ਟਾਮ ਮੂਡੀ ਲਖਨਊ ਸੁਪਰ ਜਾਇੰਟਸ ਦਾ ਕ੍ਰਿਕਟ ਨਿਰਦੇਸ਼ਕ ਨਿਯੁਕਤ

ਲਖਨਊ– ਇੰਡੀਅਨ ਪ੍ਰੀਮੀਅਰ ਲੀਗ (ਆਈ. ਪੀ. ਐੱਲ.) ਦੀ ਟੀਮ ਲਖਨਊ ਸੁਪਰ ਜਾਇੰਟਸ (ਐੱਲ. ਐੱਸ. ਜੀ.) ਨੇ ਮੰਗਲਵਾਰ ਨੂੰ ਆਸਟ੍ਰੇਲੀਆ ਦੇ ਸਾਬਕਾ ਆਲਰਾਊਂਡਰ ਟਾਮ ਮੂਡੀ ਨੂੰ ਇਸ ਟੀ-20 ਲੀਗ ਦੇ ਆਗਾਮੀ ਸੈਸ਼ਨ ਲਈ ਆਪਣਾ ਵਿਸ਼ਵ ਪੱਧਰੀ ਕ੍ਰਿਕਟ ਨਿਰਦੇਸ਼ਕ ਨਿਯੁਕਤ ਕੀਤਾ ਹੈ।

ਆਈ. ਪੀ. ਐੱਲ. ਵਿਚ ਵੱਡਾ ਤਜਰਬਾ ਰੱਖਣ ਵਾਲਾ 60 ਸਾਲਾ ਮੂਡੀ ਸਨਰਾਈਜ਼ਰਜ਼ ਹੈਦਰਾਬਾਦ ਦਾ 2 ਵਾਰ ਮੁੱਖ ਕੋਚ ਰਹਿ ਚੁੱਕਾ ਹੈ। ਉਸ ਨੇ 2022 ਵਿਚ ਬ੍ਰਾਇਨ ਲਾਰਾ ਦੇ ਮੁੱਖ ਕੋਚ ਬਣਨ ’ਤੇ ਇਹ ਫ੍ਰੈਂਚਾਈਜ਼ੀ ਛੱਡ ਦਿੱਤੀ ਸੀ।

ਮੂਡੀ ਨੇ ਆਸਟ੍ਰੇਲੀਆ ਵੱਲੋਂ 8 ਟੈਸਟ ਤੇ 76 ਵਨ ਡੇ ਮੈਚ ਖੇਡੇ ਹਨ। ਉਸ ਨੇ ਦੋਵਾਂ ਰੂਪਾਂ ਵਿਚ ਕੁੱਲ ਮਿਲਾ ਕੇ 1667 ਦੌੜਾਂ ਬਣਾਈਆਂ ਤੇ 54 ਵਿਕਟਾਂ ਲਈਆਂ ਹਨ।