ਹਵਾਈ ਯਾਤਰੀਆਂ ਲਈ ਵੱਡੀ ਖ਼ਬਰ : ਸਾਰੀਆਂ ਘਰੇਲੂ ਅਤੇ ਅੰਤਰਰਾਸ਼ਟਰੀ ਉਡਾਣਾਂ ਲਈ ਬਦਲੇ ਨਿਯਮ

ਨਵੀਂ ਦਿੱਲੀ : ਹਵਾਈ ਸਫ਼ਰ ਕਰਨ ਵਾਲਿਆਂ ਲਈ ਅਹਿਮ ਖ਼ਬਰ ਹੈ। BCAS ਨੇ ਹੈਂਡ ਬੈਗੇਜ ਨਿਯਮਾਂ ਵਿੱਚ ਬਦਲਾਅ ਕੀਤਾ ਹੈ। ਇਹ ਨਿਯਮ 2 ਮਈ 2024 ਤੋਂ ਬਾਅਦ ਬੁੱਕ ਕੀਤੀਆਂ ਟਿਕਟਾਂ 'ਤੇ ਲਾਗੂ ਹੋਣਗੇ। ਇਸ ਬਦਲਾਅ ਦਾ ਕਾਰਨ ਏਅਰਪੋਰਟ 'ਤੇ ਸੁਰੱਖਿਆ ਜਾਂਚ 'ਤੇ ਵਧਦੀ ਭੀੜ ਹੈ। CISF ਅਤੇ BCAS ਨੇ ਮਿਲ ਕੇ ਇਹ ਨਵੇਂ ਨਿਯਮ ਬਣਾਏ ਹਨ। ਹੁਣ ਤੁਸੀਂ ਸਿਰਫ਼ ਇੱਕ ਹੈਂਡ ਬੈਗ ਲੈ ਕੇ ਜਾ ਸਕੋਗੇ, ਜਿਸ ਦਾ ਭਾਰ ਅਤੇ ਆਕਾਰ ਸੀਮਤ ਹੋਵੇਗਾ। ਕੁਝ ਛੋਟਾਂ ਪੁਰਾਣੀਆਂ ਟਿਕਟਾਂ ਲਈ ਹਨ। ਇੰਡੀਗੋ ਵਰਗੀਆਂ ਏਅਰਲਾਈਨਜ਼ ਨੇ ਵੀ ਆਪਣੇ ਨਿਯਮ ਦੱਸੇ ਹਨ।

ਇਹ ਵੀ ਪੜ੍ਹੋ :     1 ਜਨਵਰੀ ਤੋਂ ਲਾਗੂ ਹੋਣਗੇ ਕਈ ਨਵੇਂ ਨਿਯਮ, ਆਮ ਲੋਕਾਂ 'ਤੇ ਪਵੇਗਾ ਸਿੱਧਾ ਅਸਰ

BCAS ਯਾਨੀ ਬਿਊਰੋ ਆਫ ਸਿਵਲ ਏਵੀਏਸ਼ਨ ਸਕਿਓਰਿਟੀ ਨੇ ਹਵਾਈ ਯਾਤਰੀਆਂ ਲਈ ਹੈਂਡ ਬੈਗੇਜ ਨਿਯਮਾਂ ਨੂੰ ਬਦਲ ਦਿੱਤਾ ਹੈ। ਹਵਾਈ ਅੱਡੇ 'ਤੇ ਸੁਰੱਖਿਆ ਜਾਂਚ ਦੌਰਾਨ ਵਧਦੀ ਭੀੜ ਨੂੰ ਘੱਟ ਕਰਨ ਲਈ ਇਹ ਬਦਲਾਅ ਕੀਤਾ ਗਿਆ ਹੈ। ਹਵਾਈ ਅੱਡੇ ਦੀ ਸੁਰੱਖਿਆ ਦੀ ਦੇਖਭਾਲ ਕਰਨ ਵਾਲੇ ਕੇਂਦਰੀ ਉਦਯੋਗਿਕ ਸੁਰੱਖਿਆ ਬਲ (ਸੀਆਈਐਸਐਫ) ਨੇ ਬੀਸੀਏਐਸ ਦੇ ਸਹਿਯੋਗ ਨਾਲ ਇਹ ਫੈਸਲਾ ਲਿਆ ਹੈ। ਨਵੇਂ ਨਿਯਮਾਂ ਮੁਤਾਬਕ ਯਾਤਰੀ ਹੁਣ ਹਵਾਈ ਜਹਾਜ ਵਿੱਚ ਸਿਰਫ਼ ਇੱਕ ਹੈਂਡ ਬੈਗ ਲੈ ਕੇ ਜਾ ਸਕਣਗੇ। ਇਹ ਨਿਯਮ ਸਾਰੀਆਂ ਘਰੇਲੂ ਅਤੇ ਅੰਤਰਰਾਸ਼ਟਰੀ ਉਡਾਣਾਂ ਲਈ ਲਾਗੂ ਹੈ। ਜੇਕਰ ਤੁਹਾਡੇ ਕੋਲ ਇੱਕ ਤੋਂ ਵੱਧ ਬੈਗ ਹਨ, ਤਾਂ ਤੁਹਾਨੂੰ ਉਹਨਾਂ ਨੂੰ ਚੈੱਕ-ਇਨ ਕਰਵਾਉਣਾ ਹੋਵੇਗਾ।

ਇਹ ਵੀ ਪੜ੍ਹੋ :     ਸਿਗਰਟ ਤੇ ਤੰਬਾਕੂ ਨੂੰ ਲੈ ਕੇ ਸਰਕਾਰ ਦਾ ਵੱਡਾ ਫ਼ੈਸਲਾ! ਕਾਨੂੰਨ ਤੋੜਣ ਵਾਲਿਆਂ ਖ਼ਿਲਾਫ਼ ਹੋਵੇਗੀ ਸਖ਼ਤ

ਨਵੇਂ ਨਿਯਮ ਕੀ ਕਹਿੰਦੇ ਹਨ?

ਨਵੇਂ ਨਿਯਮ ਮੁਤਾਬਕ ਹੈਂਡ ਬੈਗ ਦਾ ਵਜ਼ਨ 7 ਕਿਲੋ ਤੋਂ ਵੱਧ ਨਹੀਂ ਹੋਣਾ ਚਾਹੀਦਾ। ਇਹ ਨਿਯਮ ਇਕਾਨਮੀ ਅਤੇ ਪ੍ਰੀਮੀਅਮ ਇਕਾਨਮੀ ਕਲਾਸ ਦੇ ਯਾਤਰੀਆਂ ਲਈ ਹੈ। ਪਹਿਲੀ ਅਤੇ ਬਿਜ਼ਨਸ ਕਲਾਸ ਦੇ ਯਾਤਰੀ 10 ਕਿਲੋ ਤੱਕ ਹੈਂਡ ਬੈਗ ਲੈ ਜਾ ਸਕਦੇ ਹਨ। ਬੈਗ ਦਾ ਆਕਾਰ ਵੀ ਤੈਅ ਕੀਤਾ ਗਿਆ ਹੈ। ਉਚਾਈ 55 ਸੈਂਟੀਮੀਟਰ (21.6 ਇੰਚ), ਲੰਬਾਈ 40 ਸੈਂਟੀਮੀਟਰ (15.7 ਇੰਚ) ਅਤੇ ਚੌੜਾਈ 20 ਸੈਂਟੀਮੀਟਰ (7.8 ਇੰਚ) ਤੋਂ ਵੱਧ ਨਹੀਂ ਹੋਣੀ ਚਾਹੀਦੀ। ਕੁੱਲ ਮਿਲਾ ਕੇ, ਬੈਗ ਦਾ ਸਮੁੱਚਾ ਮਾਪ 115 ਸੈਂਟੀਮੀਟਰ ਤੋਂ ਵੱਧ ਨਹੀਂ ਹੋਣਾ ਚਾਹੀਦਾ ਹੈ। ਜੇਕਰ ਤੁਹਾਡਾ ਬੈਗ ਨਿਰਧਾਰਤ ਸੀਮਾ ਤੋਂ ਵੱਡਾ ਜਾਂ ਭਾਰਾ ਹੈ, ਤਾਂ ਤੁਹਾਨੂੰ ਵਾਧੂ ਭੁਗਤਾਨ ਕਰਨਾ ਪਵੇਗਾ।

ਇਹ ਵੀ ਪੜ੍ਹੋ :     Credit Card ਵਾਲੇ ਸਾਵਧਾਨ! Supreme Court ਨੇ ਜਾਰੀ ਕਰ ਦਿੱਤੇ ਵੱਡੇ ਹੁਕਮ

ਜੇਕਰ ਤੁਸੀਂ 2 ਮਈ 2024 ਤੋਂ ਪਹਿਲਾਂ ਆਪਣੀ ਟਿਕਟ ਬੁੱਕ ਕੀਤੀ ਹੈ, ਤਾਂ ਤੁਹਾਨੂੰ ਕੁਝ ਛੋਟ ਮਿਲੇਗੀ। ਇਕਨਾਮੀ ਕਲਾਸ ਦੇ ਯਾਤਰੀ 8 ਕਿਲੋ ਤੱਕ ਦਾ ਬੈਗ ਲੈ ਜਾ ਸਕਦੇ ਹਨ। ਪ੍ਰੀਮੀਅਮ ਇਕਨਾਮੀ ਲਈ 10 ਕਿਲੋ ਅਤੇ ਫਸਟ ਜਾਂ ਬਿਜ਼ਨਸ ਕਲਾਸ ਲਈ 12 ਕਿਲੋ ਦੀ ਛੋਟ ਹੈ। ਧਿਆਨ ਵਿੱਚ ਰੱਖੋ, ਇਹ ਛੋਟ ਸਿਰਫ਼ 2 ਮਈ, 2024 ਤੋਂ ਪਹਿਲਾਂ ਬੁੱਕ ਕੀਤੀਆਂ ਟਿਕਟਾਂ 'ਤੇ ਹੀ ਲਾਗੂ ਹੋਵੇਗੀ। ਜੇਕਰ ਤੁਸੀਂ ਇਸ ਤਾਰੀਖ ਤੋਂ ਬਾਅਦ ਆਪਣੀ ਟਿਕਟ ਵਿੱਚ ਕੋਈ ਬਦਲਾਅ ਕਰਦੇ ਹੋ, ਤਾਂ ਤੁਹਾਨੂੰ ਨਵੇਂ ਨਿਯਮਾਂ ਦੀ ਪਾਲਣਾ ਕਰਨੀ ਪਵੇਗੀ।

ਇੰਡੀਗੋ ਨੇ  ਦਿੱਤੀ ਹੈ ਵਿਸ਼ੇਸ਼ ਸਹੂਲਤ

ਇੰਡੀਗੋ ਏਅਰਲਾਈਨਜ਼ ਨੇ ਵੀ ਆਪਣੇ ਹੈਂਡ ਬੈਗੇਜ ਨਿਯਮਾਂ ਦੀ ਵਿਆਖਿਆ ਕੀਤੀ ਹੈ। ਇੰਡੀਗੋ ਯਾਤਰੀ ਇੱਕ ਕੈਬਿਨ ਬੈਗ ਲੈ ਸਕਦੇ ਹਨ, ਜਿਸਦਾ ਆਕਾਰ 115 ਸੈਂਟੀਮੀਟਰ ਤੋਂ ਵੱਧ ਨਹੀਂ ਹੈ ਅਤੇ ਭਾਰ 7 ਕਿਲੋਗ੍ਰਾਮ ਤੱਕ ਹੋਵੇ। ਇਸ ਤੋਂ ਇਲਾਵਾ, ਇੱਕ ਨਿੱਜੀ ਬੈਗ, ਜਿਵੇਂ ਕਿ ਔਰਤਾਂ ਦਾ ਪਰਸ ਜਾਂ ਇੱਕ ਛੋਟਾ ਲੈਪਟਾਪ ਬੈਗ ਵੀ ਆਪਣੇ ਨਾਲ ਲੈ ਜਾ ਸਕਦੇ ਹੋ। ਇਸ ਦਾ ਭਾਰ 3 ਕਿਲੋ ਤੋਂ ਵੱਧ ਨਹੀਂ ਹੋਣਾ ਚਾਹੀਦਾ। ਇਸਦਾ ਮਤਲਬ ਹੈ ਕਿ ਇੰਡੀਗੋ ਵਿੱਚ ਤੁਹਾਨੂੰ ਦੋ ਬੈਗ - ਇੱਕ ਕੈਬਿਨ ਬੈਗ ਅਤੇ ਇੱਕ ਨਿੱਜੀ ਬੈਗ ਚੁੱਕਣ ਦੀ ਸਹੂਲਤ ਮਿਲਦੀ ਹੈ।

ਅਜਿਹੇ 'ਚ ਅਗਲੀ ਵਾਰ ਜਦੋਂ ਤੁਸੀਂ ਜਹਾਜ਼ 'ਚ ਸਫਰ ਕਰਦੇ ਹੋ ਤਾਂ ਇਨ੍ਹਾਂ ਨਵੇਂ ਨਿਯਮਾਂ ਨੂੰ ਧਿਆਨ 'ਚ ਰੱਖੋ। ਇਹ ਜਾਣਕਾਰੀ ਤੁਹਾਨੂੰ ਏਅਰਪੋਰਟ 'ਤੇ ਕਿਸੇ ਵੀ ਤਰ੍ਹਾਂ ਦੀ ਪਰੇਸ਼ਾਨੀ ਤੋਂ ਬਚਾਏਗੀ। ਤੁਸੀਂ ਆਪਣੀ ਏਅਰਲਾਈਨ ਦੀ ਵੈੱਬਸਾਈਟ 'ਤੇ ਜਾ ਕੇ ਵੀ ਪੂਰੀ ਜਾਣਕਾਰੀ ਪ੍ਰਾਪਤ ਕਰ ਸਕਦੇ ਹੋ। ਯਾਤਰਾ ਕਰਨ ਤੋਂ ਪਹਿਲਾਂ ਤਿਆਰੀ ਕਰੋ, ਤਾਂ ਜੋ ਤੁਹਾਡੀ ਯਾਤਰਾ ਸੁਹਾਵਣੀ ਹੋਵੇ।

ਇਹ ਵੀ ਪੜ੍ਹੋ :     5 ਹਜ਼ਾਰ ਕਰੋੜ ਰੁਪਏ ਦੀ ਲਾਗਤ ਨਾਲ ਵਿਆਹ ਕਰਾਵੇਗਾ ਇਹ ਜੋੜਾ! ਖੁਦ ਲਾੜੇ ਨੇ ਦੱਸੀ ਪੂਰੀ ਗੱਲ਼

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8