ਗੁਡਵੁਡ ਫੈਸਟੀਵਲ ਆਫ ਸਪੀਡ 'ਚ ਪੇਸ਼ ਹੋਈ ਭਾਰਤ ਦੀ ਪਹਿਲੀ ਹਾਈਪਰਕਾਰ Shul
Tuesday, Jul 17, 2018 - 04:19 PM (IST)
ਜਲੰਧਰ- ਭਾਰਤ ਦੀ ਪਹਿਲੀ ਈਕੋ ਫ੍ਰੈਂਡਲੀ ਹਾਈਪਰਕਾਰ "ਸ਼ੂਲ" ਨੂੰ ਗੁਡਵੁਡ ਫੇਸਟਿਵਲ ਆਫ ਸਪੀਡ 'ਚ ਪੇਸ਼ ਕਰ ਦਿੱਤੀ ਗਿਆ ਹੈ। ਇਸ ਹਾਇਪਰਕਾਰ 'ਚ ਈਕੋ ਫ੍ਰੈਂਡਲੀ ਟਰਬਾਈਨ ਇਲੈਕਟ੍ਰਿਕ ਪਾਵਰਟ੍ਰੇਨ ਹੈ ਜੋ ਕਿ ਕਾਰਾਂ 'ਚ ਜ਼ਿਆਦਾਤਰ ਦੇਖਣ ਨੂੰ ਨਹੀਂ ਮਿਲਦਾ ਹੈ । ਇਸ ਨੂੰ Chunky Vazirani ਨੇ ਤਿਆਰ ਕੀਤਾ ਹੈ ਜੋ ਕਿ ਨਵੀਂ ਭਾਰਤੀ ਕੰਪਨੀ Vazirani Automotive ਦੇ ਕੋਅ-ਫਾਊਂਡਰ ਅਤੇ ਚੀਫ ਡਿਜ਼ਾਈਨਰ ਹਨ। ਇਨ੍ਹਾਂ ਨੇ Sahara Force india ਦੀ ਫਾਰਮੂਲਾ ਵਨ ਟੀਮ ਦੇ ਨਾਲ ਵੀ ਕੰਮ ਕੀਤਾ ਹੈ।
ਇਸ ਦਾ ਨਾਂ ਸ਼ੂਲ (Shul) ਹੈ। ਬੋਲਣ 'ਚ ਇਹ Shool ਹੈ। ਇਸ 'ਚ ਹਲਕੇ ਭਾਰ ਵਾਲੀ ਚੇਸੀਸ ਦਾ ਇਸਤੇਮਾਲ ਕੀਤਾ ਗਿਆ ਹੈ ਅਤੇ ਕਾਰਬਨ ਫਾਈਬਰ ਦਾ ਇਸਤੇਮਾਲ ਦੇਖਣ ਨੂੰ ਮਿਲਦਾ ਹੈ। BMW i8 'ਚ ਵੀ ਕਾਰਬਨ ਫਾਈਬਰ ਦਾ ਇਸਤੇਮਾਲ ਹੈ।
Shul ਅਜੇ ਕੰਸੈਪਟ ਦੇ ਸਟੇਜ 'ਤੇ ਹੈ
Shul ਅਜੇ ਕੰਸੈਪਟ ਦੇ ਸਟੇਜ 'ਤੇ ਹੈ ਤੇ ਇਸ ਨੂੰ ਬਣਾਉਣ ਵਾਲੀ ਕੰਪਨੀ ਇਸ ਦੇ ਪ੍ਰੋਟੋਟਾਈਪ ਨੂੰ ਇਸ ਸਾਲ ਦੇ ਅੰਤ ਤੱਕ ਲਿਆ ਸਕਦੀ ਹੈ। ਹਰ ਪਹੀਏ 'ਚ ਚਾਰ ਇਲੈਕਟ੍ਰਿਕ ਮੋਟਰਾਂ ਫਿੱਟ ਹਨ ਜੋ ਕਿ ਇਸ ਨੂੰ ਫੁਲੀ ਇੰਡੀਪੈਂਡੇਂਟ ਟਾਰਕ ਵੈਕਟਰਿੰਗ ਪ੍ਰੋਵਾਇਡ ਕਰਣਗੇ। ਇਹ ਮੋਟਰ ਸਿੰਗਲ ਰੇਸ਼ੋ ਗਿਅਰਬਾਕਸੇਜ ਨਾਲ ਚੱਲਦੇ ਹਨ।
ਹਾਲਾਂਕਿ ਇਸ ਸੁਪਰਕਾਰ ਨਾਲ ਜੁੜੀ ਕੋਈ ਵੀ ਤਕਨੀਕੀ ਜਾਣਕਾਰੀ ਸ਼ੇਅਰ ਨਹੀਂ ਕੀਤੀ ਗਈ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਉਹ ਇਸ ਸੁਪਰਫਾਸਟ ਕਾਰ ਦੀ 0 ਤੋਂ 100 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਸਪੀਡ ਵਾਲੇ ਕੰਸੈਪਟ ਦੀ ਬਜਾਏ ਕਾਰ ਹੈਂਡਲਿੰਗ 'ਤੇ ਫੋਕਸ ਕਰੇਗੀ।
