ਵੈਭਵ ਸੂਰਿਆਵੰਸ਼ੀ ਨੇ ਸੈਂਕੜਾ ਠੋਕ ਰਚ''ਤਾ ਇਤਿਹਾਸ, ਛੱਕਿਆਂ ਦੀ ਝੜੀ ਲਾ ਅੰਗਰੇਜ਼ ਗੇਂਦਬਾਜ਼ਾਂ ਦੇ ਉਡਾਏ ਹੋਸ਼

ਸਪੋਰਟਸ ਡੈਸਕ- ਭਾਰਤੀ ਟੀਮ ਦੇ ਉੱਭਰਦੇ ਸਿਤਾਰੇ ਵੈਭਵ ਸੂਰਿਆਵੰਸ਼ੀ ਨੇ ਆਈਪੀਐਲ 2025 ਤੋਂ ਬਾਅਦ ਪਿੱਛੇ ਮੁੜ ਕੇ ਨਹੀਂ ਦੇਖਿਆ। ਆਈਪੀਐਲ 2025 ਵਿੱਚ ਰਾਜਸਥਾਨ ਰਾਇਲਜ਼ ਲਈ ਸ਼ਾਨਦਾਰ ਪ੍ਰਦਰਸ਼ਨ ਕਰਨ ਤੋਂ ਬਾਅਦ, ਸੂਰਿਆਵੰਸ਼ੀ ਨੇ ਹੁਣ ਅੰਡਰ-19 ਟੀਮ ਇੰਡੀਆ ਲਈ ਇੰਗਲੈਂਡ ਵਿੱਚ ਧਮਾਲ ਮਚਾ ਦਿੱਤੀ ਹੈ। ਸੂਰਿਆਵੰਸ਼ੀ ਨੇ ਸੀਰੀਜ਼ ਦੇ ਚੌਥੇ ਵਨਡੇ ਵਿੱਚ ਸ਼ਾਨਦਾਰ ਸੈਂਕੜਾ ਲਗਾ ਕੇ ਇਤਿਹਾਸ ਰਚਿਆ ਹੈ। ਇਸ ਪਾਰੀ ਵਿੱਚ ਵੈਭਵ ਨੇ ਅੰਗਰੇਜ਼ੀ ਗੇਂਦਬਾਜ਼ਾਂ ਨੂੰ ਜ਼ਬਰਦਸਤ ਟੱਕਰ ਦਿੱਤੀ ਹੈ। ਵੈਭਵ ਸੂਰਿਆਵੰਸ਼ੀ ਨੇ 78 ਗੇਂਦਾਂ 'ਚ 13 ਚੌਕੇ ਤੇ 10 ਛੱਕਿਆਂ ਦੀ ਮਦਦ ਨਾਲ 143 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ। ਉਸ ਨੇ ਆਪਣਾ ਸੈਂਕੜਾ 52 ਗੇਂਦਾਂ 'ਚ ਪੂਰਾ ਕੀਤਾ। ਇਹ ਅੰਡਰ-19 ਪੱਧਰ 'ਤੇ ਕਿਸੇ ਵੀ ਬੱਲੇਬਾਜ਼ ਦੁਆਰਾ ਬਣਾਇਆ ਗਿਆ ਸਭ ਤੋਂ ਤੇਜ਼ ਸੈਂਕੜਾ ਹੈ। ਸੂਰਿਆਵੰਸ਼ੀ ਦੇ ਸਾਹਮਣੇ ਅੰਗਰੇਜ਼ੀ ਗੇਂਦਬਾਜ਼ ਬੁਰੀ ਤਰ੍ਹਾਂ ਅਸਫਲ ਰਹੇ ਹਨ।

ਇਹ ਵੀ ਪੜ੍ਹੋ : ਵਿਸ਼ਵ ਕ੍ਰਿਕਟ 'ਚ ਵੱਜਿਆ ਮੁਹੰਮਦ ਸਿਰਾਜ ਦਾ ਡੰਕਾ, ਕਪਿਲ ਦੇਵ ਦਾ ਜ਼ਬਰਦਸਤ ਰਿਕਾਰਡ ਤੋੜ ਰਚਿਆ ਇਤਿਹਾਸ

ਵੈਭਵ ਸੂਰਿਆਵੰਸ਼ੀ ਨੇ ਮਚਾਇਆ ਤਹਿਲਕਾ

ਇੰਗਲੈਂਡ ਦੀ ਅੰਡਰ-19 ਟੀਮ ਵਿਰੁੱਧ ਪਹਿਲੇ ਯੂਥ ਵਨਡੇ ਮੈਚ ਵਿੱਚ ਵੈਭਵ ਸੂਰਿਆਵੰਸ਼ੀ ਨੇ ਸਿਰਫ਼ 19 ਗੇਂਦਾਂ ਵਿੱਚ 48 ਦੌੜਾਂ ਬਣਾਈਆਂ। ਵਨਡੇ ਨੂੰ ਟੀ-20 ਵੀ ਬਣਾਉਣ ਵਾਲੇ ਸੂਰਿਆਵੰਸ਼ੀ ਨੇ ਦੂਜੇ ਯੂਥ ਵਨਡੇ ਮੈਚ ਵਿੱਚ 34 ਗੇਂਦਾਂ ਵਿੱਚ 45 ਦੌੜਾਂ ਬਣਾਈਆਂ। ਦੋਵਾਂ ਮੈਚਾਂ ਵਿੱਚ ਅਰਧ ਸੈਂਕੜਾ ਬਣਾਉਣ ਤੋਂ ਖੁੰਝਣ ਤੋਂ ਬਾਅਦ, ਵੈਭਵ ਨੇ ਤੀਜੇ ਯੂਥ ਵਨਡੇ ਮੈਚ ਵਿੱਚ ਸਿਰਫ਼ 31 ਗੇਂਦਾਂ ਵਿੱਚ 86 ਦੌੜਾਂ ਦੀ ਧਮਾਕੇਦਾਰ ਪਾਰੀ ਖੇਡੀ। ਹਾਲਾਂਕਿ, ਉਸਨੂੰ ਸੈਂਕੜਾ ਖੁੰਝਣ ਦਾ ਅਫ਼ਸੋਸ ਸੀ। ਜਿਸਦਾ ਅੰਤ ਉਸਨੇ ਚੌਥੇ ਯੂਥ ਵਨਡੇ ਮੈਚ ਵਿੱਚ ਕੀਤਾ। ਇਸ ਮੈਚ ਵਿੱਚ ਉਸਨੇ ਸਿਰਫ਼ 52 ਗੇਂਦਾਂ ਵਿੱਚ ਸੈਂਕੜਾ ਲਗਾਇਆ। 

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8