ਅਸੀਂ 5 ਉਂਗਲਾਂ ਹਾਂ ਪਰ ਮੁੱਠੀ ਇਕ ਹੈ- IPL Retention ਪੂਰੀ ਹੋਣ ''ਤੇ ਬੋਲੇ ਹਾਰਦਿਕ ਪੰਡਯਾ

ਸਪੋਰਟਸ ਡੈਸਕ- ਆਈ.ਪੀ.ਐੱਲ. 2025 ਸੀਜ਼ਨ ਤੋਂ ਪਹਿਲਾਂ 5 ਵਾਰ ਦੀ ਆਈ.ਪੀ.ਐੱਲ. ਚੈਂਪੀਅਨ ਮੁੰਬਈ ਇੰਡੀਅਨਜ਼ ਦੁਆਰਾ ਰਿਟੇਨ ਕੀਤੇ ਜਾਣ ਤੋਂ ਬਾਅਦ ਕਪਤਾਨ ਹਾਰਦਿਕ ਪੰਡਯਾ ਨੇ ਧੰਨਵਾਦ ਪ੍ਰਗਟਾਇਆ ਹੈ। ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੇ ਹੁਣ ਤਕ ਜ਼ਿੰਦਗੀ 'ਚ ਜੋ ਕੁਝ ਵੀ ਹਾਸਲ ਕੀਤਾ ਹੈ ਉਹ ਫ੍ਰੈਂਚਾਇਜ਼ੀ ਦਾ ਹਿੱਸਾ ਹੋਣ ਕਾਰਨ ਹੀ ਸੰਭਵ ਹੋਇਆ ਹੈ। ਆਈ.ਪੀ.ਐੱਸ. 2025 ਦੇ ਰਿਟੇਂਸ਼ਨ ਡੇਅ 'ਤੇ ਐੱਮ.ਆਈ. ਨੇ ਕਿਹਾ ਕਿ ਉਨ੍ਹਾਂ ਨੇ ਆਪਣੇ 5 ਮੁੱਖ ਖਿਡਾਰੀਆਂ ਨੂੰ ਬਰਕਰਾਰ ਰੱਖਿਆ ਹੈ। ਇਹ ਪਲੇਅ ਹਨ- ਜਸਪ੍ਰੀਤ ਬੁਮਰਾਹ (18 ਕਰੋੜ ਰੁਪਏ), ਹਾਰਦਿਕ (16.35 ਕਰੋੜ ਰੁਪਏ), ਸੂਰਿਆਕੁਮਾਰ ਯਾਦਵ (16.35 ਕਰੋੜ ਰੁਪਏ), ਰੋਹਿਤ ਸ਼ਰਮਾ (16.30 ਕਰੋੜ ਰੁਪਏ) ਅਤੇ ਤਿਲਕ ਵਰਮਾ (8 ਕਰੋੜ ਰੁਪਏ)। 

ਹਾਲਾਂਕਿ, ਹਾਰਦਿਕ ਨੇ ਕਿਹਾ ਕਿ ਮੈਨੂੰ ਲੱਗਦਾ ਹੈ ਕਿ ਮੈਨੂੰ ਬਹੁਤ ਪਿਆਰ ਵਾਪਸ ਮਿਲਿਆ ਹੈ, ਜੋ ਮੇਰੇ ਲਈ ਬਹੁਤ ਮਾਇਨੇ ਰੱਖਦਾ ਹੈ। ਮੇਰੀ ਯਾਤਰਾ ਇੱਥੋਂ ਸ਼ੁਰੂ ਹੋਈ ਅਤੇ ਤੁਸੀਂ ਜਾਣਦੇ ਹੋ ਕਿ ਮੈਂ ਆਪਣੀ ਜ਼ਿੰਦਗੀ ਵਿੱਚ ਜੋ ਵੀ ਪ੍ਰਾਪਤ ਕੀਤਾ ਹੈ ਉਹ ਮੁੰਬਈ ਇੰਡੀਅਨਜ਼ ਦਾ ਹਿੱਸਾ ਹੈ। ਅਸੀਂ 5 ਉਂਗਲਾਂ ਹਾਂ ਪਰ ਇੱਕ ਮੁੱਠੀ, ਇਸ ਤਰ੍ਹਾਂ ਮੈਂ ਇਸਨੂੰ ਦੇਖਦਾ ਹਾਂ। ਭਾਰਤ ਦੇ ਤੇਜ਼ ਗੇਂਦਬਾਜ਼ ਬੁਮਰਾਹ ਨੂੰ ਰਿਟੇਂਸ਼ਨ ਆਰਡਰ ਦੀ ਅਗਵਾਈ ਕਰਨਾ ਕੋਈ ਹੈਰਾਨੀ ਵਾਲੀ ਗੱਲ ਨਹੀਂ ਹੈ ਕਿਉਂਕਿ ਉਹ ਰੋਹਿਤ ਦੇ ਬਹੁਤ ਕਰੀਬ ਹਨ।

🏆💭

📹 | Watch 𝐑𝐞𝐭𝐞𝐧𝐭𝐢𝐨𝐧 𝐃𝐢𝐚𝐫𝐢𝐞𝐬 ft. Rohit Sharma 🌍#MumbaiMeriJaan #MumbaiIndians pic.twitter.com/ovn5pZIREz

— Mumbai Indians (@mipaltan) October 31, 2024

ਇਸ ਦੇ ਨਾਲ ਹੀ ਰੋਹਿਤ ਨੇ ਕਿਹਾ ਕਿ ਮੈਂ ਦੁਬਾਰਾ ਮੁੰਬਈ ਇੰਡੀਅਨਜ਼ ਦਾ ਹਿੱਸਾ ਬਣ ਕੇ ਰੋਮਾਂਚਿਤ ਹਾਂ। ਮੈਂ ਇੱਥੇ ਕਾਫੀ ਕ੍ਰਿਕਟ ਖੇਡੀ ਹੈ। ਇੱਥੋਂ ਮੈਂ ਆਪਣੇ ਕ੍ਰਿਕਟ ਕਰੀਅਰ ਦੀ ਸ਼ੁਰੂਆਤ ਕੀਤੀ। ਇਸ ਲਈ, ਇਹ ਸ਼ਹਿਰ ਬਹੁਤ, ਬਹੁਤ ਖਾਸ ਹੈ ਅਤੇ ਮੈਂ ਇੱਥੇ ਆ ਕੇ ਖੁਸ਼ ਹਾਂ। ਸੱਜੇ ਹੱਥ ਦੇ ਸਲਾਮੀ ਬੱਲੇਬਾਜ਼ ਨੇ ਵੀ ਆਪਣੇ ਮੁੱਖ 5 ਭਾਰਤੀ ਖਿਡਾਰੀਆਂ ਨੂੰ ਬਰਕਰਾਰ ਰੱਖਣ ਦੇ MI ਦੇ ਫੈਸਲੇ ਦਾ ਸਮਰਥਨ ਕੀਤਾ। ਉਨ੍ਹਾਂ ਕਿਹਾ ਕਿ ਤੁਸੀਂ ਜਾਣਦੇ ਹੋ ਕਿ ਉੱਚ ਪੱਧਰ 'ਤੇ ਰਾਸ਼ਟਰੀ ਟੀਮ ਦੀ ਨੁਮਾਇੰਦਗੀ ਕਰਨ ਵਾਲੇ ਖਿਡਾਰੀਆਂ ਨੂੰ ਪਹਿਲ ਮਿਲਣੀ ਚਾਹੀਦੀ ਹੈ। ਇਹ ਉਹ ਹੈ ਜਿਸ ਵਿੱਚ ਮੈਂ ਵਿਸ਼ਵਾਸ ਕਰਦਾ ਹਾਂ ਅਤੇ ਮੈਂ ਇਸ ਤੋਂ ਬਹੁਤ ਖੁਸ਼ ਹਾਂ।

ਮੁੰਬਈ ਇੰਡੀਅਨਜ਼ ਰਿਟੇਂਸ਼ਨ

ਜਸਪ੍ਰੀਤ ਬੁਮਰਾਹ, ਸੂਰਿਆਕੁਮਾਰ ਯਾਦਵ, ਹਾਰਦਿਕ ਪੰਡਯਾ, ਰੋਹਿਤ ਸ਼ਰਮਾ, ਤਿਲਕ ਵਰਮਾ

ਬਰਕਰਾਰ ਰੱਖੇ ਖਿਡਾਰੀ : 5, ਖਰਚ ਕੀਤੀ ਗਈ ਰਾਸ਼ੀ : 75 ਕਰੋੜ, ਨਿਲਾਮੀ ਪਰਸ ਬਾਕੀ : 45 ਕਰੋੜ, ਆਰ.ਟੀ.ਐੱਮ. : 1
ਪ੍ਰਮੁੱਖ ਰਿਲੀਜ਼ : ਟਿਮ ਡੇਵਿਡ, ਰੋਮਾਰੀਓ ਸ਼ੈਫਰਡ, ਈਸ਼ਾਨ ਕਿਸ਼ਨ, ਗੋਰਾਲਡ ਕੋਏਤਜੀ