ਆਇਰਲੈਂਡ ਦੇ ਖਿਲਾਫ ਇੰਗਲੈਂਡ ਦੀ ਟੈਸਟ ਟੀਮ ਦਾ ਐਲਾਨ, ਜੇਸਨ ਰਾਏ ਨੂੰ ਪਹਿਲੀ ਵਾਰ ਮਿਲੀ ਜਗ੍ਹਾ

ਸਪੋਰਸਟ ਡੈਸਕ : ਵਰਲਡ ਕੱਪ 'ਚ ਇੰਗਲੈਂਡ ਨੂੰ ਖਿਤਾਬ ਦਵਾਉਣ 'ਚ ਅਹਿਮ ਭੂਮਿਕਾ ਨਿਭਾਉਣ ਵਾਲੇ ਸਲਾਮੀ ਬੱਲੇਬਾਜ਼ ਜੇਸਨ ਰਾਏ ਨੂੰ ਪਹਿਲੀ ਵਾਰ ਟੈਸਟ ਟੀਮ 'ਚ ਜਗ੍ਹਾ ਦਿੱਤੀ ਗਈ ਹੈ ਜਦ ਕਿ ਓਲੀ ਸਟੋਨ ਤੇ ਲੁਈ ਗਰੇਗਰੀ ਦੇ ਰੂਪ 'ਚ ਟੀਮ 'ਚ ਦੋ ਹੋਰ ਨਵੇਂ ਚਿਹਰੇ ਸ਼ਾਮਲ ਕੀਤੇ ਗਏ ਹਨ। ਇੰਗਲੈਂਡ ਨੇ ਆਇਰਲੈਂਡ ਦੇ ਖਿਲਾਫ 24 ਜੁਲਾਈ ਤੋਂ ਲਾਰਡਸ 'ਚ ਸ਼ੁਰੂ ਹੋਣ ਵਾਲੇ ਇਕਮਾਤਰ ਟੈਸਟ ਲਈ 13 ਮੈਂਮਬਰੀ ਟੀਮ ਦੀ ਚੋਣ ਕੀਤੀ ਹੈ।
ਰਾਏ ਨੂੰ ਪਹਿਲੀ ਵਾਰ ਟੀਮ 'ਚ ਸ਼ਾਮਲ ਗਿਆ ਹੈ ਤੇ ਆਸਟਰੇਲੀਆ ਦੇ ਖਿਲਾਫ ਇਕ ਅਗਸਤ ਤੋਂ ਐਜਬੇਸਟਨ 'ਚ ਸ਼ੁਰੂ ਹੋਣ ਵਾਲੀ ਏਸ਼ੇਜ ਸੀਰੀਜ਼ ਨੂੰ ਵੇਖਦੇ ਹੋਏ ਇਹ ਫੈਸਲਾ ਕਾਫ਼ੀ ਮਹੱਤਵਪੂਰਨ ਹੈ। ਤੇਜ਼ ਗੇਂਦਬਾਜ਼ ਮਾਰਕ ਵੁੱਡ ਤੇ ਜੋਫਰਾ ਆਰਚਰ ਨੂੰ ਹਾਲਾਂਕਿ ਟੀਮ 'ਚ ਨਹੀਂ ਚੁੱਣਿਆ ਗਿਆ ਹੈ। ਇਨ੍ਹਾਂ ਦੋਨਾਂ ਮਾਂਸਪੇਸ਼ੀਆਂ 'ਚ ਖਿਚਾਅ ਨਾਲ ਪਰੇਸ਼ਾਨ  ਹਨ। ਵੁੱਡ ਨੂੰ ਫਿੱਟ ਹੋਣ 'ਚ ਚਾਰ ਤੋਂ ਛੇ ਹਫ਼ਤੇ ਦਾ ਸਮਾਂ ਲੱਗ ਜਾਵੇਗਾ ਜਿਸ ਦੇ ਨਾਲ ਉਨ੍ਹਾਂ ਦੇ ਏਸ਼ੇਜ ਦੇ ਸ਼ੁਰੂਆਤੀ ਮੈਚਾਂ 'ਚ ਖੇਡਣਾ ਵੀ ਸੰਭਵ ਨਹੀਂ ਹੈ।