ਬੋਪੰਨਾ-ਸ਼ਰਨ ਦੂਜਾ ਦਰਜਾ ਪ੍ਰਾਪਤ ਜੋੜੀ ਨੂੰ ਹਰਾ ਕੇ ਕੁਆਰਟਰ ਫਾਈਨਲ ’ਚ

ਹਾਲੇ, (ਭਾਸ਼ਾ)— ਭਾਰਤੀ ਟੈਨਿਸ ਖਿਡਾਰੀ ਰੋਹਨ ਬੋਪੰਨਾ ਤੇ ਦਿਵਿਜ ਸ਼ਰਨ ਦੀ ਜੋੜੀ ਨੇ ਬੁੱਧਵਾਰ ਨੂੰ ਇੱਥੇ ਲੁਕਾਸ ਕੁਬੋਟ ਤੇ ਐਡੋਆਰਡ ਰੋਜਰ ਵਾਸੇਲਿਨ ਦੀ ਦੂਜਾ ਦਰਜਾ ਪ੍ਰਾਪਤ ਜੋੜੀ ਨੂੰ ਹਰਾ ਕੇ ਨੋਵੇਂਟੀ ਓਪਨ ਦੇ ਕੁਆਰਟਰ ਫ਼ਾਈਨਲ ’ਚ ਪ੍ਰਵੇਸ਼ ਕੀਤਾ। 

ਬੋਪੰਨਾ ਤੇ ਸ਼ਰਨ ਨੇ ਯੂਰੋ ਟੂਰਨਾਮੈਂਟ ਦੇ ਡਬਲਜ਼ ਮੁਕਾਬਲੇ ’ਚ ਪੋਲੈਂਡ ਤੇ ਫ਼੍ਰਾਂਸ ਦੀ ਖਿਡਾਰੀ ਜੋੜੀ ਨੂੰ 7-6, 6-4 ਨਾਲ ਹਰਾਇਆ। ਬੋਪੰਨਾ ਤੇ ਸ਼ਰਨ ਬਤੌਰ ਟੀਮ ਟੋਕੀਓ ਓਲੰਪਕ ਲਈ ਕਟ ਹਾਸਲ ਕਰਨ ਦਾ ਇੰਤਜ਼ਾਰ ਕਰ ਰਹੇ ਹਨ। ਟੋਕੀਓ ਓਲੰਪਕ ਲਈ ਪ੍ਰਵੇਸ਼ ਦੀ ਕਟ ਆਫ਼ ਤਾਰੀਖ਼ 14 ਜੂਨ ਨੂੰ ਉਨ੍ਹਾਂ ਦੀ ਰੈਂਕਿੰਗ 113 ਸੀ ਜਿਸ ਨਾਲ ਉਨ੍ਹਾਂ ਨੂੰ ਕਈ ਦੇਸ਼ਾਂ ਦੇ ਖਿਡਾਰੀਆਂ ਦੇ ਹਟਣ ਦਾ ਇੰਤਜ਼ਾਰ ਕਰਨਾ ਹੋਵੇਗਾ।