ਸੀਏਟ ਕ੍ਰਿਕਟ ਸਨਮਾਨ ਸਮਾਰੋਹ ’ਚ ਛਾਏ ਰੋਹਿਤ ਸ਼ਰਮਾ ਤੇ ਰਾਹੁਲ ਦ੍ਰਾਵਿੜ

ਮੁੰਬਈ–ਭਾਰਤੀ ਕ੍ਰਿਕਟ ਕਪਤਾਨ ਰੋਹਿਤ ਸ਼ਰਮਾ ਨੂੰ ਬੁੱਧਵਾਰ ਨੂੰ ਇੱਥੇ ਆਯੋਜਿਤ ‘ਸੀਏਟ ਕ੍ਰਿਕਟ ਰੇਟਿੰਗ ਐਵਾਰਡ 2023-24’ ਵਿਚ ‘ਮੈਨਸ ਇੰਟਰਨੈਸ਼ਨਲ ਕ੍ਰਿਕਟ ਆਫ ਦਿ ਯੀਅਰ’ ਚੁਣਿਆ ਗਿਆ, ਉੱਥੇ ਹੀ, ਸਾਬਕਾ ਹੈੱਡ ਕੋਚ ਰਾਹੁਲ ਦ੍ਰਾਵਿੜ ਨੂੰ ‘ਲਾਈਫ ਟਾਈਮ ਅਚੀਵਮੈਂਟ ਸਨਮਾਨ’ ਨਾਲ ਨਵਾਜਿਆ ਗਿਆ। ਭਾਰਤੀ ਬੱਲੇਬਾਜ਼ ਵਿਰਾਟ ਕੋਹਲੀ ਨੂੰ ਇਸ ਸਮਾਰੋਹ ’ਚ ‘ਮੈਨਸ ਓ. ਡੀ. ਆਈ. ਬੈਟਰ ਆਫ ਦਿ ਯੀਅਰ’ ਚੁਣਿਆ ਗਿਆ, ਉੱਥੇ ਹੀ, 2023 ਦੇ ਕ੍ਰਿਕਟ ਵਿਸ਼ਵ ਕੱਪ ਵਿਚ ਸਭ ਤੋਂ ਵੱਧ ਵਿਕਟਾਂ ਲੈਣ ਵਾਲੇ ਮੁਹੰਮਦ ਸ਼ੰਮੀ ਨੂੰ ‘ਓ. ਡੀ. ਆਈ. ਬਾਲਰ ਆਫ ਦਿ ਯੀਅਰ’ ਐਲਾਨ ਕੀਤਾ ਗਿਆ।
ਇਸ ਸਮਾਰੋਹ ਵਿਚ ਯਸ਼ਸਵੀ ਜਾਇਸਵਾਲ ਨੂੰ ‘ਮੈਨਸ ਟੈਸਟ ਬੈਟਰ ਆਫ ਦਿ ਯੀਅਰ’ ਅਤੇ ਆਰ. ਅਸ਼ਵਿਨ ਨੂੰ ‘ਮੈਨਸ ਟੈਸਟ ਬਾਲਰ ਆਫ ਦਿ ਯੀਅਰ’ ਐਲਾਨ ਕੀਤਾ ਗਿਆ।