੋਇਆ ਹੈ। ਬਰਨਾਲਟ ਅਰਨੌਲਟ ਪਹਿਲੇ ਨੰਬਰ 'ਤੇ, ਦੂਜੇ ਨੰਬਰ 'ਤੇ ਏਲੋਨ ਮਸਕ, ਜੈਫ ਬੇਜੋਸ ਤੀਜੇ ਨੰਬਰ 'ਤੇ ਬਿਲ ਗੇਟਸ ਚੌਥੇ ਅਤੇ ਪੰਜਵੇਂ ਨੰਬਰ 'ਤੇ ਵਾਰੇਨ ਬਫੇਟ ਹਨ।

ਇਹ ਵੀ ਪੜ੍ਹੋ : ਮੁਕੇਸ਼ ਅੰਬਾਨੀ ਨੇ ਇਸ ਵਿਅਕਤੀ ਨੂੰ ਦਿੱਤਾ 1500 ਕਰੋੜ ਦਾ 22 ਮੰਜ਼ਿਲਾ ਘਰ, ਰਿਲਾਇੰਸ 'ਚ ਕਰਦਾ ਹੈ ਕੰਮ

ਇਸ ਕਾਰਨ ਮਾਰਕ ਦੇ ਸ਼ੇਅਰਾਂ 'ਚ ਆ ਰਹੀ ਹੈ ਤੇਜ਼ੀ 

ਫੇਸਬੁੱਕ ਦੀ ਮੂਲ ਕੰਪਨੀ ਮੈਟਾ ਨੇ ਪਹਿਲੀ ਤਿਮਾਹੀ ਦੇ ਲਾਭ ਅਤੇ ਕਮਾਈ ਵਾਲ ਸਟਰੀਟ ਦੀਆਂ ਉਮੀਦਾਂ ਤੋਂ ਜ਼ਿਆਦਾ ਰਹੀ ਹੈ। ਇਸ ਕਾਰਨ ਕੰਪਨੀ ਦੇ ਸਟਾਕ 'ਚ ਜ਼ਬਰਦਸਤ ਉਛਾਲ ਆਇਆ ਹੈ। ਮੇਟਾ ਨੇ ਦੱਸਿਆ ਕਿ ਇਸ ਦੇ ਫਲੈਗਸ਼ਿਪ ਪਲੇਟਫਾਰਮ ਫੇਸਬੁੱਕ ਦੇ ਮਾਸਿਕ ਉਪਭੋਗਤਾਵਾਂ ਦੀ ਗਿਣਤੀ ਵੀ ਤਿੰਨ ਅਰਬ ਦੇ ਨੇੜੇ ਪਹੁੰਚ ਗਈ ਹੈ। Meta Platforms Inc ਨੇ ਹਾਲ ਹੀ ਵਿੱਚ ਜਨਵਰੀ-ਮਾਰਚ ਤਿਮਾਹੀ ਲਈ 5.71 ਅਰਬ ਡਾਲਰ (ਰੁ. 4,66,22,43,55,000) ਜਾਂ 2.20 ਡਾਲਰ ਪ੍ਰਤੀ ਸ਼ੇਅਰ ਦਾ ਮੁਨਾਫ਼ਾ ਦਰਜ ਕੀਤਾ ਹੈ।

ਇਹ ਇੱਕ ਸਾਲ ਪਹਿਲਾਂ ਦੀ ਇਸੇ ਮਿਆਦ ਵਿੱਚ 7.47 ਅਰਬ ਡਾਲਰ ਜਾਂ 2.72 ਡਾਲਰ ਪ੍ਰਤੀ ਸ਼ੇਅਰ ਦੇ ਮੁਨਾਫੇ ਤੋਂ 19 ਪ੍ਰਤੀਸ਼ਤ ਘੱਟ ਹੈ। ਇਸ ਸਮੇਂ ਦੌਰਾਨ ਕੰਪਨੀ ਦਾ ਮਾਲੀਆ ਤਿੰਨ ਫੀਸਦੀ ਵਧ ਕੇ 28.65 ਅਰਬ ਡਾਲਰ 'ਤੇ ਪਹੁੰਚ ਗਿਆ, ਜੋ ਇਕ ਸਾਲ ਪਹਿਲਾਂ ਇਸੇ ਮਿਆਦ 'ਚ 27.91 ਅਰਬ ਡਾਲਰ ਸੀ। ਹਾਲਾਂਕਿ, ਵਿਸ਼ਲੇਸ਼ਕ 27.67 ਅਰਬ ਡਾਲਰ ਦੇ ਮਾਲੀਏ 'ਤੇ ਪ੍ਰਤੀ ਸ਼ੇਅਰ 2.02 ਦੇ ਲਾਭ ਦੀ ਉਮੀਦ ਕਰ ਰਹੇ ਸਨ।

ਇਹ ਵੀ ਪੜ੍ਹੋ : ਡਾਲਰ ਦੀ ਬਾਦਸ਼ਾਹਤ ਖ਼ਤਮ ਕਰਨ ਦਾ ‘ਬਲੂਪ੍ਰਿੰਟ’ ਤਿਆਰ, ਇਨ੍ਹਾਂ ‘ਪੰਚਾਂ’ ਨਾਲ ਆਏ 19 ਦੇਸ਼

ਮੁਨਾਫੇ ਵਿੱਚ ਹੈ ਅੰਬਾਨੀ ਦੀ ਕੰਪਨੀ

ਰਿਲਾਇੰਸ ਇੰਡਸਟਰੀਜ਼ ਦੀ ਡਿਜੀਟਲ ਸਰਵਿਸਿਜ਼ ਯੂਨਿਟ ਜਿਓ ਪਲੇਟਫਾਰਮਸ ਨੇ ਵਿੱਤੀ ਸਾਲ 2022-23 ਦੀ ਮਾਰਚ ਤਿਮਾਹੀ 'ਚ ਸ਼ੁੱਧ ਲਾਭ 'ਚ 15.6 ਫੀਸਦੀ ਦਾ ਵਾਧਾ ਦਰਜ ਕਰਕੇ 4,984 ਕਰੋੜ ਰੁਪਏ ਤੱਕ ਪਹੁੰਚਾਇਆ ਹੈ। ਕੰਪਨੀ ਨੇ ਕਿਹਾ ਕਿ ਉਸ ਦਾ ਸ਼ੁੱਧ ਲਾਭ ਇਕ ਸਾਲ ਪਹਿਲਾਂ ਦੀ ਤਿਮਾਹੀ 'ਚ 4,313 ਕਰੋੜ ਰੁਪਏ ਰਿਹਾ ਸੀ। ਸਮੀਖਿਆ ਅਧੀਨ ਤਿਮਾਹੀ ਦੌਰਾਨ ਜੀਓ ਪਲੇਟਫਾਰਮ ਦੀ ਸੰਚਾਲਨ ਆਮਦਨ 14.4 ਫੀਸਦੀ ਵਧ ਕੇ 25,465 ਕਰੋੜ ਰੁਪਏ ਹੋ ਗਈ, ਜੋ ਪਿਛਲੇ ਸਾਲ ਦੀ ਇਸੇ ਤਿਮਾਹੀ ਵਿੱਚ 22,261 ਕਰੋੜ ਰੁਪਏ ਸੀ। ਵਿੱਤੀ ਸਾਲ 2022-23 ਵਿੱਚ ਕੰਪਨੀ ਦੀ ਸਾਲਾਨਾ ਆਮਦਨ ਇੱਕ ਲੱਖ ਕਰੋੜ ਰੁਪਏ ਤੋਂ ਵੱਧ ਸੀ।

ਰਿਲਾਇੰਸ ਰਿਟੇਲ ਦਾ ਮੁਨਾਫਾ 2,415 ਕਰੋੜ ਰੁਪਏ ਰਿਹਾ

31 ਮਾਰਚ 2023 ਨੂੰ ਖਤਮ ਹੋਈ ਤਿਮਾਹੀ ਲਈ ਰਿਲਾਇੰਸ ਰਿਟੇਲ ਦਾ ਸ਼ੁੱਧ ਲਾਭ 12.9 ਫੀਸਦੀ ਵਧ ਕੇ 2,415 ਕਰੋੜ ਰੁਪਏ ਹੋ ਗਿਆ। ਕੰਪਨੀ ਵੱਲੋਂ ਨਵੇਂ ਸਟੋਰ ਖੋਲ੍ਹਣ ਅਤੇ ਗਾਹਕਾਂ ਦੀ ਗਿਣਤੀ ਵਧਣ ਨਾਲ ਮੁਨਾਫ਼ਾ ਵੀ ਵਧਿਆ ਹੈ। ਜਨਵਰੀ-ਮਾਰਚ ਤਿਮਾਹੀ 'ਚ ਕੰਪਨੀ ਦੀ ਸੰਚਾਲਨ ਆਮਦਨ 21.09 ਫੀਸਦੀ ਵਧ ਕੇ 61,559 ਕਰੋੜ ਰੁਪਏ ਹੋ ਗਈ। ਕੰਪਨੀ ਨੇ ਦੱਸਿਆ ਕਿ 2021-22 ਦੀ ਇਸੇ ਤਿਮਾਹੀ ਵਿੱਚ ਉਸ ਦਾ ਸ਼ੁੱਧ ਲਾਭ 2,139 ਕਰੋੜ ਰੁਪਏ ਸੀ, ਜਦੋਂ ਕਿ ਸੰਚਾਲਨ ਆਮਦਨ 50,834 ਕਰੋੜ ਰੁਪਏ ਸੀ। ਰਿਲਾਇੰਸ ਰਿਟੇਲ ਦੇ ਸਟੋਰਾਂ ਦੀ ਗਿਣਤੀ 18,000 ਨੂੰ ਪਾਰ ਕਰ ਗਈ ਹੈ ਅਤੇ ਇਸ ਦੇ ਸਟੋਰ 'ਤੇ ਆਉਣ ਵਾਲੇ ਗਾਹਕਾਂ ਦੀ ਸੰਖਿਆ ਸਾਲਾਨਾ ਆਧਾਰ 'ਤੇ 41.29 ਫ਼ੀਸਦੀ ਵਧ ਕੇ 21.9 ਕਰੋੜ ਹੋ ਗਈ ਹੈ।

ਇਹ ਵੀ ਪੜ੍ਹੋ : ਰਤਨ ਟਾਟਾ ਨੂੰ ਮਿਲਿਆ ਆਸਟ੍ਰੇਲੀਆ ਦਾ ਸਰਵਉੱਚ ਨਾਗਰਿਕ ਸਨਮਾਨ, 'ਆਰਡਰ ਆਫ ਆਸਟ੍ਰੇਲੀਆ' ਨਾਲ ਸਨਮਾਨਿਤ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।