ਕਿਵੇਂ ਹੈ ਲੋਕ ਸਭਾ ਚੋਣਾਂ ਅਤੇ ਸ਼ੇਅਰ ਬਾਜ਼ਾਰ ਦਾ ਸੁਮੇਲ? ਜਾਣੋ ਨਤੀਜਿਆਂ ਤੋਂ ਪਹਿਲਾਂ ਅਤੇ ਬਾਅਦ ਦੀ ਸਥਿਤੀ

ਨਵੀਂ ਦਿੱਲੀ - ਲੋਕ ਸਭਾ ਚੋਣਾਂ ਦਾ ਸ਼ੇਅਰ ਬਾਜ਼ਾਰ 'ਤੇ ਕੀ ਅਸਰ ਪਵੇਗਾ? ਇਸ ਸਵਾਲ ਦੀ ਤਸਵੀਰ 4 ਜੂਨ ਨੂੰ ਚੋਣ ਨਤੀਜੇ ਸਾਹਮਣੇ ਆਉਣ ਤੋਂ ਬਾਅਦ ਸਪੱਸ਼ਟ ਹੋ ਸਕਦੀ ਹੈ। ਪਰ, ਤਾਜ਼ਾ ਇਤਿਹਾਸ ਦਰਸਾਉਂਦਾ ਹੈ ਕਿ ਸਟਾਕ ਮਾਰਕੀਟ ਆਮ ਤੌਰ 'ਤੇ ਲੋਕ ਸਭਾ ਚੋਣਾਂ ਤੋਂ ਬਾਅਦ ਵਧਦਾ ਹੈ। ਚੋਣਾਂ ਅਤੇ ਸ਼ੇਅਰ ਬਾਜ਼ਾਰ ਦਾ ਕੀ ਆਪਸੀ ਹੈ ਸਬੰਧ।

ਇਹ ਵੀ ਪੜ੍ਹੋ :    'ਅਸੀਂ ਬਿਨਾਂ ਸ਼ਰਤ ਮੁਆਫ਼ੀ ਮੰਗਦੇ ਹਾਂ...' ਸੁਪਰੀਮ ਕੋਰਟ ਦੀ ਫਟਕਾਰ ਤੋਂ ਬਾਅਦ ਬੋਲੇ ਬਾਬਾ ਰਾਮਦੇਵ

ਚੋਣ ਨਤੀਜਿਆਂ ਤੋਂ ਪਹਿਲਾਂ ਕਿਹੋ ਜਿਹਾ ਰਿਹਾ ਮਾਹੌਲ?

2004 ਵਿੱਚ, ਚੋਣ ਨਤੀਜਿਆਂ ਤੋਂ ਪਹਿਲਾਂ, ਸੈਂਸੈਕਸ ਅਤੇ ਨਿਫਟੀ ਦਾ ਰਿਟਰਨ ਨਕਾਰਾਤਮਕ ਸੀ।
ਦੋਵਾਂ ਸੂਚਕਾਂਕ ਨੇ 2009, 2014 ਅਤੇ 2019 ਦੇ ਨਤੀਜਿਆਂ ਤੋਂ ਪਹਿਲਾਂ ਲਾਭ ਦਰਜ ਕੀਤਾ ਸੀ।
2009 ਦੇ ਨਤੀਜਿਆਂ ਤੋਂ ਪਹਿਲਾਂ ਸੈਂਸੈਕਸ ਵਿੱਚ 26% ਅਤੇ ਨਿਫਟੀ ਵਿੱਚ 24% ਦਾ ਵਾਧਾ ਦਰਜ ਕੀਤਾ ਗਿਆ ਸੀ।
ਬ੍ਰੋਕਰੇਜ ਫਰਮ ਮੋਤੀਲਾਲ ਓਸਵਾਲ ਮੁਤਾਬਕ ਚੋਣ ਨਤੀਜਿਆਂ ਤੋਂ 6 ਮਹੀਨੇ ਪਹਿਲਾਂ ਇਸ 'ਚ ਵਾਧਾ ਹੋਇਆ ਸੀ।
1999 ਦੀਆਂ ਚੋਣਾਂ ਤੋਂ ਪਹਿਲਾਂ ਛੇ ਮਹੀਨਿਆਂ ਵਿੱਚ ਨਿਫਟੀ ਵਿੱਚ 36.3% ਅਤੇ 2004 ਵਿੱਚ 6.7% ਦਾ ਵਾਧਾ ਹੋਇਆ ਸੀ।
2009 ਵਿੱਚ ਚੋਣਾਂ ਤੋਂ ਪਹਿਲਾਂ 6 ਮਹੀਨਿਆਂ ਵਿੱਚ 30.6% ਅਤੇ 2014 ਵਿੱਚ 17.6% ਵਾਧਾ ਹੋਇਆ ਸੀ।
2019 ਵਿੱਚ, ਨਿਫਟੀ 50 ਨੇ ਚੋਣਾਂ ਤੋਂ ਪਹਿਲਾਂ 6 ਮਹੀਨਿਆਂ ਵਿੱਚ 11.5% ਦਾ ਵਾਧਾ ਕੀਤਾ।

ਇਹ ਵੀ ਪੜ੍ਹੋ :    ਸੋਨਾ ਇਕ ਸਾਲ 15 ਫ਼ੀਸਦੀ ਤੇ  ਸ਼ੇਅਰ ਬਾਜ਼ਾਰ 25 ਫ਼ੀਸਦੀ ਚੜ੍ਹਿਆ, ਨਿਵੇਸ਼ਕ ਹੋਏ ਮਾਲਾਮਾਲ

ਚੋਣਾਂ ਤੋਂ ਬਾਅਦ ਦੀ ਤਸਵੀਰ ਕਿਵੇਂ ਰਹੀ?

2004 ਤੋਂ 2014 ਦੇ ਚੋਣ ਸਾਲਾਂ ਵਿੱਚ, ਮਾਰਕੀਟ ਲਾਭ ਦੇ ਨਾਲ ਬੰਦ ਹੋਇਆ ਸੀ।
2004 ਵਿੱਚ ਨਤੀਜਿਆਂ ਤੋਂ ਬਾਅਦ ਇੱਕ 20% ਗਿਰਾਵਟ ਆਈ ਪਰ ਸਕਾਰਾਤਮਕ ਰਿਟਰਨ ਦੇ ਨਾਲ ਸਾਲ ਖਤਮ ਹੋਇਆ।
2009 ਵਿੱਚ, ਸੈਂਸੈਕਸ ਅਤੇ ਨਿਫਟੀ ਸਾਲ ਦੇ ਅੰਤ ਤੱਕ ਨਤੀਜਿਆਂ ਤੋਂ 40% ਦੇ ਵਾਧੇ ਨਾਲ ਬੰਦ ਹੋਏ।
2019 ਦੀਆਂ ਚੋਣਾਂ ਤੋਂ ਬਾਅਦ, ਭਾਰਤੀ ਸਟਾਕ ਮਾਰਕੀਟ ਸਿਰਫ 5% ਦੇ ਆਸਪਾਸ ਹੀ ਚੜ੍ਹ ਸਕਿਆ
ਬ੍ਰੋਕਰੇਜ ਫਰਮ ਮੋਤੀਲਾਲ ਓਸਵਾਲ ਮੁਤਾਬਕ ਨਤੀਜਿਆਂ ਤੋਂ ਬਾਅਦ 6 ਮਹੀਨਿਆਂ 'ਚ ਨਿਫਟੀ 'ਚ ਵਾਧਾ ਹੋਇਆ ।
1999 ਵਿੱਚ ਨਤੀਜਿਆਂ ਤੋਂ ਬਾਅਦ 6 ਮਹੀਨਿਆਂ ਵਿੱਚ 5.4% ਅਤੇ 2004 ਵਿੱਚ 9.3% ਦਾ ਵਾਧਾ ਹੋਇਆ ਸੀ।
2009 ਵਿੱਚ ਨਤੀਜਿਆਂ ਤੋਂ ਬਾਅਦ ਛੇ ਮਹੀਨਿਆਂ ਵਿੱਚ 37.8% ਵਾਧਾ ਹੋਇਆ ਸੀ ਅਤੇ 2014 ਵਿੱਚ 17.8% ਵਾਧਾ ਹੋਇਆ ਸੀ।
2019 ਵਿੱਚ, ਨਤੀਜਿਆਂ ਤੋਂ ਬਾਅਦ ਛੇ ਮਹੀਨਿਆਂ ਵਿੱਚ ਨਿਫਟੀ 50 ਵਿੱਚ 1.5% ਦਾ ਵਾਧਾ ਹੋਇਆ।

ਕਿਹੜੇ ਸੈਕਟਰ ਵਿਚ ਦੇਖਣ ਨੂੰ ਮਿਲਿਆ ਵਾਧਾ?

ਚੋਣ ਨਤੀਜਿਆਂ ਤੋਂ ਬਾਅਦ ਬੈਂਕਿੰਗ, ਕੰਜ਼ਿਊਮਰ ਡਿਊਰੇਬਲਸ ਅਤੇ ਇਨਫਰਮੇਸ਼ਨ ਟੈਕਨਾਲੋਜੀ ਵਰਗੇ ਸੈਕਟਰਾਂ ਨੇ ਦੂਜਿਆਂ ਨਾਲੋਂ ਬਿਹਤਰ ਪ੍ਰਦਰਸ਼ਨ ਕੀਤਾ ਹੈ। ਹਾਲਾਂਕਿ, ਬਿਜਲੀ ਅਤੇ ਹਰੀ ਊਰਜਾ ਸਮੇਤ ਬੁਨਿਆਦੀ ਢਾਂਚੇ 'ਤੇ ਵੱਧ ਰਹੇ ਜ਼ੋਰ ਕਾਰਨ ਚੋਣਾਂ ਤੋਂ ਬਾਅਦ ਇਨ੍ਹਾਂ ਸੈਕਟਰਾਂ ਅਤੇ ਇਨ੍ਹਾਂ ਨਾਲ ਸਬੰਧਤ ਖੇਤਰਾਂ ਦੀ ਕਾਰਗੁਜ਼ਾਰੀ ਵੀ ਚੰਗੀ ਹੋ ਸਕਦੀ ਹੈ।

ਇਹ ਵੀ ਪੜ੍ਹੋ :     ਸੋਨੇ ਦੀਆਂ ਕੀਮਤਾਂ ਪਹੁੰਚੀਆਂ ਉੱਚ ਪੱਧਰ 'ਤੇ , ਬਾਜ਼ਾਰ 'ਚ ਟੁੱਟ ਸਕਦਾ ਹੈ ਸਪਲਾਈ ਦਾ ਰਿਕਾਰਡ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8