ਨੀਲਾਮ ਹੋਵੇਗੀ Apple ਦੇ ਸਹਿ-ਸੰਸਥਾਪਕ ਸਟੀਵ ਜਾਬਸ ਦੀ ਪਹਿਲੀ ਨੌਕਰੀ ਦੀ ਅਰਜ਼ੀ, ਜਾਣੋ ਖ਼ਾਸੀਅਤ

ਨਵੀਂ ਦਿੱਲੀ - ਐਪਲ ਕੰਪਨੀ ਦੇ ਸਹਿ-ਸੰਸਥਾਪਕ ਸਟੀਵ ਜੌਬਸ ਨੇ ਆਪਣੀ ਪਹਿਲੀ ਨੌਕਰੀ ਲਈ 1973 ਵਿਚ ਆਪਣੀ ਹੱਥ ਲਿਖਤ ਐਪਲੀਕੇਸ਼ਨ ਜ਼ਰੀਏ ਅਰਜ਼ੀ ਦਿੱਤੀ ਸੀ। ਹੁਣ ਉਨ੍ਹਾਂ ਦੀ ਨੌਕਰੀ ਦੀ ਅਰਜ਼ੀ ਦੀ ਨਿਲਾਮੀ ਹੋਣ ਜਾ ਰਹੀ ਹੈ। ਇਸ ਇੱਕ ਪੰਨੇ ਵਾਲੀ ਨੌਕਰੀ ਦੀ ਅਰਜ਼ੀ ਪੱਤਰ ਵਿਚ ਇਹ ਜਾਣਕਾਰੀ ਨਹੀਂ ਹੈ ਕਿ ਉਸਨੇ ਕਿਸ ਅਹੁਦੇ ਲਈ ਜਾਂ ਕਿਹੜੀ ਕੰਪਨੀ ਵਿਚ ਨੌਕਰੀ ਲਈ ਅਰਜ਼ੀ ਦਿੱਤੀ ਸੀ।  ਸਾਲ 2018 ਵਿਚ ਵੀ ਇਸ ਦੀ ਨਿਲਾਮੀ ਜ਼ਰੀਏ 1,75,000 ਡਾਲਰ ਇਕੱਠੇ ਕੀਤੇ ਗਏ ਸਨ। ਅੱਜ ਦੇ ਸਮੇਂ ਵਿਚ ਭਾਰਤੀ ਰੁਪਏ ਮੁਤਾਬਕ ਇਹ ਲਗਭਗ 1.27 ਕਰੋੜ ਰੁਪਏ ਬਣਦਾ ਹੈ। ਚਾਰਟਰਫੀਲਡ ਇਸ ਨੂੰ 24 ਫਰਵਰੀ ਤੋਂ 24 ਮਾਰਚ ਤੱਕ ਇਕ ਮਹੀਨੇ ਲਈ ਨਿਲਾਮੀ ਲਈ ਸੂਚੀਬੱਧ ਕਰੇਗਾ। ਚਾਰਟਰ ਫੀਲਡਜ਼ ਦੁਆਰਾ ਨਿਲਾਮੀ ਲਈ ਰੱਖੀ ਜਾ ਰਹੀ ਇਸ ਅਰਜ਼ੀ ਵਿਚ, ਇਹ ਲਿਖਿਆ ਗਿਆ ਹੈ ਕਿ ਸਟੀਵ ਜੌਬਸ ਨੇ ਰੀਡ ਕਾਲਜ ਤੋਂ ਅੰਗਰੇਜ਼ੀ ਸਾਹਿਤ ਦੀ ਪੜ੍ਹਾਈ ਕੀਤੀ ਹੈ।

ਇਸ ਐਪਲੀਕੇਸ਼ਨ ਵਿਚ ਸਟੀਵ ਜੌਬਸ ਨੇ 'ਕੰਪਿਊਟਰ' ਅਤੇ 'ਕੈਲਕੁਲੇਟਰ' ਨੂੰ ਉਸ ਦੇ ਹੁਨਰ ਵਜੋਂ ਦੱਸਿਆ ਹੈ। ਇਸ ਤੋਂ ਇਲਾਵਾ 'ਡਿਜ਼ਾਈਨ' ਅਤੇ 'ਟੈਕਨੋਲੋਜੀ' ਦਾ ਵੀ ਜ਼ਿਕਰ ਹੈ। ਉਸਨੇ ਆਪਣੇ ਵਿਸ਼ੇਸ਼ ਹੁਨਰ ਵਜੋਂ 'ਇਲੈਕਟ੍ਰਾਨਿਕਸ' ਅਤੇ ਡਿਜੀਟਲ 'ਤਕਨੀਕੀ ਅਤੇ ਡਿਜ਼ਾਈਨ ਇੰਜੀਨੀਅਰ' ਵਿਚ ਦਿਲਚਸਪੀ ਦਿਖਾਉਣ ਬਾਰੇ ਲਿਖਿਆ ਹੈ। 

ਇਹ ਵੀ ਪੜ੍ਹੋ: ਕੋਵਿਡ -19 : ਨਵੇਂ ਸਟ੍ਰੇਨ ਕਾਰਨ ਭਾਰਤ ਆਉਣ ਵਾਲੇ ਅੰਤਰਰਾਸ਼ਟਰੀ ਯਾਤਰੀਆਂ ਲਈ ਦਿਸ਼ਾ ਨਿਰਦੇਸ਼ ਜਾਰੀ

ਅਰਜ਼ੀ ਵਿਚ ਦਿੱਤੇ ਗਏ ਹਨ ਇਹ ਵੇਰਵੇ

ਚਾਰਟਰਫੀਲਡਜ਼ ਦੀ ਵੈਬਸਾਈਟ 'ਤੇ ਸਟੀਵ ਜੌਬਸ ਦੀ 'ਨੌਕਰੀ ਦੀ ਅਰਜ਼ੀ ਬਾਰੇ ਲਿਖਿਆ ਗਿਆ ਹੈ' 1973 ਵਿਚ ਨੌਕਰੀ ਲਈ ਇਕ ਪੰਨੇ ਦੀ ਅਰਜ਼ੀ ਨੂੰ ਨਿਲਾਮੀ ਲਈ ਰੱਖਿਆ ਜਾ ਰਿਹਾ ਹੈ। ਇਸ ਐਪਲੀਕੇਸ਼ਨ ਵਿਚ ਸਟੀਵ ਜੌਬਸ ਨੇ ਕੰਪਿਊਟਰ ਅਤੇ ਕੈਲਕੁਲੇਟਰ ਨਾਲ ਆਪਣੇ ਤਜਰਬੇ ਬਾਰੇ ਦੱਸਿਆ ਹੈ। ਉਸਨੇ ਇਹ ਵੀ ਦੱਸਿਆ ਹੈ ਕਿ ਉਸ ਕੋਲ ਇਲੈਕਟ੍ਰਾਨਿਕ ਅਤੇ ਡਿਜ਼ਾਈਨ ਇੰਜੀਨੀਅਰ ਡਿਜੀਟਲ ਵਿਚ ਵਿਸ਼ੇਸ਼ ਕਾਬਲੀਅਤ ਸੀ।

ਇਸ ਵਿਚ ਲਿਖਿਆ ਹੈ, 'ਮੰਨਿਆ ਜਾਂਦਾ ਹੈ ਕਿ ਇਹ ਅਰਜ਼ੀ ਉਸ ਵੇਲੇ ਲਿਖੀ ਗਈ ਸੀ ਜਦੋਂ ਉਸ ਨੇ ਔਰੇਗਨ ਦੇ ਪੋਰਟਲੈਂਡ ਸਥਿਤ ਰੀਡ ਕਾਲਜ ਵਿਚ ਆਪਣੀ ਪੜ੍ਹਾਈ ਛੱਡ ਦਿੱਤੀ ਸੀ। ਇਕ ਸਾਲ ਬਾਅਦ ਉਸ ਨੇ ਅਟਾਰੀ ਨੂੰ ਇਕ ਟੈਕਨੀਸ਼ੀਅਨ ਵਜੋਂ ਜੁਆਇਨ ਕੀਤਾ। ਜਿਥੇ ਉਨ੍ਹਾਂ ਨੇ ਸਟੀਵ ਵਾਜਨਿਆਕ ਦੇ ਨਾਲ ਕੰਮ ਕੀਤਾ ਹੈ। 1976 ਵਿਚ ਦੋਵਾਂ ਨੇ ਮਿਲ ਕੇ ਐਪਲ ਦਾ ਗਠਨ ਕੀਤਾ। 

ਇਹ ਵੀ ਪੜ੍ਹੋ: ਛੇ ਸਾਲ ’ਚ ਸ਼ਹਿਦ ਦੀ ਬਰਾਮਦ ਹੋਈ ਦੁੱਗਣੀ, ਸਰਕਾਰ ਨੇ ਦਿੱਤੀ 500 ਕਰੋੜ ਰੁਪਏ ਦੀ ਅਲਾਟਮੈਂਟ

ਸਟੀਵ ਜੌਬਸ ਦੀ ਇਹ ਅਰਜ਼ੀ ਦੀ ਮੌਜੂਦਾ ਸਥਿਤੀ 

ਇਸ ਵੈਬਸਾਈਟ 'ਤੇ ਇਸ ਨਿਲਾਮੀ ਤੋਂ ਪਹਿਲਾਂ, ਇਹ ਵੀ ਦੱਸਿਆ ਗਿਆ ਸੀ ਕਿ ਥੋੜ੍ਹੇ ਜਿਹੇ ਸੁੰਗੜਨ ਅਤੇ ਰੰਗ ਹਲਕਾ ਹੋਣ ਦੇ ਕਾਰਨਾਂ ਨੂੰ ਛੱਡ ਦਿੱਤਾ ਜਾਵੇ ਤਾਂ ਅਰਜ਼ੀ ਅਜੇ ਵੀ ਬਿਹਤਰ ਸਥਿਤੀ ਵਿਚ ਹੈ। ਇਹ ਕਿਸੇ ਵੀ ਥਾਂ ਤੋਂ ਕੱਟਿਆ ਜਾਂ ਫਟਿਆ ਨਹੀਂ ਹੈ। ਇਸ ਅਰਜ਼ੀ ਦੇ ਨਾਲ ਪ੍ਰਮਾਣਿਕਤਾ ਪੱਤਰ ਅਤੇ ਸਰਟੀਫਿਕੇਟ ਵੀ ਨੱਥੀ ਹਨ। ਇਸ ਤੋਂ ਪਹਿਲਾਂ 2018 ਵਿਚ ਇਸ ਨੂੰ ਇਕ ਨਿਲਾਮੀ ਵਿਚ 1,75,000 ਡਾਲਰ ਵਿਚ ਵੇਚਿਆ ਗਿਆ ਸੀ। ਇਸ ਅਰਜ਼ੀ ਨੂੰ ਇਕ ਮਹੀਨੇ ਲਈ ਆਨਲਾਈਨ ਨਿਲਾਮੀ ਲਈ ਰੱਖਿਆ ਜਾਵੇਗਾ।

ਇਹ ਵੀ ਪੜ੍ਹੋ: ਟੈਕਸਾਸ ’ਚ ਬੰਦ ਹੋਏ ਤੇਲ ਦੇ ਖੂਹ, 13 ਮਹੀਨੇ ਦੀ ਉਚਾਈ ’ਤੇ ਕੱਚੇ ਤੇਲ ਦੀਆਂ ਕੀਮਤਾਂ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।