ਹੁਣ ਹਫਤੇ 'ਚ ਸੱਤੋ ਦਿਨ ਖੁੱਲ੍ਹਣਗੇ Aadhaar ਸੇਵਾ ਕੇਂਦਰ
Wednesday, Nov 20, 2019 - 01:37 PM (IST)
ਨਵੀਂ ਦਿੱਲੀ— ਹੁਣ ਤੁਸੀਂ ਹਫਤੇ 'ਚ ਕਿਸੇ ਵੀ ਦਿਨ ਆਧਾਰ ਨਾਲ ਸੰਬੰਧਤ ਸਰਵਿਸ ਲੈ ਸਕੋਗੇ। ਆਧਾਰ ਸੇਵਾ ਕੇਂਦਰਾਂ 'ਤੇ ਵੱਧ ਰਹੀ ਭੀੜ ਨੂੰ ਦੇਖਦੇ ਹੋਏ ਭਾਰਤੀ ਵਿਲੱਖਣ ਪਛਾਣ ਅਥਾਰਟੀ (ਯੂ. ਆਈ. ਡੀ. ਏ. ਆਈ.) ਨੇ ਆਪਣੇ ਸਾਰੇ ਸੈਂਟਰਾਂ ਨੂੰ ਹਫਤੇ ਦੇ ਸਾਰੇ ਦਿਨ ਖੁੱਲ੍ਹੇ ਰੱਖਣ ਦਾ ਫੈਸਲਾ ਕੀਤਾ ਹੈ। ਪਹਿਲਾਂ ਆਧਾਰ ਕੇਂਦਰ ਜ਼ਿਆਦਾਤਰ ਮੰਗਲਵਾਰ ਨੂੰ ਬੰਦ ਰਹਿੰਦੇ ਸਨ।
ਜ਼ਿਕਰਯੋਗ ਹੈ ਕਿ ਪਾਸਪੋਰਟ ਸੇਵਾ ਕੇਂਦਰ ਦੀ ਤਰ੍ਹਾਂ ਤੁਸੀਂ ਇੱਥੇ ਜਾਣ ਲਈ ਵੀ ਯੂ. ਆਈ. ਡੀ. ਏ. ਆਈ. 'ਤੇ ਆਨਲਾਈਨ ਮਿਲਣ ਦਾ ਸਮਾਂ ਬੁੱਕ ਕਰਵਾ ਸਕਦੇ ਹੋ। ਇਨ੍ਹਾਂ ਸੈਂਟਰਾਂ 'ਤੇ ਤੁਸੀਂ ਨਵਾਂ ਆਧਾਰ ਕਾਰਡ ਬਣਵਾਉਣ ਤੋਂ ਇਲਾਵਾ ਯੂ. ਆਈ. ਡੀ. ਏ. ਆਈ. ਡਾਟਾਬੇਸ 'ਚ ਆਪਣਾ ਨਾਮ, ਪਤਾ, ਮੋਬਾਇਲ ਨੰਬਰ, ਈ-ਮੇਲ, ਜਨਮ ਤਰੀਕ ਤੇ ਹੋਰ ਜਾਣਕਾਰੀ ਅਪਡੇਟ ਕਰਵਾ ਸਕਦੇ ਹੋ। ਫੋਟੋ ਤੇ ਬਾਇਓਮੀਟ੍ਰਿਕ ਡੇਟਾ ਨੂੰ ਅਪਡੇਟ ਕਰਨ ਦੀ ਵੀ ਮਨਜ਼ੂਰੀ ਹੈ।
UIDAI-run #AadhaarSevaKendra now open all 7 days.
— Aadhaar (@UIDAI) November 15, 2019
These centres have capacity to service up to 1000 Aadhaar enrolment or update requests per day. Visit an #ASK today to experience Aadhaar services in a state-of-the-art environment. Book appointment from: https://t.co/QFcNEqehlP pic.twitter.com/2JflucB90W
