ਮਾਰਟਿਨ ਗੁਪਟਿਲ ਨੇ ਯੁਜਵੇਂਦਰ ਚਾਹਲ ਨੂੰ ਕੱਢੀ ਗਾਲ, ਰੋਹਿਤ ਸ਼ਰਮਾ ਖਿਸਕੇ (ਵੀਡੀਓ)

01/27/2020 12:03:35 PM

ਸਪੋਰਟਸ ਡੈਸਕ— ਆਕਲੈਂਡ ਦੇ ਈਡਨ ਪਾਰਕ 'ਚ ਖੇਡੇ ਗਏ ਸੀਰੀਜ਼ ਦੇ ਦੂਜੇ ਟੀ-20 ਮੁਕਾਬਲੇ 'ਚ ਭਾਰਤ ਨੇ ਨਿਊਜ਼ੀਲੈਂਡ 'ਤੇ 7 ਵਿਕਟਾਂ ਨਾਲ  ਹਰਾ ਕੇ ਵੱਡੀ ਜਿੱਤ ਦਰਜ ਕੀਤੀ। ਮੈਚ ਦੇ ਬਾਅਦ ਯੁਜਵੇਂਦਰ ਚਾਹਲ ਦੇ ਨਾਲ ਇਕ ਅਜਿਹੀ ਘਟਨਾ ਵਾਪਰੀ, ਜਿਸ ਦੀ ਉਨ੍ਹਾਂ ਨੇ ਕਦੀ ਉਮੀਦ ਵੀ ਨਹੀਂ ਕੀਤੀ ਸੀ। ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਨਿਊਜ਼ੀਲੈਂਡ ਦੀ ਟੀਮ ਨੇ ਮਾਰਟਿਨ ਗੁਪਟਿਲ 33 (20) ਅਤੇ ਟਿਮ ਸੇਫਰਟ (33 (26) ਦੀ ਮਦਦ ਨਾਲ ਨਿਰਧਾਰਤ 20 ਓਵਰਾਂ 'ਚ 132/5 ਦੌੜਾਂ ਬਣਾਈਆਂ। ਟੀਚੇ ਦਾ ਪਿੱਛਾ ਕਰਨ ਦੇ ਦੌਰਾਨ ਭਾਰਤ ਨੇ ਢਾਈ ਓਵਰ ਪਹਿਲਾਂ ਹੀ ਮੈਚ ਜਿੱਤ ਲਿਆ।

ਮੈਚ ਤੋਂ ਬਾਅਦ ਸਾਰੇ ਖਿਡਾਰੀ ਇਕ ਦੂਜੇ ਨਾਲ ਹੱਥ ਮਿਲਾ ਰਹੇ ਸਨ। ਮੈਦਾਨ 'ਤੇ ਕੁਮੈਂਟੇਟਰ ਜਤਿਨ ਸਪਰੂ ਵੀ ਮੌਜੂਦ ਸਨ। ਨਿਊਜ਼ੀਲੈਂਡ ਦੇ ਸਲਾਮੀ ਬੱਲੇਬਾਜ਼ ਮਾਰਟਿਨ ਗੁਪਟਿਲ ਦੇ ਭਾਰਤੀ ਟੀਮ ਦੇ ਖਿਡਾਰੀਆਂ ਦੇ ਨਾਲ ਬੇਹੱਦ ਚੰਗੇ ਸਬੰਧ ਹਨ। ਯੁਜਵੇਂਦਰ ਚਾਹਲ ਦੇ ਹੱਥ 'ਚ ਮਾਈਕ ਸੀ। ਉਹ ਜਿੱਤ ਦੇ ਬਾਅਦ ਮਾਰਟਿਨ ਗੁਪਟਿਲ ਦੇ ਨਾਲ ਗੱਲਬਾਤ ਲਈ ਗਏ। ਗੱਲਬਾਤ ਦੀ ਸ਼ੁਰੂਆਤ 'ਚ ਹੀ ਗੁਪਟਿਲ ਨੇ ਚਾਹਲ ਨੂੰ ਗਾਲ ਕੱਢ ਦਿੱਤੀ ਸੀ। ਇਸ ਤੋਂ ਤੁਰੰਤ ਬਾਅਦ ਚਾਹਲ ਨੇ ਵੀ ਆਵਾਜ਼ ਹੌਲੀ ਕਰਕੇ ਬੋਲਣ ਲਈ ਕਿਹਾ, ਇਸ ਵਿਚਾਲੇ ਮੌਜੂਦ ਰੋਹਿਤ ਸ਼ਰਮਾ ਵੀ ਆਪਣਾ ਹਾਸਾ ਰੋਕਦੇ ਹੋਏ ਉੱਥੋਂ ਦੌੜ ਗਏ। ਮੰਨਿਆ ਜਾ ਰਿਹਾ ਹੈ ਕਿ ਗੁਪਟਿਲ ਨੂੰ ਭਾਰਤੀ ਭਾਸ਼ਾ 'ਚ ਕੱਢੀ ਗਾਲ ਦਾ ਮਤਲਬ ਨਹੀਂ ਪਤਾ ਸੀ। ਚਹਿਲ ਨਾਲ ਮਸਤੀ ਕਰਨ ਲਈ ਕਿਸੇ ਭਾਰਤੀ ਖਿਡਾਰੀ ਨੇ ਹੀ ਗੁਪਟਿਲ ਨੂੰ ਚਾਹਲ ਨਾਲ ਇਸ ਤਰ੍ਹਾਂ ਦੇ ਸ਼ਬਦ ਬੋਲਣ ਨੂੰ ਕਿਹਾ ਹੋਵੇਗਾ।

 


Tarsem Singh

Content Editor

Related News