ਮੈਸੀ ਤੋਂ ਬਿਨਾਂ ਖੇਡੀ ਇੰਟਰ ਮਿਆਮੀ ਟਾਈਗਰਸ ਯੂਏਐਨਐਲ ਨੂੰ ਹਰਾ ਕੇ ਲੀਗਸ ਕੱਪ ਦੇ ਸੈਮੀਫਾਈਨਲ ''ਚ

ਫੋਰਟ ਲਾਡਰਡੇਲ, (ਫਲੋਰੀਡਾ)- ਇੰਟਰ ਮਿਆਮੀ ਸੀਐਫ ਨੇ ਆਪਣੇ ਕਪਤਾਨ ਅਤੇ ਸਟਾਰ ਲਿਓਨਲ ਮੇਸੀ ਤੋਂ ਬਿਨਾਂ ਟਾਈਗਰਸ ਯੂਏਐਨਐਲ ਨੂੰ ਹਰਾ ਕੇ ਲੀਗ ਕੱਪ ਟੂਰਨਾਮੈਂਟ ਦੇ ਸੈਮੀਫਾਈਨਲ ਵਿੱਚ ਜਗ੍ਹਾ ਬਣਾਈ। ਬੁੱਧਵਾਰ ਰਾਤ ਨੂੰ ਚੇਜ਼ ਸਟੇਡੀਅਮ ਵਿੱਚ ਖੇਡੇ ਗਏ ਕੁਆਰਟਰ ਫਾਈਨਲ ਵਿੱਚ ਇੰਟਰ ਮਿਆਮੀ ਨੇ ਟਾਈਗਰਸ ਯੂਏਐਨਐਲ ਉੱਤੇ 2-1 ਦੀ ਨਾਟਕੀ ਜਿੱਤ ਦਰਜ ਕੀਤੀ। 

ਲਿਓਨਲ ਮੇਸੀ ਮਾਸਪੇਸ਼ੀਆਂ ਵਿੱਚ ਖਿਚਾਅ ਕਾਰਨ ਇਹ ਮੈਚ ਨਹੀਂ ਖੇਡਿਆ। ਲੁਈਸ ਸੁਆਰੇਜ਼ ਨੇ ਇੰਟਰ ਮਿਆਮੀ ਲਈ ਪੈਨਲਟੀ 'ਤੇ ਦੋ ਸ਼ਾਨਦਾਰ ਗੋਲ ਕਰਕੇ ਆਪਣੀ ਟੀਮ ਦੀ ਜਿੱਤ ਯਕੀਨੀ ਬਣਾਈ। ਸੁਆਰੇਜ਼ ਨੇ 23ਵੇਂ ਮਿੰਟ ਵਿੱਚ ਗੋਲ ਕਰਕੇ ਆਪਣੀ ਟੀਮ ਨੂੰ ਲੀਡ ਦਿਵਾਈ। ਇਸ ਤੋਂ ਬਾਅਦ, ਟਾਈਗਰਸ ਦੇ ਏਂਜਲ ਕੋਰੀਆ ਨੇ 67ਵੇਂ ਮਿੰਟ ਵਿੱਚ ਗੋਲ ਕਰਕੇ ਸਕੋਰ 1-1 ਨਾਲ ਬਰਾਬਰ ਕਰ ਦਿੱਤਾ। ਸੁਆਰੇਜ਼ ਨੇ ਇੱਕ ਵਾਰ ਫਿਰ 89ਵੇਂ ਮਿੰਟ ਵਿੱਚ ਗੋਲ ਕੀਤਾ ਅਤੇ ਆਪਣੀ ਟੀਮ ਦੀ ਜਿੱਤ ਯਕੀਨੀ ਬਣਾਈ। ਮੈਚ ਦੌਰਾਨ, ਇੰਟਰ ਮਿਆਮੀ ਦੇ ਮੁੱਖ ਕੋਚ ਜੇਵੀਅਰ ਮਾਸਚੇਰਾਨੋ ਨੂੰ ਲਾਲ ਕਾਰਡ ਦਿਖਾ ਕੇ ਮੈਦਾਨ ਤੋਂ ਬਾਹਰ ਭੇਜ ਦਿੱਤਾ ਗਿਆ। ਉਸਦੇ ਸਹਾਇਕ ਕੋਚ, ਲਿਏਂਡਰੋ ਸਟੀਲਿਟਾਨੋ ਨੇ ਉਸਦੀ ਜਗ੍ਹਾ ਲਈ।