ਫਾਈਲ 91 ਨੂੰ ਸ਼ਹਿਰੀ ਹਵਾਬਾਜ਼ੀ ਮੰਤਰਾਲੇ ਤੋਂ ਉਡਾਣ ਸੇਵਾ ਸ਼ੁਰੂ ਕਰਨ ਲਈ ਮਿਲੀ NOC

ਮੁੰਬਈ- ਗੋਆ ਦੀ ਇੱਕ ਖੇਤਰੀ ਸ਼ੁਰੂਆਤੀ ਹਵਾਬਾਜ਼ੀ ਕੰਪਨੀ ਫਾਈਲ 91 ਨੂੰ ਸੰਚਾਲਨ ਸ਼ੁਰੂ ਕਰਨ ਲਈ ਸ਼ਹਿਰੀ ਹਵਾਬਾਜ਼ੀ ਮੰਤਰਾਲੇ ਤੋਂ ਬਿਨਾਂ ਇਤਰਾਜ਼ ਦੇ ਮਨਜ਼ੂਰੀ (NOC) ਮਿਲ ਗਈ ਹੈ। ਫਾਈਲ 91 ਦਾ ਇਰਾਦਾ ਅਕਤੂਬਰ-ਦਸੰਬਰ ਤਿਮਾਹੀ 'ਚ ਉਡਾਣਾਂ ਸ਼ੁਰੂ ਕਰਨ ਦਾ ਹੈ। ਇਸ ਨੂੰ ਫੇਅਰਫੈਕਸ ਇੰਡੀਆ ਦੇ ਸਾਬਕਾ ਮੁਖੀ ਹਰਸ਼ ਰਾਘਵਨ ਅਤੇ ਮੁਅੱਤਲ ਕਿੰਗਫਿਸ਼ਰ ਏਅਰਲਾਈਨਜ਼ ਦੇ ਕਾਰਜਕਾਰੀ ਉਪ-ਚੇਅਰਮੈਨ ਮਨੋਜ ਚਾਕੋ ਨੇ ਪਰਿਵਰਤਿਤ ਕੀਤਾ ਹੈ।
ਚਾਕੋ ਨੇ ਕਿਹਾ, “ਐੱਨਓਸੀ ਪ੍ਰਾਪਤ ਕਰਨਾ ਇੱਕ ਮਹੱਤਵਪੂਰਨ ਗੱਲ ਹੈ ਅਤੇ ਅਸੀਂ ਇਸ ਤੋਂ ਖੁਸ਼ ਹਾਂ। ਪਰ ਇਹ ਮਾਊਂਟ ਐਵਰੈਸਟ ਦੇ ਬੇਸ ਕੈਂਪ ਤੱਕ ਪਹੁੰਚਣ ਵਰਗਾ ਹੈ ਅਤੇ ਹੁਣ ਅਸਲ ਤਿਆਰੀ ਸ਼ੁਰੂ ਹੁੰਦੀ ਹੈ। ਅਸੀਂ ਦੋ-ਤਿੰਨ ਹਫ਼ਤਿਆਂ 'ਚ ਡਾਇਰੈਕਟੋਰੇਟ ਜਨਰਲ ਆਫ਼ ਸਿਵਲ ਏਵੀਏਸ਼ਨ ਨੂੰ ਏਅਰ ਆਪਰੇਟਰ ਦੇ ਸਰਟੀਫਿਕੇਟ ਲਈ ਅਰਜ਼ੀ ਦੇਣ ਦੀ ਯੋਜਨਾ ਬਣਾ ਰਹੇ ਹਾਂ।
ਫਲਾਈ 91 ਨੇ ਸੰਚਾਲਨ ਲਈ ਏਟੀਆਰ-72 ਜਹਾਜ਼ਾਂ ਦੀ ਚੋਣ ਕੀਤੀ ਹੈ ਅਤੇ ਸੰਚਾਲਨ ਦੇ ਪਹਿਲੇ ਸਾਲ 'ਚ ਛੇ ਤੋਂ ਸੱਤ ਜਹਾਜ਼ਾਂ ਨੂੰ ਹਾਸਲ ਕਰਨ ਦਾ ਇਰਾਦਾ ਹੈ।

ਇਹ ਵੀ ਪੜ੍ਹੋ- ADB ਤੋਂ ਸਭ ਤੋਂ ਜ਼ਿਆਦਾ ਕਰਜ਼ ਲੈਣ ਵਾਲਾ ਦੇਸ਼ ਬਣਿਆ ਪਾਕਿ, 2022 'ਚ ਲਏ ਇੰਨੇ ਅਰਬ ਡਾਲਰ ਉਧਾਰ
-ਅਕਤੂਬਰ-ਦਸੰਬਰ ਤੱਕ ਉਡਾਣਾਂ ਸ਼ੁਰੂ ਕਰਨ ਦਾ ਟੀਚਾ
-ਗੋਆ ਦੀ ਇਸ ਕੰਪਨੀ ਨੂੰ ਫੇਅਰਫੈਕਸ ਅਤੇ ਕਿੰਗਫਿਸ਼ਰ ਦੇ ਸਾਬਕਾ ਐਗਜ਼ੈਕਟਿਵਜ਼ ਤੋਂ ਉਤਸ਼ਾਹ ਮਿਲ ਰਿਹਾ ਹੈ
ਇਸ ਤੋਂ ਬਾਅਦ ਉਹ ਅਗਲੇ ਪੰਜ ਸਾਲਾਂ 'ਚ ਹੋਰ ਜਹਾਜ਼ਾਂ ਨੂੰ ਜੋੜਨ ਦੀ ਯੋਜਨਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਅਸੀਂ ਪੱਟੇਦਾਰਾਂ ਅਤੇ ਓਈਐੱਮ ਨਾਲ ਗੱਲਬਾਤ ਦੇ ਆਖ਼ਰੀ ਪੜਾਅ 'ਚ ਹਾਂ। ਸਾਡੀ ਮੁੱਖ ਟੀਮ ਤਿਆਰ ਹੈ। ਸਾਨੂੰ ਉਨ੍ਹਾਂ ਪਾਇਲਟਾਂ ਤੋਂ ਵੀ ਵਚਨਬੱਧਤਾ ਮਿਲੀ ਹੈ ਜੋ ਸਾਡੇ ਨਾਲ ਜੁੜਨਾ ਚਾਹੁੰਦੇ ਹਨ। ਸ਼ੁਰੂ 'ਚ ਸਾਡੇ ਕੋਲ 200 ਕਰਮਚਾਰੀਆਂ ਦੀ ਸਮਰੱਥਾ ਹੋਵੇਗੀ।
ਫਾਈਲ 91 ਦਾ ਮੁੱਖ ਦਫ਼ਤਰ ਗੋਆ 'ਚ ਹੋਵੇਗਾ ਅਤੇ ਇਹ ਉੱਤਰੀ ਅਤੇ ਪੱਛਮੀ ਭਾਰਤ 'ਚ ਹਵਾਈ ਅੱਡਿਆਂ ਨੂੰ ਸੈਕੰਡਰੀ ਅਧਾਰ ਵਜੋਂ ਦੇਖ ਰਿਹਾ ਹੈ। ਨਵੀਂ ਏਅਰਲਾਈਨ ਗੋਆ ਦੇ ਦੂਜੇ ਹਵਾਈ ਅੱਡੇ 'ਤੇ ਅਧਾਰਤ ਹੋਵੇਗੀ, ਜੋ ਕਿ ਰਾਜ ਦੇ ਉੱਤਰੀ ਹਿੱਸੇ 'ਚ ਮੋਪਾ ਵਿਖੇ ਸਥਿਤ ਹੈ। ਹਵਾਈ ਅੱਡੇ ਨੇ ਇਸ ਸਾਲ ਦੇ ਸ਼ੁਰੂ 'ਚ ਕੰਮ ਸ਼ੁਰੂ ਕੀਤਾ ਸੀ।

ਇਹ ਵੀ ਪੜ੍ਹੋ-ਮਾਰੂਤੀ ਸੁਜ਼ੂਕੀ ਦਾ ਮੁਨਾਫਾ 42 ਫੀਸਦੀ ਵਧ ਕੇ 2,671 ਕਰੋੜ ਹੋਇਆ

ਨੋਟ-ਇਸ ਖ਼ਬਰ ਸਬੰਧੀ ਆਪਣੀ ਰਾਏ ਕੁਮੈਂਟ ਕਰਕੇ ਦਿਓ