ਸ਼੍ਰੀਲੰਕਾ ਤੋਂ ਹਾਰ ਤੋਂ ਬਾਅਦ ਆਇਰਲੈਂਡ ਦੀ ਕਪਤਾਨ ਦਾ ਬਿਆਨ, ਕਿਹਾ- ''ਟੀਮ ਨੂੰ ਅਜੇ ਵੀ ਖੁਦ ''ਤੇ ਭਰੋਸਾ...''

ਸਪੋਰਟਸ ਡੈਸਕ : ਮਹਿਲਾ ਟੀ-20 ਵਿਸ਼ਵ ਕੱਪ ਵਿੱਚ ਮੰਗਲਵਾਰ ਨੂੰ ਸ਼੍ਰੀਲੰਕਾ ਦੇ ਹੱਥੋਂ 9 ਵਿਕਟਾਂ ਦੀ ਕਰਾਰੀ ਹਾਰ ਦੇ ਬਾਵਜ਼ੂਦ, ਆਇਰਲੈਂਡ ਦੀ ਕਪਤਾਨ ਗੈਬੀ ਲੁਈਸ ਨੇ ਆਪਣੀ ਟੀਮ ਦੀ ਤਰੱਕੀ ਨੂੰ ਲੈ ਕੇ ਉਮੀਦ ਬਣਾਈ ਹੋਈ ਹੈ। ਕਪਤਾਨ ਦਾ ਕਹਿਣਾ ਹੈ ਕਿ ਮਜ਼ਬੂਤ ਵਿਰੋਧੀਆਂ ਵਿਰੁੱਧ ਖੇਡਣ ਦਾ ਤਜਰਬਾ ਟੀਮ ਵਿੱਚ ਹੋਰ ਸੁਧਾਰ ਕਰਨ ਲਈ ਪ੍ਰੇਰਿਤ ਕਰੇਗਾ। 

ਕਾਉਂਟੀ ਗਰਾਊਂਡ 'ਤੇ ਖੇਡੇ ਗਏ ਇਸ ਮੈਚ ਵਿੱਚ ਆਇਰਲੈਂਡ ਨੇ 5 ਵਿਕਟਾਂ ਦੇ ਨੁਕਸਾਨ 'ਤੇ 130 ਦੌੜਾਂ ਬਣਾਈਆਂ, ਜਿਸ ਦੇ ਜਵਾਬ ਵਿੱਚ ਸ਼੍ਰੀਲੰਕਾ ਨੇ 15.3 ਓਵਰਾਂ 'ਚ ਜਿੱਤ ਪ੍ਰਾਪਤ ਕੀਤੀ।  ਆਇਰਲੈਂਡ ਦੀ ਪਾਰੀ ਬਾਰੇ ਗੱਲ ਕਰਦੇ ਹੋਏ ਲੁਈਸ ਨੇ ਕਿਹਾ ਕਿ ਪਾਵਰਪਲੇ ਦੌਰਾਨ ਟੀਮ 30/3 ਤੱਕ ਸਿਮਟ ਜਾਣ ਤੋਂ ਬਾਅਦ ਪਾਰੀ ਨੂੰ ਸਥਿਰ ਕਰਨਾ ਸਭ ਤੋਂ ਮਹੱਤਵਪੂਰਨ ਕੰਮ ਸੀ। ਪਾਰੀ ਦੀ ਚੌਥੀ ਗੇਂਦ 'ਤੇ ਐਮੀ ਹੰਟਰ (0) ਦੌੜਾਂ ਆਊਟ ਹੋਣ ਤੋਂ ਬਾਅਦ ਆਇਰਲੈਂਡ ਦੀ ਪਾਰੀ ਮੁਸ਼ਕਲ ਵਿੱਚ ਪੈ ਗਈ, ਜਿਸ ਤੋਂ ਬਾਅਦ ਓਰਲਾ ਪ੍ਰੇਂਡਰਗਾਸਟ (0) ਅਤੇ ਰੇਬੇਕਾ ਸਾਟੋਕੇਲ (13) ਜਲਦੀ ਆਊਟ ਹੋ ਗਈਆਂ। ਲੁਈਸ ਨੇ ਪਾਲ ਨਾਲ ਮਿਲ ਕੇ ਚੌਥੀ ਵਿਕਟ ਲਈ 59 ਗੇਂਦਾਂ 'ਤੇ 66 ਦੌੜਾਂ ਦੀ ਸਾਂਝੇਦਾਰੀ ਕੀਤੀ ਇਸ ਨਾਲ ਪਾਰੀ ਸਥਿਤ ਹੋਈ ਅਤੇ ਆਇਰਲੈਂਡ ਨੂੰ ਇੱਕ ਵਧੀਆ ਸਕੋਰ ਬਣਾਉਣ ਬਣਾਉਣ ਵਿੱਚ ਕਾਮਯਾਬ ਰਹੀ। 

ਮੈਚ ਤੋਂ ਬਾਅਦ, ਲੁਈਸ ਨੇ ਕਿਹਾ ਹਾਂ, ਇਹ ਜ਼ਰੂਰ ਔਖਾ ਸੀ । ਤੁਹਾਨੂੰ ਸਿਰਫ਼ ਪਾਰੀ ਨੂੰ ਦੁਬਾਰਾ ਖੜ੍ਹਾ ਕਰਨਾ ਹੁੰਦਾ ਹੈ। ਮੈਂ ਅਤੇ ਲੀਆ (ਪਾਲ) ਨੇ ਬਹੁਤ ਵਧੀਆ ਕੀਤਾ। ਸਾਡੇ ਲਈ ਮੁੱਖ ਚੀਜ਼ ਇੱਕ ਸਾਂਝੇਦਾਰੀ ਬਣਾਉਣਾ ਸੀ, ਅਤੇ ਅਸੀਂ ਇਸ 'ਤੇ ਧਿਆਨ ਕੇਂਦਰਿਤ ਕੀਤਾ।

ਸ਼ੁਰੂਆਤੀ ਝਟਕਿਆਂ ਦੇ ਬਾਵਜੂਦ, ਲੁਈਸ ਨੇ ਕਿਹਾ ਕਿ ਟੀਮ ਨਹੀਂ ਚਾਹੁੰਦੀ ਕਿ ਉਸਦੇ ਬੱਲੇਬਾਜ਼ ਬਹੁਤ ਜ਼ਿਆਦਾ ਸਾਵਧਾਨ ਰਹਿਣ। ਉਨ੍ਹਾਂ ਨੇ ਕਿਹਾ ਕਿ , ਅਸੀਂ ਅਜੇ ਵੀ ਚਾਹੁੰਦੇ ਹਾਂ ਕਿ ਕੁੜੀਆਂ ਬਾਹਰ ਜਾਣ ਅਤੇ ਖੁੱਲ੍ਹ ਕੇ ਖੇਡਣ। ਅਸੀਂ ਨਹੀਂ ਚਾਹੁੰਦੇ ਕਿ ਕੁੜੀਆਂ ਪਿੱਛੇ ਹਟਣ, ਕਿਉਂਕਿ ਕੋਈ ਵੀ ਅਜਿਹਾ ਨਹੀਂ ਚਾਹੁੰਦਾ। ਸਾਨੂੰ ਅਜੇ ਵੀ ਜਿੱਤਣ ਲਈ ਜ਼ਰੂਰੀ ਸਕੋਰ ਬਣਾਉਣ ਦੀ ਲੋੜ ਹੈ। ਮੈਨੂੰ ਵਿਸ਼ਵਾਸ ਹੈ ਕਿ ਕੁੜੀਆਂ ਸਿੱਖਣਗੀਆਂ ਅਤੇ ਮਜ਼ਬੂਤੀ ਨਾਲ ਵਾਪਸੀ ਕਰਨਗੀਆਂ।

ਆਇਰਲੈਂਡ ਦੀ ਕਪਤਾਨ ਨੇ ਅੰਤਰਰਾਸ਼ਟਰੀ ਮਹਿਲਾਂ  ਕ੍ਰਿਕਟ ਦੇ ਵੱਧਦੇ ਮਿਆਰ ਬਾਰੇ ਗੱਲ ਕਰ ਦਿੱਆ ਸਵੀਕਾਰ ਕੀਤਾ ਹੈ ਕਿ ਉਸ ਦੀ ਟੀਮ ਅਤੇ ਦੁਨੀਆ ਦੀਆਂ ਚੋਟੀ ਦੀਆਂ ਟੀਮਾਂ ਵਿਚਕਾਰ ਪਾੜਾ ਓਨਾ ਵੱਡਾ ਨਹੀਂ ਹੈ ਜਿੰਨਾ ਕੁਝ ਲੋਕ ਸੋਚ ਸਕਦੇ ਹਨ। ਕਪਤਾਨ ਨੇ ਕਿਹਾ, ਮਿਆਦ ਜ਼ਰੂਰ ਵਧੀ ਹੈ, ਪਰ ਇਹ ਇੱਕ ਕ੍ਰਿਕਟਰ ਦੇ ਤੌਰ 'ਤੇ ਤੁਹਾਡੀ ਭੁੱਖ ਨੂੰ ਵੀ ਵਧਾਉਂਦਾ ਹੈ। ਹਰ ਵਿਸ਼ਵ ਕੱਪ ਤੋਂ ਬਾਅਦ, ਤੁਸੀਂ ਪਿੱਛੇ ਮੁੜ ਕੇ ਦੇਖਦੇ ਹੋ ਅਤੇ ਮਹਿਸੂਸ ਕਰਦੇ ਹੋ ਕਿ ਅਸੀਂ ਜਿੱਤਣ ਦੇ ਕਿੰਨੇ ਨੇੜੇ ਸੀ। ਅਸੀਂ ਨਿਊਜ਼ੀਲੈਂਡ ਨੂੰ ਹਰਾਉਣ ਦੇ ਕਿੰਨੇ ਨੇੜੇ ਆ ਗਏ ਸੀ ਅਤੇ ਅਸੀਂ ਕਈ ਵਾਰ ਕਿੰਨਾ ਵਧੀਆ ਖੇਡਿਆ। ਇਹ ਸਿਰਫ਼ ਹਰ ਚੀਜ਼ ਦੇ ਸਥਾਨ 'ਤੇ ਆਉਣ ਦਾ ਮਾਮਲਾ ਹੈ। ਇਹੀ ਉਹ ਹੈ ਜੋ ਤੁਹਾਨੂੰ ਸੁਧਾਰ ਕਰਨ ਲਈ ਪ੍ਰੇਰਿਤ ਕਰਦਾ ਹੈ।

ਲੁਈਸ ਨੇ ਸ਼੍ਰੀਲੰਕਾ ਖਿਲਾਫ 59 ਦੌੜਾਂ ਬਣਾਈਆਂ। ਇਹ ਟੂਰਨਾਮੈਂਟ ਵਿੱਚ ਉਸ ਦਾ ਲਗਾਤਾਰ ਦੂਜਾ ਅਰਧ ਸੈਂਕੜਾ ਸੀ, ਪਰ ਉਸ ਨੇ ਸਵੀਕਾਰ ਕੀਤਾ ਕਿ ਮੈਚ ਦੇ ਨਤੀਜੇ ਨੇ ਇਸ ਨਿੱਜੀ ਪ੍ਰਾਪਤੀ ਨੂੰ ਢੱਕ ਦਿੱਤਾ। ਲੁਈਸ ਨੇ ਸ਼੍ਰੀਲੰਕਾ ਦੇ ਕਪਤਾਨ ਅਟਾਪੱਟੂ ਦੀ ਵੀ ਪ੍ਰਸ਼ੰਸਾ ਕੀਤੀ, ਜਿਸ ਦੇ ਸੈਂਕੜੇ ਨੇ ਆਇਰਲੈਂਡ ਦੀਆਂ 130 ਦੌੜਾਂ ਦੇ ਸਕੋਰ ਦਾ ਬਚਾਅ ਕਰਨ ਦੀਆਂ ਉਮੀਦਾਂ ਨੂੰ ਲਗਭਗ ਖਤਮ ਕਰ ਦਿੱਤਾ।

ਲੁਈਸ ਨੇ ਕਿਹਾ ਕਿ, ਉਹ ਇੱਕ ਵਿਸ਼ਵ ਪੱਧਰੀ ਖਿਡਾਰਨ ਹੈ। ਉਹ ਯਕੀਨਨ ਇੱਕ ਅਜਿਹੀ ਖਿਡਾਰਨ ਹੈ ਜਿਸਨੂੰ ਆਊਟ ਕਰਨ ਦੀ ਲੋੜ ਹੈ, ਨਹੀਂ ਤਾਂ, ਜੋ ਅੱਜ ਹੋਇਆ ਉਹ ਹੋ ਸਕਦਾ ਹੈ। ਇਹ ਇੱਕ ਸ਼ਾਨਦਾਰ ਪਾਰੀ ਸੀ, ਅਤੇ ਉਸ ਨੇ ਬਿਲਕੁਲ ਉਸ ਤਰ੍ਹਾਂ ਹੀ ਕੀਤਾ ਜੋ ਉਸ ਦੀ ਟੀਮ ਨੂੰ ਚਾਹੀਦਾ ਸੀ।

ਆਇਰਲੈਂਡ ਦੀ ਟੀਮ ਆਪਣੇ ਸਾਰੇ ਚਾਰ ਸ਼ੁਰੂਆਤੀ ਮੈਚ ਹਾਰ ਚੁੱਕੀ ਹੈ। ਟੀਮ ਪਹਿਲਾਂ ਹੀ ਖਿਤਾਬ ਦੀ ਦੌੜ ਤੋਂ ਬਾਹਰ ਹੈ ਫਿਰ ਵੀ, ਇੱਕ ਹੋਰ ਹਾਰ ਦੇ ਬਾਵਜੂਦ, ਲੁਈਸ ਨੂੰ ਵਿਸ਼ਵਾਸ ਹੈ ਕਿ ਆਇਰਲੈਂਡ ਆਪਣੀ ਮੁਹਿੰਮ ਨੂੰ ਸਕਾਰਾਤਮਕ ਢੰਗ ਨਾਲ ਸਮਾਪਤ ਕਰ ਸਕਦਾ ਹੈ। ਟੀਮ ਸ਼ਨੀਵਾਰ ਨੂੰ ਆਪਣੇ ਆਖਰੀ ਗਰੁੱਪ-ਪੜਾਅ ਦੇ ਮੈਚ ਵਿੱਚ ਵੈਸਟਇੰਡੀਜ਼ ਦਾ ਸਾਹਮਣਾ ਕਰੇਗੀ।

ਉਸ ਨੇ ਕਿਹਾ, ਇੱਕ ਜਿੱਤ। ਅਸੀਂ ਉਨ੍ਹਾਂ ਨੂੰ ਤਿਕੋਣੀ ਲੜੀ ਵਿੱਚ ਹਰਾਇਆ ਸੀ। ਟੀਮ ਦੇ ਅੰਦਰ ਇਹ ਵਿਸ਼ਵਾਸ ਬਣਿਆ ਹੋਇਆ ਹੈ। ਇਹ ਸਿਰਫ਼ ਵਾਪਸ ਜਾਣ, ਆਪਣੀਆਂ ਗਲਤੀਆਂ ਨੂੰ ਸੁਧਾਰਨ ਅਤੇ ਅੱਜ ਅਸੀਂ ਕਿੱਥੇ ਗਲਤ ਹੋਏ ਹਾਂ ਇਹ ਸਮਝਣ ਦੀ ਗੱਲ ਹੈ। ਸਥਾਨ ਅਤੇ ਸਮਾਂ ਉਹੀ ਰਹਿੰਦਾ ਹੈ, ਇਸ ਲਈ ਉਮੀਦ ਹੈ ਕਿ ਅਸੀਂ ਸ਼ਨੀਵਾਰ ਲਈ ਚੀਜ਼ਾਂ ਨੂੰ ਬਦਲਣ ਬਾਰੇ ਇੱਕ ਲਾਭਕਾਰੀ ਚਰਚਾ ਕਰ ਸਕਦੇ ਹਾਂ।