ਰੋਹਿਤ ਸ਼ਰਮਾ ਨੂੰ ਲੈ ਕੇ ਆਈ ਖੁਸ਼ੀ ਦੀ ਖਬਰ, ਚੀਫ ਸਿਲੈਕਟਰ ਨੇ ਦਿੱਤਾ ਵੱਡਾ ਬਿਆਨ

ਸਪੋਰਸਟ ਡੈਸਕ— ਵੈਸਟਇੰਡੀਜ਼ ਦੌਰੇ 'ਤੇ ਟੀਮ 'ਚ ਹੋਣ ਦੇ ਬਾਵਜੂਦ ਰੋਹਿਤ ਸ਼ਰਮਾ ਨੂੰ ਪਲੇਇੰਗ 11 'ਚ ਜਗ੍ਹਾ ਨਾ ਮਿਲਣ ਤੋਂ ਬਾਅਦ ਸੋਸ਼ਲ ਮੀਡੀਆ 'ਤੇ ਕ੍ਰਿਕਟ ਫੈਨਜ਼ ਨੇ ਟੀਮ ਕਪਤਾਨ ਅਤੇ ਬੀ. ਸੀ. ਸੀ. ਆਈ 'ਤੇ ਕਾਫੀ ਗੁੱਸਾ ਕੱਢਿਆ ਸੀ। ਹੁਣ ਬੀ. ਸੀ. ਸੀ. ਆਈ. ਨੇ ਸੋਚ ਵਿਚਾਰ ਕਰਦੇ ਹੋਏ ਰੋਹਿਤ ਨੂੰ ਅਗਲੀ ਦੱਖਣੀ ਅਫਰੀਕਾ ਟੈਸਟ ਸੀਰੀਜ਼ 'ਚ ਮੌਕਾ ਦੇਣ ਦੀ ਗੱਲ ਕਹੀ ਹੈ। ਬੀ. ਸੀ. ਸੀ. ਆਈ. ਦੇ ਚੀਫ ਸਿਲੈਕਟਰ ਐੱਮ. ਐੱਸ. ਕੇ ਪ੍ਰਸਾਦ ਨੇ ਕਿਹਾ ਕਿ ਵੈਸਟਇੰਡੀਜ਼ ਖਿਲਾਫ ਟੈਸਟ ਸੀਰੀਜ਼ 'ਚ ਭਾਰਤੀ ਟੀਮ ਦੀ ਓਪਨਿੰਗ ਜੋੜੀ ਕੁਝ ਖਾਸ ਕਮਾਲ ਨਹੀਂ ਕਰ ਪਾ ਰਹੀ। ਅਸੀਂ ਅਜੇ ਟੈਸਟ ਦੇ ਦੌਰ 'ਚੋਂ ਗੁਜਰ ਰਹੇ ਹਾਂ। ਅਜਿਹੇ 'ਚ ਹੁਣ ਰੋਹਿਤ ਸ਼ਰਮਾ ਤੋਂ ਵੀ ਓਪਨਿੰਗ ਕਰਵਾਈ ਜਾ ਸਕਦੀ ਹੈ।

ਪ੍ਰਸਾਦ ਦਾ ਕਹਿਣਾ ਹੈ ਕਿ ਜਦੋਂ ਤੋਂ ਵੈਸਟਵਿੰਡੀਜ਼ ਦੌਰਾ ਖਤਮ ਹੋਇਆ ਹੈ, ਟੀਮ ਦੀ ਓਪਨਿੰਗ ਨੂੰ ਲੈ ਕੇ ਕਈ ਗੱਲਾਂ ਬਾਹਰ ਆਈਆਂ ਹਨ। ਯਕਿਨੀ ਤੌਰ 'ਤੇ ਬੋਰਡ ਦੀ ਅਗਲੀ ਮੀਟਿੰਗ 'ਚ ਅਸੀਂ ਇਸ 'ਤੇ ਵਿਚਾਰ ਕਰਾਂਗੇ। ਜੇਕਰ ਗੱਲ ਬਦਲਾਅ ਦੀ ਹੈ ਤਾਂ ਅਸੀਂ ਇਸ ਦੇ ਲਈ ਵੀ ਵਿਚਾਰ ਕਰਾਂਗੇ। ਪ੍ਰਸਾਦ ਨੇ ਇਸ ਦੇ ਨਾਲ ਹੀ ਕੇ. ਐੱਲ. ਰਾਹੁਲ ਦੇ ਖ਼ਰਾਬ ਪ੍ਰਦਰਸ਼ਨ 'ਤੇ ਚੁੱਪੀ ਤੋੜਦੇ ਹੋਏ ਕਿਹਾ ਕਿ ਰਾਹੁਲ ਅਜਿਹੇ ਖਿਡਾਰੀ ਹਨ ਜਿਨ੍ਹਾਂ ਦੇ ਅੰਦਰ ਕਾਫੀ ਹੁਨਰ ਭਰਿਆ ਪਿਆ ਹੈ। ਫਿਲਹਾਲ ਉਨ੍ਹਾਂ ਨੂੰ ਕ੍ਰੀਜ਼ 'ਤੇ ਹੋਰ ਜ਼ਿਆਦਾ ਸਮਾਂ ਗੁਜ਼ਾਰਨ ਦੀ ਜ਼ਰੂਰਤ ਹੈ। ਟੈਸਟ ਫਾਰਮੈਟ 'ਚ ਉਨ੍ਹਾਂ ਦੀ ਫ਼ਾਰਮ ਤੋਂ ਅਸੀਂ ਵੀ ਪ੍ਰੇਸ਼ਾਨ ਹਾਂ।

ਦੱਸ ਦੇਈਏ ਕਿ ਕਰੀਬ ਡੇਢ ਸਾਲ ਤੋਂ ਟੈਸਟ ਕ੍ਰਿਕਟ 'ਚ ਕੇ. ਐੱਲ. ਰਾਹੁਲ ਖਰਾਬ ਪ੍ਰਦਰਸ਼ਨ ਕਰਦੇ ਨਜ਼ਰ ਆ ਰਹੇ ਹਨ। ਆਈ. ਪੀ. ਐੱਲ. ਅਤੇ ਕ੍ਰਿਕਟ ਵਰਲਡ ਕੱਪ ਦੌਰਾਨ ਉਨ੍ਹਾਂ ਦਾ ਪ੍ਰਦਰਸ਼ਨ ਚੰਗਾ ਰਿਹਾ ਸੀ। ਪਰ ਇੰਗਲੈਂਡ ਅਤੇ ਆਸਟੇਰਲੀਆ 'ਚ ਖੇਡੀ ਗਈ ਟੈਸਟ ਸੀਰੀਜ਼ 'ਚ ਉਹ ਕੁਝ ਖਾਸ ਪ੍ਰਭਾਵਿਤ ਨਹੀਂ ਕਰ ਸਕੇ ਸਨ। 2018 ਤੋਂ ਬਾਅਦ ਤੋਂ ਹੁਣ ਤਕ ਰਾਹੁਲ 12 ਟੈਸਟ 'ਚ ਕਰੀਬ 22 ਦੀ ਔਸਤ ਨਾਲ ਦੌੜਾਂ ਬਣਾਈਆਂ ਹਨ ਜੋ ਕਿ ਕਿਸੇ ਵੀ ਸਲਾਮੀ ਬੱਲੇਬਾਜ਼ ਦੇ ਲਿਹਾਜ਼ ਨਾਲ ਬੇਹੱਦ ਘੱਟ ਹਨ। ਉਥੇ ਹੀ ਕੇ. ਐੱਲ. ਰਾਹੁਲ ਦੀ ਜਗ੍ਹਾ ਓਪਨਿੰਗ ਦੇ ਦਾਅਵੇਦਾਰ ਮੰਨੇ ਜਾ ਰਹੇ ਰੋਹਿਤ ਪਿਛਲੀ 18 ਟੈਸਟ ਪਾਰੀਆਂ 'ਚ 53 ਦੀ ਔਸਤ ਨਾਲ 689 ਦੌੜਾਂ ਬਣਾ ਚੁੱਕੇ ਹਨ ਜੋ ਕਿ ਕੇ. ਐੱਲ. ਰਾਹੁਲ ਤੋਂ ਕਾਫੀ ਚੰਗਾ ਰਿਕਾਰਡ ਹੈ।​​​​​​​