ਸਲਾਹ ਦੇ ਗੋਲ ਦੀ ਬਦੌਲਤ ਮਿਸਰ ਨੇ ਜ਼ਿੰਬਾਬਵੇ ਨੂੰ ਹਰਾਇਆ

ਰਬਾਤ (ਮੋਰੱਕੋ)— ਸਟਾਰ ਸਟ੍ਰਾਈਕਰ ਮੁਹੰਮਦ ਸਲਾਹ ਦੀ ਮਦਦ ਮਿਸਰ ਨੇ ਜ਼ਿੰਬਾਬਵੇ ਨੂੰ 2-1 ਨਾਲ ਹਰਾ ਕੇ ਅਫਰੀਕਾ ਕੱਪ ਆਫ ਨੇਸ਼ਨਜ਼ ਫੁੱਟਬਾਲ ਟੂਰਨਾਮੈਂਟ ਦੀ ਜਿੱਤ ਨਾਲ ਸ਼ੁਰੂਆਤ ਕਰਨ ਵਿੱਚ ਮਦਦ ਕੀਤੀ। ਦੁਨੀਆ ਦੇ 129ਵੇਂ ਨੰਬਰ ਦੇ ਜ਼ਿੰਬਾਬਵੇ ਨੇ ਇੱਕ ਸਖ਼ਤ ਚੁਣੌਤੀ ਪੇਸ਼ ਕੀਤੀ ਅਤੇ ਇੱਕ ਸਮੇਂ ਮੈਚ ਡਰਾਅ ਹੋਣ ਦੇ ਨੇੜੇ ਪਹੁੰਚ ਗਿਆ। 

ਸਲਾਹ ਦੇ ਇੰਜਰੀ-ਟਾਈਮ ਗੋਲ ਨੇ ਮਿਸਰ ਨੂੰ ਜਿੱਤ ਦਿਵਾਈ। ਇੱਕ ਹੋਰ ਮੈਚ ਵਿੱਚ, ਦੱਖਣੀ ਅਫਰੀਕਾ ਨੇ ਅੰਗੋਲਾ ਨੂੰ 2-1 ਨਾਲ ਹਰਾਇਆ, ਜੋ ਪਿਛਲੇ ਛੇ ਮੈਚਾਂ ਵਿੱਚ ਦੱਖਣੀ ਅਫਰੀਕਾ ਦੀ ਅੰਗੋਲਾ 'ਤੇ ਪਹਿਲੀ ਜਿੱਤ ਸੀ। ਕਾਸਾਬਲਾਂਕਾ ਵਿੱਚ ਖੇਡੇ ਗਏ ਇੱਕ ਹੋਰ ਮੈਚ ਵਿੱਚ, ਪੈਟਸਨ ਡਾਕਾ ਨੇ ਸਟਾਪੇਜ ਟਾਈਮ ਵਿੱਚ ਗੋਲ ਕਰਕੇ ਜ਼ੈਂਬੀਆ ਨੂੰ ਮਾਲੀ ਵਿਰੁੱਧ 1-1 ਨਾਲ ਡਰਾਅ ਦਿਵਾਇਆ। ਮੇਜ਼ਬਾਨ ਦੇਸ਼ ਮੋਰੋਕੋ ਨੇ ਐਤਵਾਰ ਨੂੰ ਕੋਮੋਰੋਸ 'ਤੇ 2-0 ਨਾਲ ਜਿੱਤ ਦਰਜ ਕੀਤੀ ਸੀ।