ਰਣਜੀ ਟਰਾਫੀ : ਸ਼ਾਸ਼ਵਤ ਤੇ ਸੋਲੰਕੀ ਦੇ ਸੈਂਕੜੇ, ਮੁੰਬਈ ਨੂੰ ਪਹਿਲੀ ਪਾਰੀ ''ਚ ਬੜ੍ਹਤ

ਮੁੰਬਈ— ਸ਼ਾਸ਼ਵਤ ਰਾਵਤ ਅਤੇ ਕਪਤਾਨ ਵਿਸ਼ਨੂੰ ਸੋਲੰਕੀ ਦੇ ਸੈਂਕੜੇ ਦੇ ਬਾਵਜੂਦ ਬੜੌਦਾ ਐਤਵਾਰ ਨੂੰ ਇੱਥੇ ਮੁੰਬਈ ਖਿਲਾਫ ਰਣਜੀ ਟਰਾਫੀ ਦੇ ਕੁਆਰਟਰ ਫਾਈਨਲ ਮੈਚ 'ਚ ਪਹਿਲੀ ਪਾਰੀ ਦੀ ਬੜ੍ਹਤ ਹਾਸਲ ਕਰਨ 'ਚ ਨਾਕਾਮ ਰਿਹਾ। ਬੜੌਦਾ ਨੇ ਤੀਜੇ ਦਿਨ ਦੀ ਖੇਡ ਦੀ ਸਵੇਰ ਨੂੰ ਦੋ ਵਿਕਟਾਂ 'ਤੇ 127 ਦੌੜਾਂ 'ਤੇ ਆਪਣੀ ਪਾਰੀ ਨੂੰ ਅੱਗੇ ਵਧਾਇਆ।

ਕੱਲ੍ਹ ਦੇ ਅਜੇਤੂ ਬੱਲੇਬਾਜ਼ ਸ਼ਾਸ਼ਵਤ (124) ਅਤੇ ਸੋਲੰਕੀ (136) ਨੇ ਨਾ ਸਿਰਫ਼ ਸੈਂਕੜੇ ਜੜੇ ਸਗੋਂ ਤੀਜੇ ਵਿਕਟ ਲਈ 174 ਦੌੜਾਂ ਦੀ ਮਜ਼ਬੂਤ ਸਾਂਝੇਦਾਰੀ ਵੀ ਕੀਤੀ। ਹਾਲਾਂਕਿ, ਬੜੌਦਾ ਨੇ 91 ਦੌੜਾਂ 'ਤੇ ਆਪਣੀਆਂ ਆਖਰੀ ਅੱਠ ਵਿਕਟਾਂ ਗੁਆ ਦਿੱਤੀਆਂ ਅਤੇ ਮੁੰਬਈ ਦੀਆਂ 384 ਦੌੜਾਂ ਦੇ ਜਵਾਬ ਵਿਚ 348 ਦੌੜਾਂ 'ਤੇ ਆਊਟ ਹੋ ਗਈ।

ਮੁੰਬਈ ਲਈ ਸ਼ਮਸ਼ ਮੁਲਾਨੀ ਨੇ 121 ਦੌੜਾਂ ਦੇ ਕੇ ਚਾਰ ਵਿਕਟਾਂ ਲਈਆਂ। ਉਨ੍ਹਾਂ ਤੋਂ ਇਲਾਵਾ ਤੁਸ਼ਾਰ ਦੇਸ਼ਪਾਂਡੇ ਅਤੇ ਤਨੁਸ਼ ਕੋਟੀਅਨ ਨੇ ਦੋ-ਦੋ ਵਿਕਟਾਂ ਲਈਆਂ। ਤੀਜੇ ਦਿਨ ਦੀ ਖੇਡ ਖਤਮ ਹੋਣ ਤੱਕ ਮੁੰਬਈ ਨੇ ਆਪਣੀ ਦੂਜੀ ਪਾਰੀ 'ਚ ਇਕ ਵਿਕਟ 'ਤੇ 21 ਦੌੜਾਂ ਬਣਾ ਲਈਆਂ ਸਨ ਅਤੇ ਇਸ ਤਰ੍ਹਾਂ ਉਸ ਦੀ ਕੁੱਲ ਬੜ੍ਹਤ 57 ਦੌੜਾਂ ਹੋ ਗਈ ਹੈ। ਸਟੰਪ ਨੂੰ ਉਖਾੜਨ ਦੇ ਸਮੇਂ ਹਾਰਦਿਕ ਤਾਮੋਰ 12 ਅਤੇ ਮੋਹਿਤ ਅਵਸਥੀ ਤਿੰਨ ਦੌੜਾਂ ਬਣਾ ਕੇ ਖੇਡ ਰਹੇ ਸਨ।