ਲਾ ਲਿਗਾ ਨੇ 11 ਜੂਨ ਤੋਂ ਸੈਸ਼ਨ ਫਿਰ ਸ਼ੁਰੂ ਕਰਨ ਦੀ ਕੀਤੀ ਪੁਸ਼ਟੀ
05/30/2020 1:40:29 PM
ਮੈਡ੍ਰਿਡ : ਕੋਵਿਡ-19 ਮਹਾਮਾਰੀ ਕਾਰਨ 3 ਮਹੀਨੇ ਤਕ ਮੁਲਤਵੀ ਰਹਿਣ ਤੋਂ ਬਾਅਦ ਸਪੇਨ ਦੀ ਚੋਟੀ ਘਰੇਲੂ ਫੁੱਟਬਾਲ ਪ੍ਰਤੀਯੋਗਿਤਾ ਲਾ ਲਿਗਾ 11 ਜੂਨ ਤੋਂ ਫਿਰ ਤੋਂ ਸ਼ੁਰੂ ਹੋਵੇਗੀ ਜਦਕਿ 2020 ਦਾ ਸੈਸ਼ਨ 12 ਸਤੰਬਰ ਤੋਂ ਖੇਡਿਆ ਜਾਵੇਗਾ। ਸਪੈਨਿਸ਼ ਖੇਡ ਪਰੀਸ਼ਦ ਨੇ ਇਸ ਦੀ ਪੁਸ਼ਟੀ ਕਰਦਿਆਂ ਕਿਹਾ ਕਿ ਸਪੈਨਿਸ਼ ਫੁੱਟਬਾਲ ਮਹਾਸੰਘ (ਆਰ. ਐੱਫ. ਈ. ਐੱਫ.) ਅਤੇ ਲਾ ਲਿਗਾ ਵਿਚਾਲੇ ਦੋਵੇਂ ਚੋਟੀ ਡਿਵੀਜ਼ਨ ਦੇ ਬਚੇ ਹੋਏ 11 ਦੌਰ ਦੇ ਮੈਚਾਂ ਨੂੰ ਲੈ ਕੇ ਸਹਿਮਤੀ ਬਣ ਗਈ ਹੈ।
ਉਸ ਨੇ ਕਿਹਾ ਕਿ ਜੇਕਰ ਮਹਾਮਾਰੀ ਨਾਲ ਰੁਕਾਵਟ ਨਹੀਂ ਆਈ ਤਾਂ ਸੈਸ਼ਨ 19 ਜੁਲਾਈ ਤੋਂ ਖਤਮ ਹੋ ਜਾਵੇਗਾ। ਫਿਰ ਤੋਂ ਸ਼ੁਰੂ ਹੋਣ ਤੋਂ ਬਾਅਦ ਲੀਗ ਦਾ ਪਹਿਲਾ ਮੁਕਾਬਲਾ 11 ਜੂਨ ਨੂੰ ਬੇਟਿਸ ਤੇ ਸੇਵਿਲਾ ਵਿਚਾਲੇ ਮੈਚ ਨਾਲ ਹੋਵੇਗਾ ਜਦਕਿ ਲੀਗ ਦੇ ਬਾਕੀ ਮੁਕਾਬਲਿਆਂ ਨੂੰ ਹਫਤੇ ਦੇ ਆਖਿਰ ਵਿਚ 13 ਅਤੇ ਜੂਨ ਨੂੰ ਖੇਡੇ ਜਾਣਗੇ। ਇਸ ਤੋਂ ਪਹਿਲਾਂ ਸ਼ੁੱਕਰਵਾਰ ਨੂੰ ਲੀਗ ਦੇ ਪ੍ਰਧਾਨ ਜੇਵਿਅਰ ਟੇਬਸ ਨੇ ਮਾਰਕਾ ਤੋਂ ਕਿਹਾ ਸੀ ਕਿ 2019-20 ਸੈਸ਼ਨ ਦੀ ਆਖਰੀ ਤਾਰੀਖ ਜਾਣਨ ਤੋਂ ਜ਼ਰੂਰੀ ਇਹ ਗੱਲ ਹੈ ਕਿ ਅਗਲਾ ਮੈਚ 12 ਸਤੰਬਰ ਤੋਂ ਸ਼ੁਰੂ ਹੋਵੇਗਾ। ਮਾਰਚ ਵਿਚ ਜਦੋਂ ਲਾ ਲਿਗਾ ਨੂੰ ਰੋਕਿਆ ਗਿਆ ਸੀ ਉਸ ਸਮੇਂ ਬਾਰਸੀਲੋਨਾ ਸੂਚੀ ਵਿਚ ਚੋਟੀ 'ਤੇ ਸੀ। ਰੀਅਲ ਮੈਡ੍ਰਿਡ ਉਸ ਤੋਂ 2 ਅੰਕ ਪਿੱਛੇ ਦੂਜੇ ਸਥਾਨ 'ਤੇ ਹੈ।
