ਭਿਆਨਕ ਗਰਮੀ ਦਰਮਿਆਨ AC-Refrigerator ਹੋ ਵਾਲੇ ਹਨ ਮਹਿੰਗੇ! ਸਰਕਾਰ ਦੇ ਨਵੇਂ ਫ਼ੈਸਲੇ ਨੇ ਵਧਾਈ ਚਿੰਤਾ

ਬਿਜ਼ਨੈੱਸ ਡੈਸਕ : ਭਾਰਤ ਵਿੱਚ ਪੈ ਰਹੀ ਭਿਆਨਕ ਗਰਮੀ ਨੇ ਜਿੱਥੇ ਆਮ ਲੋਕਾਂ ਦਾ ਜੀਵਨ ਮੁਸ਼ਕਲ ਕਰ ਦਿੱਤਾ ਹੈ, ਉੱਥੇ ਹੀ ਹੁਣ ਏਅਰ ਕੰਡੀਸ਼ਨਰ (AC) ਅਤੇ ਫਰਿੱਜ ਖਰੀਦਣ ਵਾਲਿਆਂ ਲਈ ਵੀ ਚਿੰਤਾ ਵਾਲੀ ਖ਼ਬਰ ਹੈ। ਸਰਕਾਰ ਵੱਲੋਂ ਕੰਪ੍ਰੈਸਰਾਂ ਦੀ ਦਰਾਮਦ (Import) 'ਤੇ ਲਗਾਈਆਂ ਗਈਆਂ ਨਵੀਂਆਂ ਪਾਬੰਦੀਆਂ ਕਾਰਨ ਆਉਣ ਵਾਲੇ ਦਿਨਾਂ ਵਿੱਚ ਬਾਜ਼ਾਰ ਵਿੱਚ AC ਅਤੇ ਫਰਿੱਜਾਂ ਦੀ ਕਿੱਲਤ ਹੋ ਸਕਦੀ ਹੈ ਅਤੇ ਇਨ੍ਹਾਂ ਦੀਆਂ ਕੀਮਤਾਂ ਵੀ ਵਧ ਸਕਦੀਆਂ ਹਨ।

ਇਹ ਵੀ ਪੜ੍ਹੋ : ਮੂਧੇ ਮੂੰਹ ਡਿੱਗੇ Gold-Silver ਦੇ ਭਾਅ, 21,600 ਰੁਪਏ ਟੁੱਟੀ ਚਾਂਦੀ, ਜਾਣੋ ਕੀਮਤੀ ਧਾਤਾਂ ਦੇ ਰੇਟ

ਸਰਕਾਰ ਦਾ ਨਵਾਂ ਫ਼ੈਸਲਾ ਅਤੇ ਪਾਬੰਦੀਆਂ 

ਡਿਪਾਰਟਮੈਂਟ ਫਾਰ ਪ੍ਰਮੋਸ਼ਨ ਆਫ ਇੰਡਸਟਰੀ ਐਂਡ ਇੰਟਰਨਲ ਟਰੇਡ (DPIIT) ਨੇ 8 ਮਈ, 2026 ਤੋਂ ਕੰਪ੍ਰੈਸਰਾਂ ਦੀ ਦਰਾਮਦ 'ਤੇ ਕੋਟਾ ਲਾਗੂ ਕਰ ਦਿੱਤਾ ਹੈ। 

ਇਹ ਵੀ ਪੜ੍ਹੋ :    ਪਿਆਜ਼ ਕਿਸਾਨਾਂ ਲਈ ਵੱਡੀ ਰਾਹਤ, ਕੇਂਦਰ ਸਰਕਾਰ ਨੇ ਤੈਅ ਕੀਤਾ ਖਰੀਦ ਮੁੱਲ

ਇਸ ਨਵੀਂ ਨੀਤੀ ਤਹਿਤ:

AC ਕੰਪ੍ਰੈਸਰ: ਦੋ ਟਨ ਤੱਕ ਦੇ AC ਲਈ ਕੰਪ੍ਰੈਸਰਾਂ ਦੀ ਦਰਾਮਦ ਨੂੰ ਪਿਛਲੇ ਸਾਲ ਦੇ ਮੁਕਾਬਲੇ ਸਿਰਫ਼ 30% ਤੱਕ ਸੀਮਤ ਕਰ ਦਿੱਤਾ ਗਿਆ ਹੈ।
ਫਰਿੱਜ ਕੰਪ੍ਰੈਸਰ: ਇਨ੍ਹਾਂ ਦੀ ਦਰਾਮਦ 'ਤੇ 40% ਦੀ ਸੀਮਾ ਲਗਾਈ ਗਈ ਹੈ।
ਦੋ ਟਨ ਤੋਂ ਵੱਧ ਸਮਰੱਥਾ ਵਾਲੇ ਕੰਪ੍ਰੈਸਰਾਂ ਲਈ ਇਹ ਸੀਮਾ 90% ਰੱਖੀ ਗਈ ਹੈ।

ਇਹ ਵੀ ਪੜ੍ਹੋ :  ਨਵੇਂ ਰਿਕਾਰਡ ਬਣਾਉਣ ਦੀ ਤਿਆਰੀ 'ਚ ਸੋਨਾ, ਜਾਣੋ ਕਿੱਥੋਂ ਤੱਕ ਪਹੁੰਚ ਸਕਦੇ ਹਨ ਭਾਅ

ਮੰਗ ਅਤੇ ਸਪਲਾਈ ਵਿੱਚ ਵੱਡਾ ਪਾੜਾ 

ਭਾਰਤ ਵਿੱਚ ਇਸ ਸਮੇਂ AC ਦੀ ਸਾਲਾਨਾ ਮੰਗ ਲਗਭਗ 1.5 ਕਰੋੜ ਯੂਨਿਟ ਹੈ, ਜਦੋਂ ਕਿ ਦੇਸ਼ ਵਿੱਚ ਸਿਰਫ਼ 70-80 ਲੱਖ ਕੰਪ੍ਰੈਸਰ ਹੀ ਬਣਾਏ ਜਾ ਰਹੇ ਹਨ। ਇਸੇ ਤਰ੍ਹਾਂ ਫਰਿੱਜਾਂ ਦੀ ਮੰਗ ਵੀ 1.5 ਕਰੋੜ ਯੂਨਿਟ ਦੇ ਕਰੀਬ ਹੈ, ਜਦੋਂ ਕਿ ਸਥਾਨਕ ਉਤਪਾਦਨ ਸਿਰਫ਼ 85-90 ਲੱਖ ਯੂਨਿਟ ਹੀ ਹੈ। ਭਾਰਤ ਆਪਣੇ ਕੰਪ੍ਰੈਸਰਾਂ ਦੀ ਲੋੜ ਲਈ ਵੱਡੇ ਪੱਧਰ 'ਤੇ ਚੀਨ (ਲਗਭਗ 66%) 'ਤੇ ਨਿਰਭਰ ਹੈ।

ਇਹ ਵੀ ਪੜ੍ਹੋ :  ਗੈਸ ਸਿਲੰਡਰ ਦੀ ਡਿਲੀਵਰੀ ਲਈ DAC ਸਿਸਟਮ ਹੈ ਲਾਜ਼ਮੀ, ਕੰਪਨੀਆਂ ਨੇ ਜਾਰੀ ਕੀਤੇ ਸਖ਼ਤ ਨਿਰਦੇਸ਼

ਕਿਉਂ ਪੈਦਾ ਹੋ ਸਕਦਾ ਹੈ ਸੰਕਟ?

ਅਪ੍ਰੈਲ ਦੇ ਅਖੀਰ ਵਿੱਚ AC ਦੀ ਵਿਕਰੀ ਵਿੱਚ ਪਿਛਲੇ ਸਾਲ ਦੇ ਮੁਕਾਬਲੇ 20-25% ਦਾ ਵਾਧਾ ਦਰਜ ਕੀਤਾ ਗਿਆ ਹੈ। ਭਾਵੇਂ ਕੰਪਨੀਆਂ ਦੇਸ਼ ਵਿੱਚ ਉਤਪਾਦਨ ਵਧਾ ਰਹੀਆਂ ਹਨ, ਪਰ ਨਵੇਂ ਪੁਰਜ਼ਿਆਂ ਦੀ ਜਾਂਚ ਅਤੇ ਪ੍ਰਮਾਣਿਕਤਾ (Validation) ਲਈ ਲਗਭਗ 6 ਮਹੀਨੇ ਦਾ ਸਮਾਂ ਲੱਗਦਾ ਹੈ, ਜਿਸ ਕਾਰਨ ਤੁਰੰਤ ਸਪਲਾਈ ਵਧਾਉਣੀ ਮੁਸ਼ਕਲ ਹੈ। ਮਾਹਰਾਂ ਅਨੁਸਾਰ, ਭਾਰਤ ਕੰਪ੍ਰੈਸਰ ਬਣਾਉਣ ਵਿੱਚ 2028 ਦੇ ਅਖੀਰ ਤੱਕ ਹੀ ਪੂਰੀ ਤਰ੍ਹਾਂ ਆਤਮ-ਨਿਰਭਰ ਹੋ ਸਕੇਗਾ।

ਇਹ ਵੀ ਪੜ੍ਹੋ :   ਦੋ ਦਿਨ ਦੀ ਦੇਸ਼ ਵਿਆਪੀ Bank Strike ਦਾ ਐਲਾਨ, ਪ੍ਰਭਾਵਿਤ ਹੋ ਸਕਦੀਆਂ ਹਨ ਬੈਂਕਿੰਗ ਸੇਵਾਵਾਂ

ਆਮ ਜਨਤਾ 'ਤੇ ਕੀ ਹੋਵੇਗਾ ਅਸਰ? 

ਸਪਲਾਈ ਘੱਟ ਹੋਣ ਅਤੇ ਮੰਗ ਵਧਣ ਕਾਰਨ ਵੋਲਟਾਸ (Voltas) ਅਤੇ ਬਲੂ ਸਟਾਰ (Blue Star) ਵਰਗੀਆਂ ਕੰਪਨੀਆਂ ਨੂੰ ਕੀਮਤਾਂ ਵਧਾਉਣੀਆਂ ਪੈ ਸਕਦੀਆਂ ਹਨ। ਇਸ ਤੋਂ ਇਲਾਵਾ, ਛੋਟੀਆਂ ਕੰਪਨੀਆਂ ਲਈ ਮਾਲ ਦੀ ਉਪਲਬਧਤਾ ਹੋਰ ਵੀ ਮੁਸ਼ਕਲ ਹੋ ਸਕਦੀ ਹੈ, ਕਿਉਂਕਿ ਨਵਾਂ ਕੋਟਾ ਸਿਸਟਮ ਉਨ੍ਹਾਂ ਕੰਪਨੀਆਂ ਨੂੰ ਜ਼ਿਆਦਾ ਫਾਇਦਾ ਪਹੁੰਚਾ ਸਕਦਾ ਹੈ ਜਿਨ੍ਹਾਂ ਨੇ ਪਿਛਲੇ ਸਾਲ ਜ਼ਿਆਦਾ ਮਾਲ ਮੰਗਵਾਇਆ ਸੀ।

ਸਰਕਾਰ ਦਾ ਇਹ ਕਦਮ 'ਮੇਕ ਇਨ ਇੰਡੀਆ' ਨੂੰ ਉਤਸ਼ਾਹਿਤ ਕਰਨ ਲਈ ਹੈ, ਪਰ ਮੌਜੂਦਾ ਗਰਮੀ ਦੇ ਸੀਜ਼ਨ ਵਿੱਚ ਇਹ ਗਾਹਕਾਂ ਦੀ ਜੇਬ 'ਤੇ ਭਾਰੀ ਪੈ ਸਕਦਾ ਹੈ।

ਇਹ ਵੀ ਪੜ੍ਹੋ :  8ਵੇਂ ਤਨਖਾਹ ਕਮਿਸ਼ਨ ਤਹਿਤ ਸੈਲਰੀ 'ਚ ਇਤਿਹਾਸਕ ਵਾਧੇ ਦੀ ਤਿਆਰੀ! ਇਨ੍ਹਾਂ ਸੂਬਿਆਂ 'ਚ ਮੁਕੰਮਲ ਹੋਏ ਮੀਟਿੰਗਾਂ ਦੇ ਦੌਰ

ਇਹ ਵੀ ਪੜ੍ਹੋ :  EPFO ਦਾ ਕਰੋੜਾਂ ਕਰਮਚਾਰੀਆਂ ਨੂੰ ਵੱਡਾ ਤੋਹਫ਼ਾ: ਹੁਣ ਕਿਸੇ ਵੀ ਸਮੇਂ ਕਢਵਾ ਸਕੋਗੇ PF ਦੇ ਪੈਸੇ, ਜਾਣੋ ਨਵਾਂ ਸਿਸਟਮ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt