ਵਿਰਾਟ ਨੇ ਇਸ ਤਰ੍ਹਾਂ ਸਿਖਾਇਆ ਬ੍ਰਾਡ ਨੂੰ ਸਬਕ, ਵੀਡੀਓ ਵਾਇਰਲ

ਨਵੀਂ ਦਿੱਲੀ— ਕਿਸੇ ਵੀ ਖੇਡ 'ਚ ਕਪਤਾਨ ਦਾ ਰੋਲ ਸਭ ਤੋਂ ਅਹਿਮ ਹੁੰਦਾ ਹੈ। ਉਨ੍ਹਾਂ ਦੇ ਲਈ ਸਾਰੇ ਖਿਡਾਰੀ ਬਰਾਬਰ ਹੁੰਦੇ ਹਨ। ਉਨ੍ਹਾਂ 'ਚ ਅਗਵਾਈ ਕਰਨ ਦੀ ਕੁਸ਼ਲ ਸ਼ਮਤਾ ਹੁੰਦੀ ਹੈ ਚਾਹੇ ਕੋਈ ਵੀ ਮਸਲਾ ਕਿਉਂ ਨਾ ਹੋਵੇ। ਕਪਤਾਨ ਦੀ ਕੀ ਭੂਮਿਕਾ ਹੁੰਦੀ ਹੈ ਇਸਦਾ ਨਮੂਨਾ ਟੀਮ ਇੰਡੀਆ ਦੇ ਕਪਤਾਨ ਵਿਰਾਟ ਕੋਹਲੀ ਨੇ ਇੰਗਲੈਂਡ ਖਿਲਾਫ ਤੀਜੇ ਟੈਸਟ ਦੌਰਾਨ ਬਖੂਬੀ ਪੇਸ਼ ਕੀਤਾ। ਦੱਸ ਦਈਏ ਕਿ ਟੀਮ ਇੰਡੀਆ ਅਤੇ ਇੰਗਲੈਂਡ ਵਿਚਕਾਰ ਟ੍ਰੇਂਟ ਬ੍ਰਿਜ 'ਚ ਖੇਡੇ ਗਏ ਤੀਜੇ ਟੈਸਟ ਦੌਰਾਨ ਕਪਤਾਨ ਵਿਰਾਟ ਕੋਹਲੀ ਕਿਸ ਤਰ੍ਹਾਂ ਆਪਣੇ ਖਿਡਾਰੀਆਂ ਦਾ ਪੱਖ ਲੈਂਦੇ ਹਨ, ਇਹ ਦੇਖਣ ਨੂੰ ਮਿਲਿਆ। ਦਰਅਸਲ ਇਕ ਵੀਡੀਓ ਵਾਇਰਲ ਹੋਇਆ ਹੈ, ਜਿਸ 'ਚ ਵਿਰਾਟ ਇੰਗਲੈਂਡ ਦੇ ਬੱਲੇਬਾਜ਼ ਸਟੂਅਰਟ ਬ੍ਰਾਡ ਦੀ ਜ਼ਬਰਦਸਤ ਖਿਚਾਈ ਕਰ ਰਹੇ ਹਨ, ਕਿਉਂਕਿ ਉਸ ਨੇ ਟੀਮ ਇੰਡੀਆ ਦੀ ਪਹਿਲੀ ਪਾਰੀ ਦੌਰਾਨ ਟੈਸਟ ਡੈਬਿਊ ਕਰਨ ਵਾਲੇ ਯੁਵਾ ਖਿਡਾਰੀ ਰਿਸ਼ਭ ਪੰਤ ਦੀ ਸਲੇਜਿੰਗ ਕੀਤੀ ਸੀ।

ਟੀਮ ਇੰਡੀਆ ਦੇ ਨੌਜਵਾਨ ਵਿਕਟਕੀਪਰ ਬੱਲੇਬਾਜ਼ ਰਿਸ਼ਭ ਪੰਤ ਦਾ ਇਹ ਡੈਬਿਊ ਟੈਸਟ ਮੈਚ ਸੀ। ਪੰਤ ਨੇ ਇਸ ਟੈਸਟ ਦੀ ਪਹਿਲੀ ਪਾਰੀ 'ਚ 24 ਦੌੜਾਂ ਬਣਾਈਆਂ ਸਨ। ਬ੍ਰਾਡ ਨੇ ਉਨ੍ਹਾਂ ਨੂੰ 92ਵੇਂ ਓਵਰ ਦੀ ਚੌਥੀ ਗੇਂਦ 'ਤੇ ਬੋਲਡ ਕਰ ਦਿੱਤਾ ਸੀ। ਪੰਤ ਜਦੋਂ ਆਊਟ ਹੋ ਕੇ ਵਾਪਸ ਪਵੇਲੀਅਨ ਜਾ ਰਹੇ ਸਨ, ਉਦੋਂ ਬ੍ਰਾਡ ਨੇ ਉਨ੍ਹਾਂ ਦੀ ਸਲੇਜਿੰਗ ਵਲੋਂ ਉਨ੍ਹਾਂ ਨੂੰ ਕੁਝ ਕਿਹਾ। ਇਸਦਾ ਬਦਲਾ ਵਿਰਾਟ ਕੋਹਲੀ ਨੇ ਇੰਗਲੈਂਡ ਦੀ ਬੱਲੇਬਾਜ਼ੀ ਦੌਰਾਨ ਲੈ ਲਿਆ। ਸਟੂਅਰਟ ਬ੍ਰਾਡ ਜਦੋਂ ਬੱਲੇਬਾਜ਼ੀ ਕਰਨ ਲਈ ਆਏ ਤਾਂ ਸਿਲਪ 'ਚ ਖੜੇ ਕੋਹਲੀ ਨੇ ਬ੍ਰਾਡ ਨੂੰ ਉਨ੍ਹਾਂ ਦੀ ਸਲੇਜਿੰਗ ਦਾ ਜਵਾਬ ਦਿੱਤਾ। ਕੋਹਲੀ ਨੇ ਸਟੂਅਰਟ ਬ੍ਰਾਡ ਨੂੰ ਕਿਹਾ ਕਿ ਤੁਸੀ ਰਿਸ਼ਭ ਪੰਤ ਵਰਗੇ ਖਿਡਾਰੀ ਨਾਲ ਸਲੇਜਿੰਗ ਕੀਤੀ ਸੀ ਤਾਂ ਬ੍ਰਾਡ ਨੇ ਕਿਹਾ ਕਿ, ਇਹ ਟੈਸਟ ਕ੍ਰਿਕਟ ਹੈ ਅਤੇ ਇਥੇ ਹਮਲਾਵਰ ਹੋਣਾ ਪੈਂਦਾ ਹੈ।

Virat Kohli And Stuart Broad Engage In Banter pic.twitter.com/iE9Zt4SWoQ

— Fantasy11 (@bigFantasy11) August 25, 2018

ਤੁਹਾਨੂੰ ਦੱਸ ਦਈਏ ਕਿ ਬ੍ਰਾਡ ਨੇ ਜਿਸ ਤਰ੍ਹਾਂ ਨਾਲ ਪੰਤ ਨਾਲ ਸਲੇਜਿੰਗ ਕੀਤੀ ਸੀ ਉਸਦੀ ਵਜ੍ਹਾ ਨਾਲ ਉਨ੍ਹਾਂ 'ਤੇ ਆਈ.ਸੀ.ਸੀ. ਨੇ ਜ਼ੁਰਮਾਨਾ ਵੀ ਲਗਾਇਆ ਸੀ। ਬ੍ਰਾਡ 'ਤੇ ਮੈਚ ਫੀਸ ਦਾ 15 ਫੀਸਦੀ ਜ਼ੁਰਮਾਨਾ ਵੀ ਲਗਾਇਆ ਗਿਆ। ਸਟੂਅਰਟ ਬ੍ਰਾਡ ਨੂੰ ਆਈ.ਸੀ.ਸੀ. ਦੇ ਕੋਡ ਆਫ ਕੰਡਕਟ ਦਾ ਲੇਵਲ-1 ਦਾ ਉਲੰਘਨ ਕਰਨ ਦਾ ਦੋਸ਼ੀ ਪਾਇਆ ਗਿਆ । ਇਸ ਤੋਂ ਇਲਾਵਾ ਡਿਮੇਰਿਟ ਪੁਆਇੰਟ ਵੀ ਉਨ੍ਹਾਂ ਦੇ ਖਾਤੇ 'ਚ ਜੋੜਿਆ ਗਿਆ।