ਇਹ ਕ੍ਰਿਕਟਰ ਹੋ ਸਕਦੇ ਹਨ ਭਾਰਤੀ ਟੀਮ ਦੇ ਨਵੇਂ ਚੋਣਕਾਰ, BCCI ਨੇ ਮੰਗੀਆਂ ਸਨ ਅਰਜ਼ੀਆਂ

ਨਵੀਂ ਦਿੱਲੀ (ਏ.ਐੱਨ.ਆਈ) : ਟੀ-20 ਵਿਸ਼ਵ ਕੱਪ 'ਚ ਹਾਰ ਤੋਂ ਬਾਅਦ ਬੀ.ਸੀ.ਸੀ.ਆਈ. ਵੱਲੋਂ ਭਾਰਤੀ ਸੀਨੀਅਰ ਕ੍ਰਿਕੇਟ ਟੀਮ ਦੇ ਚੋਣਕਾਰਾਂ ਦੀ ਕਮੇਟੀ ਨੂੰ ਭੰਗ ਕਰਦਿਆਂ ਨਵੀਂ ਕਮੇਟੀ ਲਈ ਅਰਜ਼ੀਆਂ ਦੀ ਮੰਗ ਕੀਤੀ ਗਈ ਸੀ। ਇਸ ਦੌਰਾਨ ਨਯਨ ਮੋਂਗੀਆ, ਮਨਿੰਦਰ ਸਿੰਘ, ਸ਼ਿਵ ਸੁੰਦਰ ਦਾਸ ਅਤੇ ਅਜੈ ਰਤੜਾ ਬੀ. ਸੀ. ਸੀ. ਆਈ. ਦੀ ਨਵੀਂ ਸੀਨੀਅਰ ਪੁਰਸ਼ ਚੋਣ ਕਮੇਟੀ ਵਿਚ ਸ਼ਾਮਲ ਹੋਣ ਦੇ ਦਾਅਵੇਦਾਰਾਂ 'ਚੋਂ ਹਨ।

ਇਹ ਖ਼ਬਰ ਵੀ ਪੜ੍ਹੋ - ਨੂੰਹ ਕਾਰਨ ਮੁਸ਼ਕਲ 'ਚ ਫਸੇ ਨਵਨਿਯੁਕਤ ਪ੍ਰਧਾਨ ਰੋਜਰ ਬਿੰਨੀ, BCCI ਵੱਲੋਂ ਨੋਟਿਸ ਜਾਰੀ

ਅਰਜ਼ੀ ਦੀ ਆਖਰੀ ਮਿਤੀ 28 ਨਵੰਬਰ ਸੀ ਅਤੇ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ ਵੱਲੋਂ ਹੁਣ ਕੋਈ ਫੈਸਲਾ ਲੈਣ ਤੋਂ ਪਹਿਲਾਂ ਇੰਟਰਵਿਊ ਲੈਣ ਲਈ ਕ੍ਰਿਕਟ ਸਲਾਹਕਾਰ ਕਮੇਟੀ ਬਣਾਈ ਜਾ ਸਕਦੀ ਹੈ। ਨਵੇਂ ਚੋਣ ਪੈਨਲ ਦਾ ਪਹਿਲਾ ਕੰਮ 2023 'ਚ ਘਰੇਲੂ ਮੈਦਾਨ 'ਤੇ ਸ਼੍ਰੀਲੰਕਾ ਖਿਲਾਫ ਸੀਮਤ ਓਵਰਾਂ ਦੀ ਸੀਰੀਜ਼ ਲਈ ਭਾਰਤੀ ਟੀਮ ਦੀ ਚੋਣ ਕਰਨਾ ਹੋਵੇਗਾ। ਉਦੋਂ ਤਕ ਚੇਤਨ ਸ਼ਰਮਾ ਦੀ ਅਗਵਾਈ ਵਾਲਾ ਪੈਨਲ ਕੰਮ ਕਰਦਾ ਰਹੇਗਾ। ਇਸ ਦੇ ਮੈਂਬਰ ਹੁਣ ਵਿਜੇ ਹਜ਼ਾਰੇ ਟਰਾਫੀ, ਘਰੇਲੂ 50 ਓਵਰਾਂ ਦੇ ਮੁਕਾਬਲੇ ਅਤੇ ਕੂਚ ਬਿਹਾਰ ਟਰਾਫੀ ਦੇ ਨਾਕਆਊਟ ਮੁਕਾਬਲਿਆਂ ਦੀ ਨਿਗਰਾਨੀ ਕਰ ਰਹੇ ਹਨ।

ਇਹ ਖ਼ਬਰ ਵੀ ਪੜ੍ਹੋ - ਯੂਟਿਊਬ ਤੋਂ ਹਟਾਇਆ ਗਿਆ ਸਿੱਧੂ ਮੂਸੇਵਾਲਾ ਤੇ ਬੋਹੇਮੀਆ ਦਾ ਇਹ ਗਾਣਾ, ਜਾਣੋ ਵਜ੍ਹਾ

ਦਾਸ ਇਸ ਸਮੇਂ ਪੰਜਾਬ ਵਿਚ ਬੱਲੇਬਾਜ਼ੀ ਕੋਚ ਵਜੋਂ ਕੰਮ ਕਰ ਰਹੇ ਹਨ। ਇਸ ਤੋਂ ਪਹਿਲਾਂ, ਉਨ੍ਹਾਂ ਰਾਸ਼ਟਰੀ ਕ੍ਰਿਕਟ ਅਕੈਡਮੀ ਅਤੇ ਭਾਰਤੀ ਮਹਿਲਾ ਟੀਮ ਦੇ ਨਾਲ ਕੋਚ ਵਜੋਂ ਕੰਮ ਕੀਤਾ ਹੈ। ਜੇਕਰ ਦਾਸ ਨੂੰ ਨਿਯੁਕਤ ਕੀਤਾ ਜਾਂਦਾ ਹੈ, ਤਾਂ ਉਹ ਓਡੀਸ਼ਾ ਦੇ ਆਪਣੇ ਸਾਬਕਾ ਸਾਥੀ ਦੇਬਾਸਿਸ ਮੋਹੰਤੀ ਦੀ ਥਾਂ ਲੈਣਗੇ। ਭਾਰਤ ਦੇ ਸਾਬਕਾ ਤੇਜ਼ ਗੇਂਦਬਾਜ਼ ਮੋਹੰਤੀ ਨੇ ਚੋਣਕਾਰ ਵਜੋਂ ਆਪਣਾ ਪੰਜ ਸਾਲ ਦਾ ਕਾਰਜਕਾਲ ਪੂਰਾ ਕਰ ਲਿਆ ਹੈ। ਬਦਾਨੀ ਇਕ ਹੋਰ ਮਜ਼ਬੂਤ ਦਾਅਵੇਦਾਰ ਹੈ ਜਿਸ ਨੂੰ ਮੁਕਾਬਲੇ ਵਿਚ ਮੰਨਿਆ ਜਾ ਰਿਹਾ ਹੈ। ਇਸ ਦੀ ਉਸ ਨੇ ਨਾ ਤਾਂ ਪੁਸ਼ਟੀ ਕੀਤੀ ਅਤੇ ਨਾ ਹੀ ਇਨਕਾਰ ਕੀਤਾ। ਉਹ ਵਰਤਮਾਨ ਵਿਚ ਆਈ.ਪੀ.ਐੱਲ ਵਿਚ ਸਨਰਾਈਜ਼ਰਜ਼ ਹੈਦਰਾਬਾਦ ਲਈ ਫੀਲਡਿੰਗ ਕੋਚ ਵਜੋਂ ਕੰਮ ਕਰ ਰਿਹਾ ਹੈ ਅਤੇ ਟੀ. ਐੱਨ. ਪੀ. ਐੱਲ. ਵਿਚ ਚੇਪੌਕ ਸੁਪਰ ਗਿਲੀਜ਼ ਦੇ ਮੁੱਖ ਕੋਚ ਵਜੋਂ ਇਕ ਸਫਲ ਟਰੈਕ ਰਿਕਾਰਡ ਰੱਖਦਾ ਹੈ।
ਮੌਜੂਦਾ ਚੋਣ ਕਮੇਟੀ ਦੇ ਤਿੰਨ ਮੈਂਬਰ ਹਨ ਜੋ ਆਪਣੀਆਂ ਨੌਕਰੀ ਲਈ ਦੁਬਾਰਾ ਅਰਜ਼ੀ ਦੇ ਸਕਦੇ ਹਨ, ਹਾਲਾਂਕਿ ਇਹ ਅਸਪਸ਼ਟ ਹੈ ਕਿ ਚੇਤਨ ਅਤੇ ਹਰਵਿੰਦਰ ਸਿੰਘ ਅਜਿਹਾ ਕਰਨਗੇ ਜਾਂ ਨਹੀਂ, ਸੁਨੀਲ ਜੋਸ਼ੀ ਦੇ ਅਹੁਦਾ ਛੱਡਣ ਦੀ ਉਮੀਦ ਹੈ। ਇਹ ਪੱਛਮੀ ਜ਼ੋਨ ਚੋਣਕਾਰ ਦੀ ਜਗ੍ਹਾ ਨੂੰ ਖਾਲੀ ਕਰ ਦੇਵੇਗਾ , ਜੋ ਪਿਛਲੇ ਸਾਲ ਦੇ ਅਖੀਰ ਵਿਚ ਅਬੇ ਕੁਰੂਵਿਲਾ ਦੇ ਕਾਰਜਕਾਲ ਦੀ ਮਿਆਦ ਖਤਮ ਹੋਣ ਤੋਂ ਬਾਅਦ ਖਾਲੀ ਹੈ।

ਇਹ ਖ਼ਬਰ ਵੀ ਪੜ੍ਹੋ - ਮੱਛਰ ਨੇ ਵਿਅਕਤੀ ਨੂੰ ਪਾਇਆ ਭੜਥੂ, ਹੋਏ 30 ਆਪ੍ਰੇਸ਼ਨ, 4 ਹਫ਼ਤੇ ਕੋਮਾ 'ਚ ਰਹਿਣ ਤੋਂ ਬਾਅਦ ਕੱਟਣੀਆਂ ਪਈਆਂ ਉਂਗਲਾਂ

ਇਸ ਦੌਰਾਨ ਪੂਰਬ ਤੋਂ ਚਰਚਾ ਵਿਚ ਰਹੇ ਦੋ ਹੋਰ ਨਾਵਾਂ ਦੀਪ ਦਾਸਗੁਪਤਾ ਅਤੇ ਲਕਸ਼ਮੀ ਰਤਨ ਸ਼ੁਕਲਾ ਨੇ ਕਿਹਾ ਹੈ ਕਿ ਉਨ੍ਹਾਂ ਨੇ ਅਰਜ਼ੀ ਨਹੀਂ ਦਿੱਤੀ ਹੈ। ਦੀਪ ਦਾਸਗੁਪਤਾ ਹੁਣ ਬ੍ਰਾਡਕਾਸਟਰ ਹਨ, ਜਦਕਿ ਸ਼ੁਕਲਾ ਬੰਗਾਲ ਟੀਮ ਦੇ ਮੁੱਖ ਕੋਚ ਹਨ, ਜਿਨ੍ਹਾਂ ਨੇ ਛੇ ਮਹੀਨੇ ਪਹਿਲਾਂ ਹੀ ਅਰੁਣ ਲਾਲ ਤੋਂ ਅਹੁਦਾ ਸੰਭਾਲਿਆ ਸੀ। ਨਵੇਂ ਬਿਨੈਕਾਰਾਂ 'ਚੋਂ, ਮੋਂਗੀਆ ਪਹਿਲਾਂ ਬੜੌਦਾ ਦੀ ਚੋਣ ਕਮੇਟੀ ਵਿਚ ਜੂਨੀਅਰ ਅਤੇ ਸੀਨੀਅਰ ਦੋਵਾਂ ਪੱਧਰਾਂ 'ਤੇ ਕੰਮ ਕਰ ਚੁੱਕੇ ਹਨ। ਉਹ 44 ਟੈਸਟ ਅਤੇ 140 ਵਨਡੇ ਖੇਡ ਚੁੱਕੇ ਹੋਰ ਤਜ਼ਰਬੇਕਾਰ ਉਮੀਦਵਾਰਾਂ 'ਚੋਂ ਇਕ ਹੈ।
ਮੁੰਬਈ ਦੇ ਸਮੀਰ ਦਿਘੇ ਅਤੇ ਸਲਿਲ ਅੰਕੋਲਾ ਦੇ ਨਾਲ-ਨਾਲ ਉੱਤਰ ਪ੍ਰਦੇਸ਼ ਦੇ ਗਿਆਨੇਂਦਰ ਪਾਂਡੇ ਅਤੇ ਪੰਜਾਬ ਦੇ ਰੀਤਇੰਦਰ ਸੋਢੀ ਨੇ ਇਸ ਅਹੁਦੇ ਲਈ ਦਿਲਚਸਪੀ ਦਿਖਾਈ ਹੈ। ਅਜੀਤ ਅਗਰਕਰ, ਪਿਛਲੇ ਦੌਰ ਦੇ ਕੁਝ ਉੱਚ-ਪ੍ਰੋਫਾਈਲ ਉਮੀਦਵਾਰਾਂ 'ਚੋਂ ਇਕ ਨੇ ਇਸ ਵਾਰ ਅਪਲਾਈ ਨਹੀਂ ਕੀਤਾ ਹੈ।

ਇਹ ਖ਼ਬਰ ਵੀ ਪੜ੍ਹੋ - ਕਰਜ਼ਾਈ ਪਿਓ ਦਾ ਰੂਹ ਕੰਬਾਊ ਕਾਰਾ ! ਰੋਟੀ ਲਈ ਨਹੀਂ ਸੀ ਪੈਸੇ ਤਾਂ 2 ਸਾਲਾ ਬੱਚੀ ਨੂੰ ਜ਼ੋਰ ਨਾਲ ਗਲੇ ਲਗਾ...

ਬੀ.ਸੀ.ਸੀ.ਆਈ. ਨੇ ਨਵੇਂ ਚੋਣ ਪੈਨਲ ਲਈ ਇਸ਼ਤਿਹਾਰ ਦਿੰਦੇ ਸਮੇਂ ਬਿਨੈਕਾਰਾਂ ਲਈ ਸੱਤ ਟੈਸਟ ਜਾਂ 30 ਪਹਿਲੀ ਸ਼੍ਰੇਣੀ ਮੈਚ, ਜਾਂ 10 ਵਨਡੇ ਅਤੇ 20 ਪਹਿਲੀ ਸ਼੍ਰੇਣੀ ਮੈਚਾਂ ਦਾ ਘੱਟੋ-ਘੱਟ ਯੋਗਤਾ ਪੱਧਰ ਨਿਰਧਾਰਤ ਕੀਤਾ ਸੀ। ਇਸ ਦੇ ਨਾਲ ਹੀ ਘੱਟੋ-ਘੱਟ ਪੰਜ ਸਾਲ ਪਹਿਲਾਂ ਸੇਵਾਮੁਕਤ ਹੋਣਾ ਚਾਹੀਦਾ ਹੈ ਅਤੇ ਉਮੀਦਵਾਰ ਦੀ ਉਮਰ 60 ਸਾਲ ਤੋਂ ਘੱਟ ਹੋਣੀ ਚਾਹੀਦੀ ਹੈ। ਜਦੋਂ ਕਮੇਟੀ ਬਣਾਈ ਜਾਵੇਗੀ, ਤਾਂ ਕਮੇਟੀ ਦੇ ਪੰਜ ਮੈਂਬਰ ਹੋਣਗੇ, ਹਰੇਕ ਜ਼ੋਨ ਤੋਂ ਇਕ।

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।