25ਵੇਂ ਜਨਮਦਿਨ ''ਤੇ ਪ੍ਰਿਥਵੀ ਸ਼ਾਅ ਦਾ ਕ੍ਰੇਜ਼ੀ ਡਾਂਸ ਵੀਡੀਓ ਇੰਟਰਨੈੱਟ ''ਤੇ ਵਾਇਰਲ, ਤੁਸੀਂ ਵੀ ਦੇਖੋ

ਸਪੋਰਟਸ ਡੈਸਕ : ਭਾਰਤੀ ਬੱਲੇਬਾਜ਼ ਪ੍ਰਿਥਵੀ ਸ਼ਾਅ ਇਸ ਸਾਲ 9 ਨਵੰਬਰ ਨੂੰ 25 ਸਾਲ ਦੇ ਹੋ ਗਏ ਹਨ ਅਤੇ ਇਸ ਦੌਰਾਨ ਉਨ੍ਹਾਂ ਦਾ ਇਕ ਡਾਂਸ ਵੀਡੀਓ ਵਾਇਰਲ ਹੋ ਰਿਹਾ ਹੈ। ਇਹ ਦਿਨ ਉਸ ਲਈ ਹੋਰ ਵੀ ਖਾਸ ਹੋ ਗਿਆ ਕਿਉਂਕਿ ਉਹ 23 ਨਵੰਬਰ ਤੋਂ 15 ਦਸੰਬਰ ਤੱਕ ਹੋਣ ਵਾਲੀ ਸਈਅਦ ਮੁਸ਼ਤਾਕ ਅਲੀ ਟਰਾਫੀ ਲਈ ਮੁੰਬਈ ਦੇ 28 ਸੰਭਾਵਿਤ ਖਿਡਾਰੀਆਂ ਦੀ ਸੂਚੀ ਵਿੱਚ ਸ਼ਾਮਲ ਹੋ ਗਿਆ ਹੈ।

ਵਾਇਰਲ ਕਲਿੱਪ 'ਚ ਨੌਜਵਾਨ ਭਾਰਤੀ ਬੱਲੇਬਾਜ਼ ਨੂੰ ਡਾਂਸ ਕਰਦੇ ਅਤੇ ਪਾਰਟੀ ਦਾ ਆਨੰਦ ਲੈਂਦੇ ਦੇਖਿਆ ਜਾ ਸਕਦਾ ਹੈ। ਸ਼ਾਅ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ 'ਤੇ ਵੀਡੀਓ ਸ਼ੇਅਰ ਕੀਤੀ ਹੈ। 25 ਸਾਲਾ ਸ਼ਾਅ, ਜਿਸ ਨੇ ਛੇ ਸਾਲ ਪਹਿਲਾਂ ਆਪਣਾ ਅੰਤਰਰਾਸ਼ਟਰੀ ਡੈਬਿਊ ਕਰਨ ਤੋਂ ਬਾਅਦ ਭਾਰਤ ਲਈ ਪੰਜ ਟੈਸਟ, ਛੇ ਵਨਡੇ ਅਤੇ ਇੱਕ ਟੀ-20 ਖੇਡਿਆ ਹੈ, ਨੂੰ ਫਿਟਨੈਸ ਅਤੇ ਅਨੁਸ਼ਾਸਨ ਸੰਬੰਧੀ ਮੁੱਦਿਆਂ ਕਾਰਨ ਤ੍ਰਿਪੁਰਾ ਦੇ ਖਿਲਾਫ ਰਣਜੀ ਟਰਾਫੀ ਮੁਕਾਬਲੇ ਲਈ ਮੁੰਬਈ ਦੀ ਟੀਮ ਤੋਂ ਬਾਹਰ ਕਰ ਦਿੱਤਾ ਗਿਆ ਸੀ।

My Man Prithvi Shaw having time which Sachin , Lara , and Sehwag could just dream off 💀💀
.#PrithviShaw pic.twitter.com/Zc1tfsDKf1

— Intent Merchant (@Socrates_hoon) November 9, 2024

ਉਹ ਮੁੰਬਈ ਦੇ ਟ੍ਰੇਨਿੰਗ ਸੈਸ਼ਨਾਂ ਵਿਚ ਨਿਯਮਿਤ ਤੌਰ 'ਤੇ ਸ਼ਾਮਲ ਨਹੀਂ ਹੋ ਰਿਹਾ ਸੀ ਅਤੇ ਉਸ ਦਾ ਭਾਰ ਵੀ 'ਥੋੜਾ ਜ਼ਿਆਦਾ' ਦਿਖਾਈ ਦਿੱਤਾ, ਜਿਸ ਕਾਰਨ ਚੋਣਕਾਰਾਂ ਨੂੰ ਹੋਰ ਵਿਕਲਪਾਂ 'ਤੇ ਵਿਚਾਰ ਕਰਨਾ ਪਿਆ। ਮੁੰਬਈ ਕ੍ਰਿਕਟ ਸੰਘ ਦੇ ਇਕ ਅਧਿਕਾਰੀ ਨੇ ਦੱਸਿਆ, ''ਤੁਹਾਨੂੰ ਉਸ ਦੀ ਫਿਟਨੈੱਸ ਅਤੇ ਮੈਦਾਨ 'ਤੇ ਉਸ ਦੀ ਦੌੜ ਨੂੰ ਦੇਖਣਾ ਹੋਵੇਗਾ। MCA ਦਾ ਇੱਕ ਅਮੀਰ ਇਤਿਹਾਸ ਹੈ ਅਤੇ ਕਿਸੇ ਖਾਸ ਖਿਡਾਰੀ ਲਈ ਕੋਈ ਅਪਵਾਦ ਨਹੀਂ ਕਰ ਸਕਦਾ। ਸੱਜੇ ਹੱਥ ਦੇ ਬੱਲੇਬਾਜ਼ ਨੂੰ ਮੁੰਬਈ ਦੇ ਬਾਂਦਰਾ-ਕੁਰਲਾ ਕੰਪਲੈਕਸ ਸਥਿਤ ਸ਼ਰਦ ਪਵਾਰ ਕ੍ਰਿਕਟ ਅਕੈਡਮੀ 'ਚ ਮੁੰਬਈ ਅਤੇ ਉੜੀਸਾ ਵਿਚਾਲੇ ਰਣਜੀ ਟਰਾਫੀ ਮੁਕਾਬਲੇ ਦੇ ਦੂਜੇ ਦਿਨ ਫਿਟਨੈੱਸ ਅਭਿਆਸ ਕਰਦੇ ਦੇਖਿਆ ਗਿਆ।