IPL 2020 KXIP vs RR : ਰਾਜਸਥਾਨ ਨੇ ਪੰਜਾਬ ਨੂੰ 7 ਵਿਕਟਾਂ ਨਾਲ ਹਰਾਇਆ

10/30/2020 11:08:31 PM

ਆਬੂ ਧਾਬੀ- ਬੇਨ ਸਟੋਕਸ ਦੀਆਂ 50, ਸੰਜੂ ਸੈਮਸਨ ਦੀਆਂ 48, ਕਪਤਾਨ ਸਟੀਵ ਸਮਿਥ ਦੀਆਂ ਅਜੇਤੂ 31 ਦੌੜਾਂ ਅਤੇ ਜੋਸ ਬਟਲਰ ਦੀਆਂ ਅਜੇਤੂ 22 ਦੌੜਾਂ ਦੇ ਦਮ 'ਤੇ ਰਾਜਸਥਾਨ ਰਾਇਲਜ਼ ਨੇ ਕਿੰਗਜ਼ ਇਲੈਵਨ ਪੰਜਾਬ ਨੂੰ 7 ਵਿਕਟਾਂ ਨਾਲ ਹਰਾ ਕੇ ਆਈ. ਪੀ. ਐੱਲ. ਦੀ ਪਲੇਅ-ਆਫ ਰੇਸ ਨੂੰ ਰੋਮਾਂਚਕ ਬਣਾ ਦਿੱਤਾ। ਰਾਜਸਥਾਨ ਨੇ ਟੀਚੇ ਦਾ ਪਿੱਛਾ ਕਰਦੇ ਹੋਏ 17.3 ਓਵਰਾਂ 'ਚ ਤਿੰਨ ਵਿਕਟਾਂ 'ਤੇ 186 ਦੌੜਾਂ ਬਣਾ ਕੇ ਪਲੇਅ-ਆਫ ਦੀ ਆਪਣੀ ਉਮੀਦਾਂ ਨੂੰ ਜ਼ਿੰਦਾ ਰੱਖਣ ਵਾਲੀ ਜਿੱਤ ਹਾਸਲ ਕੀਤੀ।

PunjabKesari

PunjabKesari
ਹਮਲਾਵਰ ਬੱਲੇਬਾਜ਼ ਕ੍ਰਿਸ ਗੇਲ ਇਕ ਦੌੜ ਨਾਲ ਸੈਂਕੜੇ ਤੋਂ ਖੁੰਝ ਗਿਆ ਪਰ ਉਸਦੀ ਤੇ ਕਪਤਾਨ ਲੋਕੇਸ਼ ਰਾਹੁਲ ਦੀ ਸੈਂਕੜੇ ਵਾਲੀ ਸਾਂਝੇਦਾਰੀ ਨਾਲ ਕਿੰਗਜ਼ ਇਲੈਵਨ ਪੰਜਾਬ ਨੇ ਆਈ. ਪੀ. ਐੱਲ.-13 'ਚ ਇੱਥੇ ਰਾਜਸਥਾਨ ਰਾਇਲਜ਼ ਵਿਰੁੱਧ 4 ਵਿਕਟਾਂ 'ਤੇ 185 ਦੌੜਾਂ ਦਾ ਚੁਣੌਤੀਪੂਰਨ ਸਕੋਰ ਦਿੱਤਾ। ਗੇਲ ਨੇ ਦੋ ਜੀਵਨਦਾਨ ਦਾ ਫਾਇਦਾ ਚੁੱਕਦੇ ਹੋਏ 63 ਗੇਂਦਾਂ 'ਤੇ 8 ਛੱਕਿਆਂ ਤੇ 6 ਚੌਕਿਆਂ ਦੀ ਮਦਦ ਨਾਲ 99 ਦੌੜਾਂ ਦੀ ਪਾਰੀ ਖੇਡਣ ਤੋਂ ਇਲਾਵਾ ਰਾਹੁਲ (46) ਨਾਲ ਦੂਜੀ ਵਿਕਟ ਲਈ 120 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਨਿਕੋਲਸ ਪੂਰਨ ਨੇ 10 ਗੇਂਦਾਂ ਵਿਚ 22 ਦੌੜਾਂ ਦੀ ਉਪਯੋਗੀ ਪਾਰੀ ਖੇਡੀ। ਜੋਫ੍ਰਾ ਆਰਚਰ ਤੇ ਬੇਨ ਸਟੋਕਸ ਨੇ ਰਾਇਲਜ਼ ਵਲੋਂ ਕ੍ਰਮਵਾਰ 26 ਤੇ 32 ਦੌੜਾਂ ਦੇ ਕੇ 2-2 ਵਿਕਟਾਂ ਹਾਸਲ ਕੀਤੀਆਂ। ਕਾਰਤਿਕ ਤਿਆਗੀ ਤੇ ਵਰੁਣ ਆਰੋਨ ਕਾਫੀ ਮਹਿੰਗੇ ਸਾਬਤ ਹੋਏ। ਦੋਵਾਂ ਨੇ 4 ਓਵਰਾਂ ਵਿਚ 47-47 ਦੌੜਾਂ ਦਿੱਤੀਆਂ।

PunjabKesari
ਰਾਇਲਜ਼ ਦੇ ਕਪਤਾਨ ਸਟੀਵ ਸਮਿਥ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਸੀ, ਜਿਸ ਤੋਂ ਬਾਅਦ ਜੋਫ੍ਰਾ ਆਰਚਰ ਨੇ ਪਹਿਲੇ ਓਵਰ ਵਿਚ ਹੀ ਮਨਦੀਪ ਸਿੰਘ (0) ਨੂੰ ਬੇਨ ਸਟੋਕਸ ਹੱਥੋਂ ਕੈਚ ਕਰਵਾ ਕੇ ਟੀਮ ਨੂੰ ਸ਼ਾਨਦਾਰ ਸ਼ੁਰੂਆਤ ਦਿਵਾਈ। ਕ੍ਰਿਸ ਗੇਲ ਨੇ ਵਰੁਣ ਆਰੋਨ 'ਤੇ ਚੌਕਾ ਤੇ ਫਿਰ ਉਸਦੇ ਅਗਲੇ ਓਵਰ ਵਿਚ ਛੱਕਾ ਲਾਇਆ। ਉਹ ਹਾਲਾਂਕਿ ਅਗਲੀ ਗੇਂਦ 'ਤੇ ਲੱਕੀ ਰਿਹਾ ਜਦੋਂ ਗੇਂਦ ਨੂੰ ਹਵਾ ਵਿਚ ਲਹਿਰਾ ਗਿਆ ਪਰ ਬਾਊਂਡਰੀ 'ਤੇ ਰਿਆਨ ਪਰਾਗ ਕੈਚ ਫੜਨ ਵਿਚ ਅਸਫਲ ਰਿਹਾ। ਗੇਲ ਨੇ ਕਾਰਤਿਕ ਤਿਆਗੀ ਦਾ ਸਵਾਗਤ ਲਗਾਤਾਰ ਦੋ ਚੌਕਿਆਂ ਤੇ 1 ਛੱਕੇ ਨਾਲ ਕੀਤਾ। ਰਾਹੁਲ ਨੇ ਵੀ ਹੌਲੀ ਸ਼ੁਰੂਆਤ ਤੋਂ ਬਾਅਦ ਆਰੋਨ 'ਤੇ ਛੱਕਾ ਤੇ ਚੌਕਾ ਲਾਇਆ।

PunjabKesari

PunjabKesari
ਕਿੰਗਜ਼ ਇਲੈਵਨ ਪੰਜਾਬ ਨੇ 10 ਓਵਰਾਂ ਵਿਚ 1 ਵਿਕਟ 'ਤੇ 81 ਦੌੜਾਂ ਬਣਾਈਆਂ। ਗੇਲ ਨੇ ਰਾਹੁਲ ਤੇਵਤੀਆ 'ਤੇ ਛੱਕੇ ਨਾਲ 33 ਗੇਂਦਾਂ ਵਿਚ ਅਰਧ ਸੈਂਕੜਾ ਪੂਰਾ ਕੀਤਾ। ਗੇਲ ਹਾਲਾਂਕਿ ਇਸ ਓਵਰ ਵਿਚ ਗੇਂਦ ਨੂੰ ਹਵਾ ਵਿਚ ਲਹਿਰਾ ਗਿਆ ਪਰ ਤੇਵਤੀਆ ਆਪਣੀ ਗੇਂਦ 'ਤੇ ਮੁਸ਼ਕਿਲ ਕੈਚ ਫੜਨ ਵਿਚ ਅਸਫਲ ਰਿਹਾ। ਗੇਲ ਨੇ ਤੇਵਤੀਆ 'ਤੇ ਇਕ ਹੋਰ ਛੱਕੇ ਨਾਲ 13ਵੇਂ ਓਵਰ ਵਿਚ ਟੀਮ ਦਾ ਸਕੋਰ 100 ਦੌੜਾਂ ਦੇ ਪਾਰ ਪਹੁੰਚਾਇਆ। ਰਾਹੁਲ ਹਾਲਾਂਕਿ ਇਸ ਤੋਂ ਬਾਅਦ ਸਟੋਕਸ ਦੀ ਗੇਂਦ 'ਤੇ ਵੱਡੀ ਸ਼ਾਟ ਖੇਡਣ ਦੀ ਕੋਸ਼ਿਸ਼ 'ਚ ਤੇਵਤੀਆ ਨੂੰ ਕੈਚ ਦੇ ਕੇ ਪੈਵੇਲੀਅਨ ਪਰਤ ਗਿਆ। ਉਸ ਨੇ 41 ਗੇਂਦਾਂ ਦੀ ਆਪਣੀ ਪਾਰੀ ਦੌਰਾਨ 3 ਚੌਕੇ ਤੇ 2 ਛੱਕੇ ਮਾਰੇ। ਪੂਰਨ ਨੇ ਆਰੋਨ 'ਤੇ ਦੋ ਛੱਕਿਆਂ ਨਾਲ ਆਪਣੀ ਪਾਰੀ ਦਾ ਆਗਾਜ਼ ਕੀਤਾ। ਗੇਲ ਨੇ 18ਵੇਂ ਓਵਰ 'ਚ ਸਟੋਕਸ 'ਤੇ ਚੌਕਾ ਤੇ ਛੱਕਾ ਲਾਇਆ ਪਰ ਇਸ ਓਵਰ ਵਿਚ ਪੂਰਨ ਦਾ ਬਾਊਂਡਰੀ 'ਤੇ ਤੇਵਤੀਆ ਨੇ ਕੈਚ ਫੜ ਲਿਆ। ਗੇਲ ਤਿਆਗੀ ਦੇ ਅਗਲੇ ਓਵਰ ਵਿਚ ਆਪਣੇ 7ਵੇਂ ਛੱਕੇ ਨਾਲ ਟੀ-20 ਕ੍ਰਿਕਟ ਵਿਚ 1000 ਛੱਕੇ ਲਾਉਣ ਵਾਲਾ ਦੁਨੀਆ ਦਾ ਪਹਿਲਾ ਬੱਲੇਬਾਜ਼ ਬਣਿਆ। ਗੇਲ ਨੇ ਆਰਚਰ 'ਤੇ ਵੀ ਛੱਕਾ ਲਾਇਆ ਪਰ ਅਗਲੀ ਗੇਂਦ 'ਤੇ ਬੋਲਡ ਹੋ ਗਿਆ।

PunjabKesari

ਇਹ ਵੀ ਪੜ੍ਹੋ :ਬਿੱਗ ਬੈਸ਼ ਲੀਗ 'ਚ ਨਹੀਂ ਖੇਡਣਗੇ ਸਟੀਵ ਸਮਿਥ, ਸਾਹਮਣੇ ਆਇਆ ਵੱਡਾ ਕਾਰਨ

PunjabKesari

ਟੀਮਾਂ ਇਸ ਤਰ੍ਹਾਂ ਹਨ-
ਕਿੰਗਜ਼ ਇਲੈਵਨ ਪੰਜਾਬ-
ਲੋਕੇਸ਼ ਰਾਹੁਲ (ਕਪਤਾਨ), ਮਯੰਕ ਅਗਰਵਾਲ, ਸ਼ੈਲਡਨ ਕੋਟਰੇਲ, ਕ੍ਰਿਸ ਗੇਲ, ਗਲੇਨ ਮੈਕਸਵੈੱਲ, ਮੁਹੰਮਦ ਸ਼ੰਮੀ, ਮੁਜੀਬ ਉਰ ਰਹਿਮਾਨ, ਕਰੁਣ ਨਾਇਰ, ਜੇਮਸ ਨੀਸ਼ਮ, ਨਿਕੋਲਸ ਪੂਰਨ (ਵਿਕਟਕੀਪਰ), ਇਸ਼ਾਨ ਪੋਰੇਲ, ਅਰਸ਼ਦੀਪ ਸਿੰਘ, ਮੁਰੂਗਨ ਅਸ਼ਵਿਨ, ਕ੍ਰਿਸ਼ਣੱਪਾ ਗੌਤਮ, ਹਰਪ੍ਰੀਤ ਬਰਾੜ, ਦੀਪਕ ਹੁੱਡਾ, ਕ੍ਰਿਸ ਜੌਰਡਨ, ਸਰਫਰਾਜ ਖਾਨ, ਮਨਦੀਪ ਸਿੰਘ, ਦਰਸ਼ਨ ਨਲਕੰਡੇ, ਰਵੀ ਬਿਸ਼ਨੋਈ, ਸਿਮਰਨ ਸਿੰਘ (ਵਿਕਟਕੀਪਰ), ਜਗਦੀਸ਼ ਸੁਚਿਤ, ਤਜਿੰਦਰ ਸਿੰਘ, ਹਾਰਡਸ ਵਿਲਜੋਨ।

ਰਾਜਸਥਾਨ ਰਾਇਲਜ਼- ਸਟੀਵ ਸਮਿਥ (ਕਪਤਾਨ), ਜੋਸ ਬਟਲਰ, ਰੌਬਿਨ ਉਥੱਪਾ, ਸੰਜੂ ਸੈਮਸਨ, ਬੇਨ ਸਟੋਕਸ, ਜੋਫ੍ਰਾ ਆਰਚਰ, ਯਸ਼ਸਵੀ ਜਾਇਸਵਾਲ, ਮਨਨ ਵੋਹਰਾ, ਕਾਰਤਿਕ ਤਿਆਗੀ, ਅਕਾਸ਼ ਸਿੰਘ, ਓਸ਼ੇਨ ਥਾਮਸ, ਐਂਡ੍ਰਿਊ ਟਾਏ, ਡੇਵਿਡ ਮਿਲਰ, ਟਾਮ ਕਿਊਰਨ, ਅਨਿਰੁਧ ਜੋਸ਼ੀ, ਸ਼੍ਰੇਅਸ ਗੋਪਾਲ, ਰਿਆਨ ਪਰਾਗ, ਵਰੁਣ ਆਰੋਨ, ਸ਼ਸ਼ਾਂਕ ਸਿੰਘ, ਅਨੁਜ ਰਾਵਤ, ਮਹਿਪਾਲ ਲੋਮਰੋਰ, ਮਯੰਕ ਮਾਰਕੰਡੇ।
 


Gurdeep Singh

Content Editor

Related News