14 ਸਾਲ ਬਾਅਦ ਵਧਣ ਜਾ ਰਹੀਆਂ ਹਨ ਮਾਚਿਸ ਦੀਆਂ ਕੀਮਤਾਂ, ਜਾਣੋ ਕਿੰਨੇ 'ਚ ਮਿਲੇਗੀ 1 ਰੁ: ਵਾਲੀ ਡੱਬੀ
10/23/2021 4:41:59 PM
ਨਵੀਂ ਦਿੱਲੀ - ਪੈਟਰੋਲ-ਡੀਜ਼ਲ ਤੋਂ ਲੈ ਕੇ ਰਸੋਈ ਗੈਸ, ਖਾਣ ਵਾਲਾ ਤੇਲ ਅਤੇ ਟਮਾਟਰ-ਪਿਆਜ਼ ਦੀਆਂ ਕੀਮਤਾਂ ਤੇਜ਼ੀ ਨਾਲ ਵਧ ਰਹੀਆਂ ਹਨ। ਇਸ ਦੇ ਨਾਲ ਹੀ ਹੁਣ ਰੌਜ਼ਾਨਾ ਇਸਤੇਮਾਲ ਵਾਲੀਆਂ ਵਸਤੂਆਂ ਅਜਿਹੀਆਂ ਹਨ ਜਿੰਨਾ ਦੀ ਕੀਮਤ ਪਿਛਲੇ 14 ਸਾਲ ਤੋਂ ਨਹੀਂ ਵਧੀ ਪਰ ਹੁਣ ਇਸ ਵਾਰ ਉਹ ਵੀ ਵਧਣ ਜਾ ਰਹੀ ਹੈ। ਇਹ ਵਸਤੂ ਹੈ 1 ਰੁਪਏ ਵਿਚ ਮਿਲਣ ਵਾਲੀ ਮਾਚਸ ਦੀ ਡੱਬੀ, ਜਿਹੜੀ ਹੁਣ 2 ਰੁਪਏ ਵਿਚ ਮਿਲੇਗੀ ਅਤੇ ਨਵੀਆਂ ਕੀਮਤਾਂ ਇਕ ਦਸੰਬਰ ਤੋਂ ਲਾਗੂ ਹੋ ਰਹੀਆਂ ਹਨ।
2007 ਵਿੱਚ ਵਧੀਆਂ ਸਨ ਕੀਮਤਾਂ
ਪੰਜ ਪ੍ਰਮੁੱਖ ਮਾਚਿਸ ਬਾਕਸ ਉਦਯੋਗ ਸੰਸਥਾਵਾਂ ਦੇ ਪ੍ਰਤੀਨਿਧਾਂ ਨੇ ਸਰਬਸੰਮਤੀ ਨਾਲ ਮੈਚਬਾਕਸ ਦੀ ਐਮਆਰਪੀ 1 ਦਸੰਬਰ ਤੋਂ 1 ਰੁਪਏ ਤੋਂ ਵਧਾ ਕੇ 2 ਰੁਪਏ ਕਰਨ ਦਾ ਫੈਸਲਾ ਕੀਤਾ ਹੈ। ਪਿਛਲੀ ਵਾਰ 2007 ਵਿੱਚ ਇਸ ਦੀ ਕੀਮਤ ਨੂੰ ਸੋਧਿਆ ਗਿਆ ਸੀ ਜਦੋਂ ਇੱਕ ਮਾਚਿਸ ਬਾਕਸ ਦੀ ਕੀਮਤ 50 ਪੈਸੇ ਤੋਂ ਵਧਾ ਕੇ 1 ਰੁਪਏ ਕੀਤੀ ਗਈ ਸੀ। ਇਹ ਫੈਸਲਾ ਵੀਰਵਾਰ ਨੂੰ ਸ਼ਿਵਕਾਸ਼ੀ ਵਿੱਚ ਆਲ ਇੰਡੀਆ ਚੈਂਬਰ ਆਫ਼ ਮੈਚ ਦੀ ਮੀਟਿੰਗ ਵਿੱਚ ਲਿਆ ਗਿਆ। ਉਦਯੋਗ ਦੇ ਨੁਮਾਇੰਦਿਆਂ ਨੇ ਕੱਚੇ ਮਾਲ ਦੀਆਂ ਕੀਮਤਾਂ ਵਿੱਚ ਹਾਲ ਹੀ ਵਿੱਚ ਹੋਏ ਵਾਧੇ ਨੂੰ ਕੀਮਤਾਂ ਵਿੱਚ ਵਾਧੇ ਦਾ ਕਾਰਨ ਦੱਸਿਆ ਹੈ।
ਇਹ ਵੀ ਪੜ੍ਹੋ : ਰਿਕਾਰਡ ਪੱਧਰ 'ਤੇ ਪਹੁੰਚਣ ਤੋਂ ਬਾਅਦ 90% ਡਿੱਗੀ Bitcoin ਦੀ ਕੀਮਤ, ਜਾਣੋ ਵਜ੍ਹਾ
ਕੀਮਤਾਂ ਵਿੱਚ ਵਾਧੇ ਦਾ ਕਾਰਨ
ਨਿਰਮਾਤਾਵਾਂ ਨੇ ਦੱਸਿਆ ਕਿ ਮਾਚਿਸ ਬਣਾਉਣ ਲਈ 14 ਤਰ੍ਹਾਂ ਦੇ ਕੱਚੇ ਮਾਲ ਦੀ ਲੋੜ ਹੁੰਦੀ ਹੈ। ਇਕ ਕਿਲੋ ਲਾਲ ਫਾਸਫੋਰਸ 425 ਰੁਪਏ ਤੋਂ ਵਧ ਕੇ 810 ਰੁਪਏ, ਮੋਮ 58 ਰੁਪਏ ਤੋਂ ਵਧ ਕੇ 80 ਰੁਪਏ, ਬਾਹਰੀ ਬਾਕਸ ਬੋਰਡ 36 ਰੁਪਏ ਤੋਂ ਵਧ ਕੇ 55 ਰੁਪਏ ਅਤੇ ਅੰਦਰਲਾ ਡੱਬਾ ਬੋਰਡ 32 ਰੁਪਏ ਤੋਂ ਵਧ ਕੇ 58 ਰੁਪਏ ਹੋ ਗਿਆ ਹੈ। ਪੇਪਰ, ਸਪਲਿੰਟ ਦੀ ਕੀਮਤ, ਪੋਟਾਸ਼ੀਅਮ ਕਲੋਰੇਟ ਅਤੇ ਸਲਫਰ ਦੀ ਕੀਮਤ ਵੀ 10 ਅਕਤੂਬਰ ਤੋਂ ਵਧ ਗਈ ਹੈ। ਡੀਜ਼ਲ ਦੀ ਵਧਦੀ ਕੀਮਤ ਨੇ ਉਦਯੋਗ 'ਤੇ ਵਾਧੂ ਬੋਝ ਪਾ ਦਿੱਤਾ ਹੈ।
ਨੈਸ਼ਨਲ ਸਮਾਲ ਮੈਚਬਾਕਸ ਮੈਨੂਫੈਕਚਰਰਜ਼ ਐਸੋਸੀਏਸ਼ਨ ਦੇ ਸਕੱਤਰ ਵੀਐਸ ਸੇਥੁਰਾਥਿਨਮ ਨੇ ਕਿਹਾ ਕਿ ਨਿਰਮਾਤਾ 600 ਮਾਚਿਸ ਦੇ ਬਕਸੇ (ਹਰੇਕ ਬਕਸੇ ਵਿੱਚ 50 ਮਾਚਿਸ ਦੀਆਂ ਸਟਿਕਾਂ ਦੇ ਨਾਲ) ਦਾ ਇੱਕ ਬੰਡਲ 270 ਤੋਂ 300 ਰੁਪਏ ਵਿੱਚ ਵੇਚ ਰਹੇ ਹਨ। “ਅਸੀਂ ਆਪਣੀਆਂ ਯੂਨਿਟਾਂ ਦੀ ਵਿਕਰੀ ਕੀਮਤ 60% ਵਧਾ ਕੇ 430-480 ਰੁਪਏ ਪ੍ਰਤੀ ਬੰਡਲ ਕਰਨ ਦਾ ਫੈਸਲਾ ਕੀਤਾ ਹੈ। ਇਸ ਵਿੱਚ 12% ਜੀਐਸਟੀ ਅਤੇ ਆਵਾਜਾਈ ਦੀ ਲਾਗਤ ਸ਼ਾਮਲ ਨਹੀਂ ਹੈ।
ਇਹ ਵੀ ਪੜ੍ਹੋ : FaceBook ਨੂੰ ਝਟਕਾ, ਭੇਦਭਾਵ ਦੇ ਮਾਮਲੇ 'ਚ ਅਮਰੀਕੀ ਸਰਕਾਰ ਨੂੰ ਅਦਾ ਕਰਨੇ ਪੈਣਗੇ 14 ਮਿਲੀਅਨ ਡਾਲਰ
ਉਦਯੋਗ ਨੂੰ ਮਿਲ ਸਕਦਾ ਹੈ ਹੁੰਗਾਰਾ
ਪੂਰੇ ਤਾਮਿਲਨਾਡੂ ਵਿੱਚ ਮਾਚਿਸ ਉਦਯੋਗ ਵਿੱਚ ਲਗਭਗ ਚਾਰ ਲੱਖ ਲੋਕ ਸਿੱਧੇ ਜਾਂ ਅਸਿੱਧੇ ਤੌਰ 'ਤੇ ਕੰਮ ਕਰਦੇ ਹਨ ਅਤੇ 90% ਤੋਂ ਵੱਧ ਸਿੱਧੇ ਕਰਮਚਾਰੀਆਂ ਵਿੱਚ ਜਨਾਨੀਆਂ ਹਨ। ਉਦਯੋਗ ਉਨ੍ਹਾਂ ਨੂੰ ਬਿਹਤਰ ਭੁਗਤਾਨ ਕਰਕੇ ਵਧੇਰੇ ਸਥਿਰ ਕਰਮਚਾਰੀਆਂ ਨੂੰ ਆਕਰਸ਼ਤ ਕਰਨ ਦੀ ਉਮੀਦ ਕਰਦਾ ਹੈ ਕਿਉਂਕਿ ਬਹੁਤ ਸਾਰੇ ਲੋਕ ਮਨਰੇਗਾ ਦੇ ਅਧੀਨ ਕੰਮ ਕਰਨ ਵਿੱਚ ਦਿਲਚਸਪੀ ਦਿਖਾ ਰਹੇ ਹਨ ਕਿਉਂਕਿ ਉਥੇ ਬਿਹਤਰ ਤਨਖਾਹ ਭੁਗਤਾਨ ਮਿਲਦਾ ਹੈ।
ਤਾਮਿਲਨਾਡੂ ਵਿੱਚ ਮੈਚਬਾਕਸ ਉਦਯੋਗ ਨਾਲ 4 ਲੱਖ ਲੋਕਾਂ ਨੂੰ ਰੁਜ਼ਗਾਰ
ਤਾਮਿਲਨਾਡੂ ਵਿੱਚ ਇਸ ਉਦਯੋਗ ਵਿੱਚ ਤਕਰੀਬਨ ਚਾਰ ਲੱਖ ਲੋਕ ਕੰਮ ਕਰਦੇ ਹਨ ਅਤੇ ਇਨ੍ਹਾਂ ਵਿੱਚ 90 ਫੀਸਦੀ ਤੋਂ ਵੱਧ ਮਜ਼ਦੂਰ ਔਰਤਾਂ ਹਨ। ਮਾਚਸ ਦੀ ਕੀਮਤ ਵਧਣ ਨਾਲ ਕਾਮਿਆਂ ਨੂੰ ਬਿਹਤਰ ਭੁਗਤਾਨ ਮਿਲਣ ਦੀ ਉਮੀਦ ਹੈ।
ਇਹ ਵੀ ਪੜ੍ਹੋ : ਸਰਕਾਰੀ ਮੁਲਾਜ਼ਮਾਂ ਤੇ ਪੈਨਸ਼ਨਰਾਂ ਲਈ ਦੀਵਾਲੀ ਦਾ ਤੋਹਫ਼ਾ, ਮਹਿੰਗਾਈ ਭੱਤੇ 'ਚ ਵਾਧੇ ਨੂੰ ਮਿਲੀ ਪ੍ਰਵਾਨਗੀ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
