ਐਂਡ੍ਰਾਇਡ ਫੋਨ ਵਿਚ ਆ ਗਿਆ ਇਹ ਵਾਇਰਸ ਤਾਂ ਨਹੀਂ ਹੋਵੇਗਾ ਰਿਮੂਵ

ਜਲੰਧਰ  :  ਸਕਿਓਰਿਟੀ ਰਿਸਰਚਰਜ਼ ਨੇ ਇਕ ਨਵੇਂ ਤਰ੍ਹਾਂ  ਦੇ ਮਾਲਵੇਅਰ ( ਵਾਇਰਸ) ਦਾ ਪਤਾ ਲਗਾਇਆ ਹੈ ਜੋ ਇਕ ਨਾਰਮਲ ਐਪ ਦੀ ਤਰ੍ਹਾਂ ਹੀ ਹੈ ਪਰ ਇਹ ਤੁਹਾਡੇ ਫੋਨ ਨੂੰ ਆਟੋ ਰੂਟ ਕਰ ਦਿੰਦਾ ਹੈ ਅਤੇ ਫਿਰ ਅਸਲ ''ਚ ਇਸ ਵਾਇਰਸ ਨੂੰ ਹਟਾਣਾ ਅਸੰਭਵ ਹੋ ਜਾਂਦਾ ਹੈ । ਥਰਡ ਪਾਰਟੀ ਐਪ ਸਟੋਰ ਵਿਚ ਇਹ ਮਾਲਵੇਅਰ ਖੋਜਿਆ ਗਿਆ ਹੈ ।  

Ars Technica ਦੀ ਰਿਪੋਰਟ  ਦੇ ਮੁਤਾਬਕ ਇਸ ਐਪਸ ਨੂੰ ਬਣਾਉਣ ਲਈ ਆਧਿਕਾਰਤ ਕੋਰਡਸ ਦੀ ਵਰਤੋਂ ਕੀਤੀ ਗਈ ਹੈ ਜਿਵੇਂ ਗੂਗਲ ਪਲੇ ''ਤੇ ਫੇਸਬੁਕ ਅਤੇ ਟਵਿਟਰ ਨੂੰ ਬਣਾਉਣ ਲਈ ਕੀਤਾ ਗਿਆ ਹੈ,  ਇਸ ਲਈ ਉਹ ਸ਼ੁਰੂ ਵਿਚ ਠੀਕ ਲਗਦੇ ਹਨ ਅਤੇ ਠੀਕ ਤਰ੍ਹਾਂ ਕੰਮ ਵੀ ਕਰਦੇ ਹਨ ਪਰ ਇਹ ਐਪ ਮਾਲਵੇਅਰ ਕੋਰ ਨਾਲ ਭਰੇ ਪਏ ਹਨ ਜੋ ਆਪ੍ਰੇਟਿੰਗ ਸਿਸਟਮ ਦਾ ਰੂਟ ਅਸੈੱਸ ਲੈ ਲੈਂਦੇ ਹੈ । 

ਇਸ ਮਾਲਵੇਅਰ ਨੂੰ ਆਪਣੀ ਡਿਵਾਈਜ਼ ''ਚੋਂ ਹਟਾਉਣਾ ਹਰ ਕਿਸੇ ਦੇ ਵੱਸ ਦੀ ਗੱਲ ਨਹੀਂ ਹੈ । 3 ਤਰ੍ਹਾਂ ਦੇ ਮਾਲਵੇਅਰ ਨੂੰ ਆਬਜ਼ਰਵ ਕੀਤਾ ਗਿਆ ਹੈ ਜਿਨ੍ਹਾਂ ਦਾ ਨਾਮ Shedun ,  Shuanet ,  ਅਤੇ ShiftyBug ਹੈ , ਡਿਸਪਲੇ ਐਡ ਵਿਚ ਦੇਖਣ ''ਤੇ ਇਹ ਐਪਸ ਹੋਰ ਐਪਸ ਦੀ ਤਰ੍ਹਾਂ ਹੀ ਦਿਖਦੇ ਹਨ ਪਰ ਫੋਨ  ਦੇ ਪ੍ਰਾਈਵੇਟ ਡਾਟਾ ਨੂੰ ਚੁਰਾ ਸਕਦੇ ਹਨ ।  

ਅਮਰੀਕਾ, ਜਰਮਨੀ, ਈਰਾਨ, ਰੂਸ,  ਭਾਰਤ, ਜਮੈਕਾ, ਸੂਡਾਨ, ਬ੍ਰਾਜ਼ੀਲ,  ਮੈਕਸੀਕੋ ਅਤੇ ਇੰਡੋਨੇਸ਼ਿਆ ਵਿਚ ਅਜਿਹੇ 20 ਹਜ਼ਾਰ ਮੋਡੀਫਾਈਡ ਐਪਸ  ਦੇ ਬਾਰੇ ਵਿਚ ਪਤਾ ਲਗਾਇਆ ਗਿਆ ਹੈ ।  ਹਾਲਾਂਕਿ ਹੁਣ ਤੱਕ ਇਹ ਪਤਾ ਨਹੀਂ ਚੱਲ ਸਕਿਆ ਹੈ ਕਿ ਗੂਗਲ ਪਲੇ ਸਟੋਰ ''ਤੇ ਵੀ ਅਜਿਹੇ ਐਪਸ ਉਪਲੱਬਧ ਹਨ ਜਾਂ ਨਹੀਂ ਪਰ ਜੇਕਰ ਤੁਸੀਂ ਹੈਕਰਜ਼ ਤੋਂ ਬਚਣਾ ਚਾਹੁੰਦੇ ਹੋ ਤਾਂ ਥਰਡ ਪਾਰਟੀ ਐਪ ਸਟੋਰ ਤੋਂ ਐਪ ਡਾਊਨਲੋਡ ਨਾ ਕਰੋ ।