ਸ਼ਮੀ ਦੀ ਪਤਨੀ ਹਸੀਨ ਨੇ ਹੁਣ ਗਾਂਗੁਲੀ ਨੂੰ ਵੀ ਲਪੇਟਿਆ, ਕੀਤਾ ਇਹ ਵੱਡਾ ਖੁਲ੍ਹਾਸਾ

ਨਵੀਂ ਦਿੱਲੀ, (ਬਿਊਰੋ)— ਭਾਰਤੀ ਕ੍ਰਿਕਟ ਟੀਮ ਦੇ ਤੇਜ਼ ਗੇਂਦਬਾਜ਼ ਮੁਹੰਮਦ ਸ਼ਮੀ 'ਤੇ ਗੰਭੀਰ ਇਲਜ਼ਾਮ ਲਾਉਣੀ ਵਾਲੀ ਉਨ੍ਹਾਂ ਜੀ ਪਤਨੀ ਹਸੀਨ ਜਹਾਂ ਨੇ ਹੁਣ ਸਾਬਕਾ ਕਪਤਾਨ ਸੌਰਵ ਗਾਂਗੁਲੀ ਨੂੰ ਵੀ ਲਪੇਟਿਆ ਹੈ । ਹਸੀਨ ਜਹਾਂ ਨੇ ਇੱਕ ਇੰਟਰਵਿਊ ਵਿੱਚ ਦੱਸਿਆ ਹੈ ਕਿ ਤਲਾਕ ਵਾਲੀ ਗੱਲ ਉਨ੍ਹਾਂ ਨੇ ਸੌਰਵ ਗਾਂਗੁਲੀ ਨੂੰ ਵੀ ਦੱਸੀ ਸੀ । ਤੱਦ ਉਨ੍ਹਾਂ ਨੇ ਕਿਹਾ ਸੀ ਕਿ ਉਹ ਸ਼ਮੀ ਨਾਲ ਗੱਲ ਕਰਨਗੇ ਅਤੇ ਉਨ੍ਹਾਂ ਨੂੰ ਸਮਝਾਉਣਗੇ । ਹਸੀਨ ਜਹਾਂ ਦਾ ਇਲਜ਼ਾਮ ਹੈ ਕਿ ਕਈ ਦਿਨਾਂ ਬਾਅਦ ਵੀ ਗਾਂਗੁਲੀ ਦਾ ਫੋਨ ਨਹੀਂ ਆਇਆ । ਇੰਟਰਵਿਊ ਵਿੱਚ ਕਰਿਕਟਰ ਦੀ ਪਤਨੀ ਨੇ ਕਿਹਾ, ''ਸ਼ਮੀ ਹੀ ਮੇਰੀ ਪਿੱਛੇ ਪਏ ਸਨ । ਉਹ ਜ਼ਬਰਨ ਫਲੈਟ ਵਿੱਚ ਆ ਕੇ ਬੇਟੀਆਂ ਨਾਲ ਖੇਡਦੇ ਸਨ । ਤੱਦ ਇੱਕ ਦੌਰ ਅਜਿਹਾ ਵੀ ਆਇਆ ਜਦੋਂ ਸ਼ਮੀ ਇੱਕ-ਇੱਕ ਪੈਸੇ ਲਈ ਮੋਹਤਾਜ ਸੀ । ਉਹ ਮੇਰੇ ਪੈਸਿਆਂ 'ਤੇ ਪਲ ਰਿਹਾ ਸੀ।''

ਹਾਲ ਹੀ ਵਿੱਚ ਸ਼ਮੀ ਨੇ ਆਪਣੀ ਪਤਨੀ ਉੱਤੇ ਇਲਜ਼ਾਮ ਲਾਇਆ ਸੀ ਕਿ ਉਹ ਪਹਿਲਾਂ ਤੋਂ ਸ਼ਾਦੀਸ਼ੁਦਾ ਸੀ ਅਤੇ ਉਸ ਨੇ ਇਹ ਗੱਲ ਛੁਪਾਈ । ਉਥੇ ਹੀ ਹਸੀਨ ਨੇ ਪਹਿਲੇ ਵਿਆਹ ਤੋਂ ਇਨਕਾਰ ਕੀਤਾ ਹੈ । ਹਸੀਨ ਨੇ ਆਪਣੇ ਵਿਆਹ ਦਾ ਸਰਟੀਫਿਕੇਟ ਦਿਖਾ ਕੇ ਕਿਹਾ ਹੈ ਕਿ ਉਹ ਸ਼ਮੀ ਨਾਲ ਵਿਆਹ ਕਰਨ ਤੋਂ ਪਹਿਲਾਂ ਕੁਆਰੀ ਸੀ । ਦੋਨਾਂ ਨੇ 7 ਅਪ੍ਰੈਲ 2014 ਨੂੰ ਵਿਆਹ ਕੀਤਾ ਸੀ, ਪਰ 4 ਸਾਲ ਬਾਅਦ ਹਸੀਨ ਨੇ ਸ਼ਮੀ ਉੱਤੇ ਬੇਵਫਾਈ ਦੇ ਇਲਜ਼ਾਮ ਲਾਕੇ ਹੁਣ ਦੂਰੀਆਂ ਬਣਾ ਲਈਆਂ ਹਨ ।  

ਜਿਕਰਯੋਗ ਹੈ ਕਿ ਹਸੀਨ ਜਹਾਂ ਨੇ ਫੇਸਬੁੱਕ ਅਤੇ ਮੀਡੀਆ ਰਾਹੀਂ ਸ਼ਮੀ ਦੇ ਭਰਾ ਉੱਤੇ ਜਬਰਨ ਸੰਬੰਧ ਬਣਾਉਣ, ਸ਼ਮੀ ਦੇ ਹੋਰ ਲੜਕੀਆਂ ਨਾਲ ਸੰਬੰਧ ਰੱਖਣ ਅਤੇ ਜਾਨੋਂ ਮਾਰਨ ਦੇ ਸੰਗੀਨ ਇਲਜ਼ਾਮ ਲਾਏੇ ਹਨ ਅਤੇ ਕੋਲਕਾਤਾ ਵਿੱਚ ਐੱਫ.ਆਈ.ਆਰ. ਵੀ ਦਰਜ ਕਰਾਈ ਹੈ । ਸ਼ਮੀ ਅਤੇ ਉਨ੍ਹਾਂ ਦੀ ਪਤਨੀ ਵਿਚਾਲੇ ਹੁਣ ਸੁਲਹ ਦੀਆਂ ਉਮੀਦਾਂ ਘੱਟ ਹੁੰਦੀਆਂ ਨਜ਼ਰ ਆ ਰਹੀਆਂ ਹਨ ।