ਚਿੱਕੜ ''ਚ ਨੰਗੇ ਪੈਰ ਚੱਲੇ ਵਿਰਾਟ-ਅਨੁਸ਼ਕਾ, ਆਸ਼ਰਮ ਪੁੱਜ ਕੇ ਲਿਆ ਪ੍ਰੇਮਾਨੰਦ ਮਹਾਰਾਜ ਦਾ ਆਸ਼ੀਰਵਾਦ (VIDEO)

ਵ੍ਰਿੰਦਾਵਨ- ਭਾਰਤੀ ਕ੍ਰਿਕਟਰ ਵਿਰਾਟ ਕੋਹਲੀ ਅਤੇ ਉਨ੍ਹਾਂ ਦੀ ਪਤਨੀ, ਅਦਾਕਾਰਾ ਅਨੁਸ਼ਕਾ ਸ਼ਰਮਾ ਬੁੱਧਵਾਰ ਨੂੰ ਵ੍ਰਿੰਦਾਵਨ ਪਹੁੰਚੇ। ਉਹ ਨੰਗੇ ਪੈਰੀਂ ਯਮੁਨਾ ਨਦੀ ਦੇ ਕੰਢੇ ਯਮੁਨਾ ਵਿਹਾਰ ਕੁੰਜ ਪਹੁੰਚੇ ਅਤੇ ਸੰਤ ਦਾ ਆਸ਼ੀਰਵਾਦ ਲਿਆ। ਦੋਵਾਂ ਨੇ ਯਮੁਨਾ ਵਿਹਾਰ ਕੁੰਜ ਆਸ਼ਰਮ ਜਾ ਕੇ ਸੰਤ ਪ੍ਰੇਮਾਨੰਦ ਗੋਵਿੰਦ ਸ਼ਰਨ ਮਹਾਰਾਜ ਦੇ ਦਰਸ਼ਨ ਕੀਤੇ ਤੇ ਉਨ੍ਹਾਂ ਦਾ ਆਸ਼ੀਰਵਾਦ ਲਿਆ।

ਮੀਂਹ ਕਾਰਨ ਆਸ਼ਰਮ ਦਾ ਰਸਤਾ ਬਹੁਤ ਚਿੱਕੜ ਭਰਿਆ ਹੋਇਆ ਸੀ, ਇਸ ਲਈ ਵਿਰਾਟ ਕੋਹਲੀ, ਅਨੁਸ਼ਕਾ ਦਾ ਹੱਥ ਫੜ ਕੇ ਨੰਗੇ ਪੈਰੀਂ ਮੰਜ਼ਿਲ ਵੱਲ ਤੁਰ ਪਏ। ਆਸ਼ਰਮ ਪਹੁੰਚਣ 'ਤੇ, ਸੰਤ ਦੇ ਚੇਲਿਆਂ ਨੇ ਉਨ੍ਹਾਂ ਦਾ ਰਵਾਇਤੀ ਸਵਾਗਤ ਕੀਤਾ।

Virat Kohli And @AnushkaSharma Arrived In Vrindavan To Seek Blessings From Premanand Ji Maharaj. 🙏✨
.
.
.#Virushka @RadhaKeliKunj pic.twitter.com/MIGF1NifGR

— virat_kohli_18_club (@KohliSensation) July 22, 2026

ਵਿਰਾਟ ਅਤੇ ਅਨੁਸ਼ਕਾ ਨੇ ਆਸ਼ਰਮ ਵਿੱਚ ਲਗਭਗ ਇੱਕ ਘੰਟਾ ਬਿਤਾਇਆ। ਇਸ ਤੋਂ ਬਾਅਦ ਨਿਕਲਦੇ ਸਮੇਂ, ਕ੍ਰਿਕਟਰ ਦੇ ਮੱਥੇ 'ਤੇ ਚੰਦਨ ਦਾ ਟਿੱਕਾ ਅਤੇ ਹੱਥ ਵਿੱਚ ਪ੍ਰਸ਼ਾਦ ਦੇਖਿਆ ਗਿਆ। ਕਿਹਾ ਜਾ ਰਿਹਾ ਹੈ ਕਿ ਵਿਰਾਟ ਕੋਹਲੀ ਅਤੇ ਉਨ੍ਹਾਂ ਦੀ ਪਤਨੀ ਅਨੁਸ਼ਕਾ ਸ਼ਰਮਾ ਗੁਰੂ ਪੂਰਨਿਮਾ ਤੋਂ ਪਹਿਲਾਂ ਗੁਰੂ ਪੂਜਾ ਕਰਨ ਆਏ ਹਨ।