ਵਿਜੇਂਦਰ ਦੀ ਜਿੱਤ ''ਤੇ ਸਹਿਵਾਗ ਦੀ ਵਧਾਈ, ਪ੍ਰਸ਼ੰਸਕਾਂ ਨੇ ਕੁਝ ਇਸ ਤਰ੍ਹਾਂ ਉਡਾਇਆ ਚੀਨ ਦਾ ਮਜ਼ਾਕ

ਨਵੀਂ ਦਿੱਲੀ— ਭਾਰਤੀ ਮੁੱਕੇਬਾਜ਼ ਵਿਜੇਂਦਰ ਸਿੰਘ ਨੇ ਪ੍ਰੋ-ਬਾਕਸਿੰਗ ਦੇ ਮੁਕਾਬਲੇ ਵਿੱਚ ਸ਼ਨੀਵਾਰ ਰਾਤ ਚੀਨ ਦੇ ਮੁੱਕੇਬਾਜ਼ ਜੁਲਪਿਕਾਰ ਮੈਮਾਤਾਲੀ ਨੂੰ ਹਰਾ ਦਿੱਤਾ। ਮੁੰਬਈ ਵਿੱਚ ਹੋਏ ਇਸ ਮੁਕਾਬਲੇ ਨੂੰ ਜਿੱਤ ਕੇ ਵਿਜੇਂਦਰ ਨੇ ਦੋ ਟਾਈਟਲ ਆਪਣੇ ਨਾਮ ਕੀਤੇ। ਉਨ੍ਹਾਂਨੇ WBO ਏਸ਼ੀਆ ਪੈਸਿਫਿਕ ਸੁਪਰ ਮਿਡਿਲਵੇਟ ਦਾ ਆਪਣਾ ਟਾਇਟਲ ਤਾਂ ਬਰਕਰਾਰ ਰੱਖਿਆ, ਨਾਲ ਹੀ ਚੀਨੀ ਮੁੱਕੇਬਾਜ਼ ਤੋਂ W2BO ਓਰੀਐਂਟਲ ਸੁਪਰ ਮਿਡਿਲਵੇਟ ਦਾ ਟਾਈਟਲ ਵੀ ਖੌਹ ਲਿਆ।
ਸਹਿਵਾਗ ਨੇ ਖਾਸ ਅੰਦਾਜ਼ ਵਿੱਚ ਦਿੱਤੀ ਵਧਾਈ

ਭਾਰਤ ਦੇ ਸਾਬਕਾ ਧਮਾਕੇਦਾਰ ਬੱਲੇਬਾਜ਼ ਵਰਿੰਦਰ ਸਹਿਵਾਗ ਨੇ ਇਸ ਮੁਕਾਬਲੇ ਵਿਚ ਜਿੱਤ ਦੇ ਬਾਅਦ ਵਿਜੇਂਦਰ ਨੂੰ ਖਾਸ ਅੰਦਾਜ਼ ਵਿੱਚ ਵਧਾਈ ਦਿੱਤੀ। ਉਨ੍ਹਾਂ ਨੇ ਆਪਣੇ ਟਵਿੱਟਰ ਅਕਾਊਂਟ ਉੱਤੇ ਲਿਖਿਆ, ''ਮੁਕਾਬਲਾ ਔਖਾ ਰਿਹਾ, ਪਰ ਵਿਜੇਂਦਰ ਜਿੱਤ ਲਈ ਤੁਹਾਨੂੰ ਵਧਾਈ। ਇਸ ਫਾਇਟ ਨੂੰ ਵੇਖਦੇ ਹੋਏ ਮੈਂ ਹੱਕਾ ਨੂਡਲਸ ਦਾ ਆਨੰਦ ਲਿਆ ਲਿਆ। ਉਥੇ ਹੀ ਤੁਸੀਂ ਚਾਇਨੀਜ਼ ਦਾ ਹੱਕਾ-ਬੱਕਾ ਕਰ ਦਿੱਤਾ।''
ਸਹਿਵਾਗ ਦੇ ਇਲਾਵਾ ਵੀ ਹਜ਼ਾਰਾਂ ਭਾਰਤੀ ਫੈਂਸ ਨੇ ਵਿਜੇਂਦਰ ਦੀ ਜਿੱਤ ਨੂੰ ਸੋਸ਼ਲ ਮੀਡੀਆ ਉੱਤੇ ਸੈਲੀਬਰੇਟ ਕੀਤਾ ਅਤੇ ਉਨ੍ਹਾਂ ਨੂੰ ਲੈ ਕੇ ਮੈਸੇਜ਼ ਕੀਤੇ। ਇਸ ਮੌਕੇ ਉੱਤੇ ਫੈਂਸ ਨੇ ਚੀਨੀ ਮੁੱਕੇਬਾਜ਼, ਚੀਨ ਦਾ ਸਾਮਾਨ ਅਤੇ ਚੀਨ ਦੀਆਂ ਧਮਕੀਆਂ ਦਾ ਮਜ਼ਾਕ ਵੀ ਉਡਾਇਆ।
ਦੱਸ ਦਈਏ ਕਿ ਡੋਕਲਾਮ ਵਿਵਾਦ ਨੂੰ ਲੈ ਕੇ ਪਿਛਲੇ ਕਈ ਦਿਨਾਂ ਤੋਂ ਭਾਰਤ ਅਤੇ ਚੀਨ ਦਰਮਿਆਨ ਤਨਾਅ ਦੇ ਹਾਲਾਤ ਹਨ, ਅਜਿਹੇ ਵਿੱਚ ਵਿਜੇਂਦਰ ਦੀ ਜਿੱਤ ਨੇ ਭਾਰਤੀਆਂ ਨੂੰ ਆਪਣਾ ਜੋਸ਼ ਵਿਖਾਉਣ ਦਾ ਮੌਕਾ ਦੇ ਦਿੱਤਾ।