ਪ੍ਰੋ ਕਬੱਡੀ ਲੀਗ : ਪੁਣੇਰੀ ਦੀ ਵਾਪਸੀ, ਦਬੰਗ ਦਿੱਲੀ ਨੂੰ ਹਰਾਇਆ

ਪਟਨਾ— ਪੁਣੇਰੀ ਪਲਟਨ ਨੇ ਗੁਜਰਾਤ ਫਾਰਚਿਊਨ ਜਾਇੰਟਸ ਤੋਂ ਮਿਲੀ ਹਾਰ ਤੋਂ ਬਾਅਦ ਸ਼ਾਨਦਾਰ ਵਾਪਸੀ ਕਰਦੇ ਹੋਏ ਦਬੰਗ ਦਿੱਲੀ ਨੂੰ ਬੁੱਧਵਾਰ ਪ੍ਰੋ ਕਬੱਡੀ ਲੀਗ ਦੇ 6ਵੇਂ ਸੀਜ਼ਨ 'ਚ 31-27 ਨਾਲ ਹਰਾ ਦਿੱਤਾ। ਇਸ ਮੁਕਾਬਲੇ 'ਚ ਪੁਣੇ ਨੇ ਪਹਿਲੇ ਹਾਫ 'ਚ 22-15 ਦੀ ਬੜ੍ਹਤ ਬਣਾ ਲਈ ਸੀ ਪਰ ਦਿੱਲੀ ਨੇ ਦੂਜੇ ਹਾਫ 'ਚ ਪੁਣੇ ਨੂੰ ਸਖਤ ਚੁਣੌਤੀ ਦਿੱਤੀ। ਮੁਕਾਬਲੇ 'ਚ 2 ਮਿੰਟ ਰਹਿੰਦੇ ਪੁਣੇ 30-25 ਨਾਲ ਅੱਗੇ ਸੀ। ਪੁਣੇ ਨੇ ਆਖਰ 'ਚ ਮੈਚ 31-27 ਨਾਲ ਜਿੱਤ ਲਿਆ।
ਪੁਣੇ ਦੀ 12 ਮੈਚਾਂ 'ਚ ਇਹ 6ਵੀਂ ਜਿੱਤ ਹੈ ਤੇ ਉਸਦੇ 37 ਅੰਕ ਹੋ ਗਏ ਹਨ। ਦੂਜੇ ਪਾਸੇ ਦਿੱਲੀ ਨੂੰ 6 ਮੈਚਾਂ 'ਚ ਤੀਜੀ ਹਾਰ ਦਾ ਸਾਹਮਣਾ ਕਰਨਾ ਪਿਆ ਤੇ ਉਸਦੇ 16 ਅੰਕ ਹਨ। ਪੁਣੇ ਦੇ ਲਈ ਜੀ. ਬੀ. ਮੋਰੇ ਨੇ 5, ਦੀਪਕ ਕੁਮਾਰ ਨੇ 4, ਸੰਦੀਪ ਨਰਵਾਲ ਨੇ 4 ਤੇ ਰਿੰਕੂ ਨਰਵਾਲ ਨੇ 4 ਅੰਕ ਹਾਸਲ ਕੀਤੇ। ਦਿੱਲੀ ਟੀਮ ਵਲੋਂ ਨਵੀਨ ਕੁਮਾਰ ਨੇ 7, ਜੋਗਿੰਦਰ ਨਰਵਾਲ ਨੇ 4 ਤੇ ਚੰਦਰਨ ਰੰਜੀਤ ਨੇ 3 ਅੰਕ ਹਾਸਲ ਕੀਤੇ।