ਸ਼੍ਰੀਹਰੀ ਨਟਰਾਜ 50 ਮੀਟਰ ਬੈਕਸਟ੍ਰੋਕ ਫਾਈਨਲ ਵਿੱਚ 10ਵੇਂ ਸਥਾਨ ''ਤੇ ਰਿਹਾ

ਟੋਕੀਓ- ਭਾਰਤੀ ਤੈਰਾਕ ਸ਼੍ਰੀਹਰੀ ਨਟਰਾਜ ਸੋਮਵਾਰ ਨੂੰ ਇੱਥੇ ਏਸ਼ੀਆਈ ਖੇਡਾਂ ਦੇ 50 ਮੀਟਰ ਬੈਕਸਟ੍ਰੋਕ ਫਾਈਨਲ ਵਿੱਚ 10ਵੇਂ ਸਥਾਨ 'ਤੇ ਰਿਹਾ। ਭਾਰਤੀ ਤੈਰਾਕਾਂ ਲਈ ਇਹ ਇੱਕ ਹੋਰ ਨਿਰਾਸ਼ਾਜਨਕ ਦਿਨ ਸੀ, ਜਿਨ੍ਹਾਂ ਵਿੱਚੋਂ ਜ਼ਿਆਦਾਤਰ ਹੀਟਸ (ਸ਼ੁਰੂਆਤੀ ਦੌਰ) ਤੋਂ ਅੱਗੇ ਵਧਣ ਵਿੱਚ ਅਸਫਲ ਰਹੇ। ਦੋ ਵਾਰ ਦੇ ਓਲੰਪੀਅਨ ਨਟਰਾਜ 25.52 ਸਕਿੰਟ ਦਾ ਸਮਾਂ ਕੱਢ ਕੇ ਫਾਈਨਲ ਵਿੱਚ ਆਖਰੀ ਸਥਾਨ 'ਤੇ ਰਹੇ। 
ਚੀਨ ਦੇ ਜੀਆਯੂ ਜ਼ੂ ਨੇ ਸੋਨ ਤਗਮਾ ਜਿੱਤਦੇ ਹੋਏ ਖੇਡਾਂ ਦਾ ਰਿਕਾਰਡ ਤੋੜਿਆ। ਉਸਨੇ 24.04 ਸਕਿੰਟ ਦਾ ਸਮਾਂ ਕੱਢਿਆ, ਜਿਸ ਨਾਲ ਜਾਪਾਨ ਦੇ ਜੂਨਿਆ ਕੋਗਾ ਦੇ 2014 ਇੰਚੀਓਨ ਏਸ਼ੀਆਈ ਖੇਡਾਂ ਵਿੱਚ ਬਣਾਏ 24.28 ਸਕਿੰਟ ਦੇ ਰਿਕਾਰਡ ਨੂੰ ਪਛਾੜ ਦਿੱਤਾ। ਨਟਰਾਜ ਨੇ ਪਹਿਲਾਂ ਹੀਟਸ ਵਿੱਚ 25.37 ਸਕਿੰਟ ਦਾ ਸਮਾਂ ਕੱਢਿਆ ਸੀ।