ਮੇਸੀ ਦੇ ਦੋ ਗੋਲਾਂ ਦੀ ਬਦੌਲਤ ਇੰਟਰ ਮਿਆਮੀ ਨੇ ਫਿਲਾਡੇਲਫੀਆ ਯੂਨੀਅਨ ਨੂੰ 3-1 ਨਾਲ ਹਰਾਇਆ

ਫੋਰਟ ਲਾਡਰਡੇਲ (ਅਮਰੀਕਾ)- ਲੰਬੇ ਸਮੇਂ ਬਾਅਦ ਵਾਪਸੀ ਕਰ ਰਹੇ ਸਟਾਰ ਖਿਡਾਰੀ ਲਿਓਨਲ ਮੇਸੀ ਦੇ ਦੋ ਗੋਲਾਂ ਦੀ ਮਦਦ ਨਾਲ ਇੰਟਰ ਮਿਆਮੀ ਨੇ ਮੇਜਰ ਲੀਗ ਸਾਕਰ ਵਿਚ ਸ਼ਨੀਵਾਰ ਨੂੰ ਇੱਥੇ ਫਿਲਾਡੇਲਫੀਆ ਯੂਨੀਅਨ ਨੂੰ 3-1 ਨਾਲ ਹਰਾਇਆ। ਅਰਜਨਟੀਨਾ ਦਾ ਸਟਾਰ ਮੇਸੀ 1 ਜੂਨ ਤੋਂ ਬਾਅਦ ਪਹਿਲੀ ਵਾਰ ਇੰਟਰ ਮਿਆਮੀ ਲਈ ਖੇਡ ਰਿਹਾ ਸੀ ਕਿਉਂਕਿ 14 ਜੁਲਾਈ ਨੂੰ ਕੋਪਾ ਅਮਰੀਕਾ ਫਾਈਨਲ ਵਿੱਚ ਕੋਲੰਬੀਆ ਵਿਰੁੱਧ 1-0 ਦੀ ਜਿੱਤ ਦੌਰਾਨ ਸੱਜੇ ਗਿੱਟੇ ਦੀ ਸੱਟ ਲੱਗ ਗਈ ਸੀ। ਮੇਸੀ ਨੇ 26ਵੇਂ ਅਤੇ 30ਵੇਂ ਮਿੰਟ ਵਿੱਚ ਗੋਲ ਕੀਤੇ ਅਤੇ ਦੂਜੇ ਹਾਫ ਦੇ ਇੰਜਰੀ ਟਾਈਮ ਵਿੱਚ ਲੁਈਸ ਸੁਆਰੇਜ਼ ਦੇ ਗੋਲ (90 ਪਲੱਸ ਅੱਠ ਮਿੰਟ) ਵਿੱਚ ਵੀ ਸਹਾਇਤਾ ਕੀਤੀ। ਫਿਲਾਡੇਲਫੀਆ ਯੂਨੀਅਨ ਲਈ ਇਕਮਾਤਰ ਗੋਲ ਮਿਖਾਇਲ ਉਹਰੇ ਨੇ ਦੂਜੇ ਮਿੰਟ ਵਿਚ ਕੀਤਾ।