500 ਦੇ ਨੋਟ ''ਤੇ ਹਰੀ ਪੱਟੀ ਨੂੰ ਲੈ ਕੇ ਭੰਬਲਭੂਸਾ, ਅਸਲੀ ਜਾਂ ਨਕਲੀ ਨੋਟ ਦੀ ਇਸ ਤਰ੍ਹਾਂ ਕਰੋ ਪਛਾਣ

ਨਵੀਂ ਦਿੱਲੀ — ਸਮੇਂ-ਸਮੇਂ 'ਤੇ ਕਰੰਸੀ ਨੋਟਾਂ ਨੂੰ ਲੈ ਕੇ ਬਾਜ਼ਾਰ 'ਚ ਕੋਈ ਨਾ ਕੋਈ ਖਬਰ ਜਾਂ ਅਫਵਾਹ ਉੱਡਣ ਲੱਗ ਜਾਂਦੀ ਹੈ। ਨੋਟਾਂ ਦੀਆਂ ਵੱਖ-ਵੱਖ ਵਿਸ਼ੇਸ਼ਤਾਵਾਂ ਨੂੰ ਲੈ ਕੇ ਅਕਸਰ ਬਾਜ਼ਾਰ 'ਚ ਭਰਮ ਪੈਦਾ ਕਰਨ ਵਾਲੀਆਂ ਅਫਵਾਹਾਂ ਗਰਮ ਰਹਿੰਦੀਆਂ ਹਨ ਜਿਵੇਂ ਕਿਸੇ ਨੋਟ 'ਤੇ ਕੋਈ ਨਿਸ਼ਾਨ ਨਜ਼ਰ ਆਉਂਦਾ ਹੈ ਤਾਂ ਉਹ ਨਕਲੀ ਆਦਿ ਹੈ। ਹੁਣ ਇੱਕ ਤਾਜ਼ਾ ਵੀਡੀਓ ਵੀ ਸਾਹਮਣੇ ਆਇਆ ਸੀ, ਜਿਸ ਵਿੱਚ ਮੌਜੂਦਾ 500 ਦੇ ਨੋਟਾਂ ਦੇ ਚਲਨ ਵਿੱਚ ਇੱਕ ਵਿਸ਼ੇਸ਼ਤਾ ਦੇ ਕਾਰਨ ਇਸਨੂੰ ਨਕਲੀ ਦੱਸਿਆ ਜਾ ਰਿਹਾ ਸੀ, ਪਰ ਪ੍ਰੈਸ ਸੂਚਨਾ ਬਿਊਰੋ ਜਾਂ ਪੀਆਈਬੀ ਨੇ ਇਸ ਵੀਡੀਓ ਦੀ ਤੱਥਾਂ ਦੀ ਜਾਂਚ ਕੀਤੀ।

ਤਾਜ਼ਾ ਖ਼ਬਰ ਮੁਤਾਬਕ ਇੱਕ ਵੀਡੀਓ ਵਿੱਚ ਕਿਹਾ ਜਾ ਰਿਹਾ ਸੀ ਕਿ ਇੱਕ ਅਜਿਹਾ 500 ਦਾ ਨੋਟ ਚਲਨ ਵਿਚ ਹੈ ਜਿਸ ਵਿੱਚ ਅੱਗੇ ਹਰੇ ਰੰਗ ਦੀ ਧਾਰੀ ਰਿਜ਼ਰਵ ਬੈਂਕ ਦੇ ਗਵਰਨਰ ਦੇ ਦਸਤਖਤ ਦੇ ਨੇੜੇ ਦਿਖਾਈ ਨਹੀਂ ਦਿੰਦੀ ਅਤੇ ਜੇ ਇਹ ਧਾਰੀ ਗਾਂਧੀ ਜੀ ਦੀ ਤਸਵੀਰ ਦੇ ਨੇੜੇ ਦਿਖਾਈ ਦਿੰਦੀ ਹੈ, ਤਾਂ ਉਹ ਨੋਟ ਨਕਲੀ ਹੈ, ਇਸ ਲਈ ਅਜਿਹਾ ਨੋਟ ਨਾ ਲਿਆ ਜਾਵੇ।

एक वीडियो में यह चेतावनी दी जा रही है कि ₹500 का ऐसा कोई भी नोट नहीं लेना चाहिए, जिसमें हरी पट्टी आरबीआई गवर्नर के सिग्नेचर के पास न होकर गांधीजी की तस्वीर के पास हो।#PIBFactCheck:

▶️यह वीडियो #फ़र्ज़ी है
▶️@RBI के अनुसार दोनों ही नोट वैध हैं

विवरण:https://t.co/DuRgmS0AkN pic.twitter.com/SYyxG9MBs6

— PIB Fact Check (@PIBFactCheck) December 7, 2021

ਇਹ ਵੀ ਪੜ੍ਹੋ : Zoom call 'ਤੇ ਹੀ 900 ਤੋਂ ਵਧ ਮੁਲਾਜ਼ਮਾਂ ਨੂੰ ਕੱਢਿਆ ਨੌਕਰੀਓਂ, ਜਾਣੋ ਵਜ੍ਹਾ

ਇਸ 'ਤੇ ਪੀਆਈਬੀ ਨੇ ਇੱਕ ਟਵੀਟ ਵਿੱਚ ਕਿਹਾ ਹੈ ਕਿ 'ਇੱਕ ਵੀਡੀਓ ਵਿੱਚ ਚੇਤਾਵਨੀ ਦਿੱਤੀ ਜਾ ਰਹੀ ਹੈ ਕਿ ₹ 500 ਦਾ ਕੋਈ ਵੀ ਅਜਿਹਾ ਨੋਟ ਨਾ ਲਿਆ ਜਾਵੇ, ਜਿਸ ਵਿੱਚ ਹਰੇ ਰੰਗ ਦੀ ਪੱਟੀ ਆਰਬੀਆਈ ਗਵਰਨਰ ਦੇ ਦਸਤਖਤ ਦੇ ਨੇੜੇ ਨਾ ਹੋਵੇ, ਸਗੋਂ ਗਾਂਧੀ ਜੀ ਦੀ ਤਸਵੀਰ ਦੇ ਨੇੜੇ ਹੋਵੇ।' ਪੀਆਈਬੀ ਨੇ ਕਿਹਾ ਕਿ ਇਹ ਵੀਡੀਓ ਜਾਅਲੀ ਹੈ ਅਤੇ ਆਰਬੀਆਈ ਦੇ ਅਨੁਸਾਰ, 500 ਦੇ ਦੋਨੋ ਕਿਸਮ ਦੇ ਹਰੇ ਧਾਰੀਆਂ ਵਾਲੇ ਨੋਟ ਅਸਲੀ ਅਤੇ ਵੈਧ ਹਨ। ਤੁਹਾਨੂੰ ਦੱਸ ਦੇਈਏ ਕਿ RBI ਦੀ ਇੱਕ ਸਾਈਟ paisaboltahai.rbi.org.in ਹੈ, ਜਿਸ ਵਿੱਚ RBI ਦੇਸ਼ ਦੇ ਵੱਖ-ਵੱਖ ਨੋਟਾਂ ਦੀਆਂ ਵਿਸ਼ੇਸ਼ਤਾਵਾਂ ਬਾਰੇ ਜਾਣਕਾਰੀ ਦਿੱਤੀ ਗਈ ਹੈ।

500 ਦੇ ਨੋਟ ਦਾ ਅਸਲ ਸੱਚ

ਇਸ ਸਾਈਟ ਮੁਤਾਬਕ 500 ਦੇ ਨੋਟ 'ਚ 17 ਵੱਖ-ਵੱਖ ਫੀਚਰਸ ਹਨ। ਇਸ ਨੋਟ ਦਾ ਆਕਾਰ 66 mm x 150 mm ਹੈ। ਇਸ ਨੋਟ ਦਾ ਥੀਮ ਰੰਗ ਸਟੋਨ ਗ੍ਰੇ ਰੱਖਿਆ ਗਿਆ ਹੈ। ਨੋਟ ਦੇ ਦੋਵੇਂ ਪਾਸੇ ਇਸ ਰੰਗ ਵਿੱਚ ਜਿਓਮੈਟ੍ਰਿਕ ਪੈਟਰਨ ਵੀ ਬਣਾਏ ਗਏ ਹਨ। ਨੋਟ ਦੇ ਪਿਛਲੇ ਪਾਸੇ ਲਾਲ ਕਿਲੇ ਦੀ ਤਸਵੀਰ ਹੈ, ਜਿਸ ਦਾ ਰੰਗ ਇਸ ਥੀਮ 'ਤੇ ਹੈ। ਇਸ 'ਚ ਸੁਰੱਖਿਆ ਧਾਗੇ ਦੇ ਨਾਲ 'ਭਾਰਤ' ਅਤੇ 'ਆਰਬੀਆਈ' ਸ਼ਬਦ ਲਿਖੇ ਗਏ ਹਨ, ਜਿਨ੍ਹਾਂ ਦਾ ਰੰਗ ਨੋਟ ਚੁੱਕਣ 'ਤੇ ਹਰੇ ਤੋਂ ਨੀਲਾ ਹੋ ਜਾਂਦਾ ਹੈ।

ਇਹ ਵੀ ਪੜ੍ਹੋ : ਸਸਤੇ ਭਾਅ ਸੁੱਕੇ ਮੇਵੇ ਖ਼ਰੀਦ ਰਹੇ ਥੋਕ ਵਪਾਰੀ, ਗਾਹਕਾਂ ਨੂੰ ਨਹੀਂ ਮਿਲ ਰਿਹਾ ਘੱਟ ਕੀਮਤਾਂ ਦਾ ਲਾਭ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।