Budget 2023: ਆਮ ਬਜਟ ਤੋਂ ਆਮ ਆਦਮੀ ਤੋਂ ਲੈ ਕੇ ਅਰਥਸ਼ਾਸਤਰੀਆਂ ਤੱਕ ਨੂੰ ਭਾਰੀ ਉਮੀਦਾਂ

ਬਿਜ਼ਨੈੱਸ ਡੈਸਕ- ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਵੱਲੋਂ 1 ਫਰਵਰੀ ਨੂੰ ਪੇਸ਼ ਹੋਣ ਵਾਲੇ ਅੰਤਿਮ ਪੂਰੇ ਬਜਟ ਤੋਂ ਆਮ ਆਦਮੀ ਤੋਂ ਲੈ ਕੇ ਹਰ ਕਿਸੇ ਨੂੰ ਕਾਫ਼ੀ ਉਮੀਦਾਂ ਹਨ। ਲੋਕ ਇਹ ਉਮੀਦ ਕਰ ਰਹੇ ਹਨ ਕਿ ਬਜਟ ਉਨ੍ਹਾਂ ਦੀਆਂ ਉਮੀਦਾਂ 'ਤੇ ਖਰਾ ਉਤਰੇਗਾ। ਸੀਤਾਰਮਨ ਦਾ ਇਹ ਮੋਦੀ ਸਰਕਾਰ ਦੇ ਦੂਜੇ ਕਾਰਜਕਾਲ ਦਾ ਅੰਤਿਮ ਪੂਰਾ ਬਜਟ ਹੈ।
ਬੈਂਕ ਆਫ ਬੜੌਦਾ ਦੇ ਮੁੱਖ ਅਰਥਸ਼ਾਸਤਰੀ ਮਦਨ ਸਬਨਵੀਸ ਨੇ ਕਿਹਾ, "ਬਜਟ ਕਈ ਉਦੇਸ਼ਾਂ ਨੂੰ ਸੰਭਾਲਣ ਦੀ ਇਕ ਪ੍ਰਕਿਰਿਆ ਹੈ, ਜਿਵੇਂ ਕਿ ਵਿੱਤੀ ਸੂਝ-ਬੂਝ, ਮੁਦਰਾਸਫੀਤੀ ਤੋਂ ਬਿਨਾਂ ਅਰਥਵਿਵਸਥਾ, ਗੈਰ-ਟੈਕਸ ਸਰੋਤਾਂ ਤੋਂ ਹੋਰ ਸਰੋਤ ਜੁਟਾਉਣ ਅਤੇ ਲੋੜ ਅਨੁਸਾਰ ਰਿਆਇਤਾਂ ਦੇਣਾ। ਉਨ੍ਹਾਂ ਨੇ ਕਿਹਾ ਕਿ ਕਿਉਂਕਿ ਇਹ ਸਾਰੀਆਂ ਚੀਜ਼ਾਂ ਵੱਖ-ਵੱਖ ਹਨ, ਇਸ ਲਈ ਵਿੱਤ ਮੰਤਰੀ ਸਾਰੇ ਮੋਰਚਿਆਂ 'ਤੇ ਨਿਰਣਾਇਕ ਤੌਰ' ਤੇ ਅੱਗੇ ਵਧਣ ਲਈ ਸਮਝਦਾਰੀ ਨਾਲ ਕਦਮ ਚੁੱਕਣਗੇ।"
ਆਮ ਚੋਣਾਂ ਤੋਂ ਪਹਿਲਾਂ ਅੰਤਿਮ ਪੂਰਾ ਬਜਟ ਹੋਣ ਕਾਰਨ ਸੀਤਾਰਮਨ ਤਨਖਾਹਦਾਰ ਲੋਕਾਂ ਅਤੇ ਛੋਟੇ ਵਪਾਰੀਆਂ ਨੂੰ ਆਮਦਨ ਟੈਕਸ 'ਚ ਰਾਹਤ ਦੇ ਸਕਦੀ ਹੈ। ਆਮ ਆਦਮੀ ਨੂੰ ਰਿਹਾਇਸ਼ੀ ਜਾਇਦਾਦਾਂ ਖਰੀਦਣ ਲਈ ਉਤਸ਼ਾਹਿਤ ਕਰਨ ਅਤੇ ਰੀਅਲ ਅਸਟੇਟ ਸੈਕਟਰ ਨੂੰ ਗਤੀ ਪ੍ਰਦਾਨ ਕਰਨ ਲਈ ਹਾਊਸਿੰਗ ਲੋਨ 'ਤੇ ਛੋਟ ਦੀ ਸੀਮਾ ਵਧਾਉਣ ਦੀ ਮੰਗ ਵੀ ਕੀਤੀ ਜਾ ਰਹੀ ਹੈ। ਦੇਸ਼ 'ਚ ਰੁਜ਼ਗਾਰ ਪ੍ਰਦਾਨ ਕਰਨ ਦੇ ਮਾਮਲੇ 'ਚ ਖੇਤੀਬਾੜੀ ਤੋਂ ਬਾਅਦ ਦੂਜੇ ਨੰਬਰ 'ਤੇ ਰੀਅਲ ਅਸਟੇਟ ਹੈ।
ਐਂਡਰੋਮੇਡਾ ਲੋਨਜ਼ ਐਂਡ ਅਪਨਾਪੈਸਾ ਦੇ ਕਾਰਜਕਾਰੀ ਚੇਅਰਮੈਨ ਵੀ. ਸਵਾਮੀਨਾਥਨ ਨੇ ਕਿਹਾ, “ਆਗਾਮੀ ਬਜਟ 'ਚ ਸਰਕਾਰ ਕਰਜ਼ਦਾਰਾਂ ਨੂੰ ਰਾਹਤ ਦੇਣ ਲਈ ਫ਼ੈਸਲੇ ਲੈ ਸਕਦੀ ਹੈ। ਉਮੀਦ ਹੈ ਕਿ ਸਰਕਾਰ ਹਾਊਸਿੰਗ ਲੋਨ ਦੇ ਵਿਆਜ 'ਤੇ ਕਟੌਤੀ ਦੀ ਸੀਮਾ 2 ਲੱਖ ਰੁਪਏ ਤੋਂ ਵਧਾ ਕੇ 3 ਲੱਖ ਰੁਪਏ ਕਰਨ ਦੀ ਲੰਬੇ ਸਮੇਂ ਤੋਂ ਲੰਬਿਤ ਮੰਗ 'ਤੇ ਵਿਚਾਰ ਕਰੇਗੀ।