ਵਿਸ਼ਵ ਕੱਪ ਤੋਂ ਪਹਿਲਾਂ ਬੋਲੇ ਸਟੀਵ ਵਾ, ਸਾਰੀਆਂ ਟੀਮਾਂ ਆਸਟ੍ਰੇਲੀਆ ਤੋਂ ਰਹਿਣ ਸਾਵਧਾਨ

ਸਪੋਰਟ ਡੈਸਕ— ਪੂਰਵ ਕ੍ਰਿਕਟਰ ਸਟੀਵ ਵਾ ਦਾ ਮੰਨਣਾ ਹੈ ਕਿ ਸਟੀਵ ਸਮਿਥ ਤੇ ਡੇਵਿਡ ਵਾਰਨਰ ਦੀ ਵਾਪਸੀ ਨਾਲ ਆਸਟ੍ਰੇਲੀਆਈ ਟੀਮ ਮਜ਼ਬੂਤ ਹੋਵੇਗੀ ਤੇ ਸਾਰੀਆਂ ਟੀਮਾਂ ਵਿਸ਼ਵ ਕੱਪ 'ਚ ਉਸ ਤੋਂ ਸਾਵਧਾਨ ਰਹਿਣਗੀਆਂ। ਆਈ. ਸੀ. ਸੀ ਨੇ ਵਾ ਦੇ ਹਵਾਲੇ ਤੋਂ ਲਿੱਖਿਆ, ਸਾਰੀਆਂ ਟੀਮਾਂ ਆਸਟ੍ਰੇਲੀਆ ਤੋਂ ਸਾਵਧਾਨ ਰਹਿਣ। ਉਹ ਆਸਟ੍ਰੇਲੀਆਈ ਟੀਮ ਦੀ ਸਮਰਥਾ ਤੋਂ ਜਾਣੂ ਹਨ। ਪਿਛਲੇ 12 ਮਹੀਨੇ ਆਸਟ੍ਰੇਲਿਆਈ ਟੀਮ ਲਈ ਚੰਗਾ ਨਹੀਂ, ਪਰ ਇਹ ਹੁਣ ਬਿਤੀਆਂ ਹੋਈਆਂ ਗੱਲਾਂ ਹੋ ਗਈਆਂ ਹਨ। ਸਮਿਥ ਤੇ ਵਾਰਨਰ ਦੇ ਰੂਪ 'ਚ ਸਾਡੇ ਸੱਭ ਤੋਂ ਬਿਤਹਰੀਨ ਖਿਡਾਰੀ ਟੀਮ 'ਚ ਹੈ। ਪੰਜ ਵਾਰ ਦੀ ਚੈਂਪੀਅਨ ਆਸਟ੍ਰੇਲੀਆ ਭਾਰਤ ਦੌਰੇ 'ਤੇ ਇਕ ਸਮੇਂ 0-2 ਤੋਂ ਪਛੜ ਰਹੀ ਸੀ, ਪਰ ਬਾਅਦ 'ਚ ਉਸ ਨੇ ਜ਼ਬਰਦਸਤ ਵਾਪਸੀ ਕਰਕੇ 3-2 ਨਾਲ ਵਨ-ਡੇ ਸੀਰੀਜ਼ ਜਿੱਤ ਲਈ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਪਾਕਿਸਤਾਨ 'ਤੇ 5-0 ਨਾਲ ਕਲੀਨ ਸਵੀਪ ਹਾਸਲ ਕੀਤੀ।