ਏਸ਼ੀਆਈ ਖੇਡਾਂ ''ਚ ਤਗਮੇ ਜਿੱਤਣ ਦਾ ਕ੍ਰਮ ਜਾਰੀ ਰੱਖਣ ਉਤਰਨਗੇ ਭਾਰਤੀ ਟੈਨਿਸ ਖਿਡਾਰੀ

ਹਾਂਗਜ਼ੂ- ਪਿਛਲੀਆਂ ਤਿੰਨ ਏਸ਼ੀਆਈ ਖੇਡਾਂ ਵਿਚ ਪੁਰਸ਼ ਸਿੰਗਲਜ਼ ਟੈਨਿਸ ਮੁਕਾਬਲੇ ਵਿਚ ਭਾਰਤ ਨੇ ਯਕੀਨੀ ਤੌਰ 'ਤੇ ਤਗਮਾ ਜਿੱਤਿਆ ਹੈ ਅਤੇ ਸੁਮਿਤ ਨਾਗਲ ਇਸ ਵਾਰ ਵੀ ਇਸ ਰਿਕਾਰਡ ਨੂੰ ਬਰਕਰਾਰ ਰੱਖਣ ਦੀ ਕੋਸ਼ਿਸ਼ ਕਰਨਗੇ, ਜਦਕਿ ਪੁਰਸ਼ ਡਬਲਜ਼ ਵਿਚ ਰੋਹਨ ਬੋਪੰਨਾ ਅਤੇ ਯੂਕੀ ਭਾਂਬਰੀ ਦੀ ਚੋਟੀ ਦਾ ਦਰਜਾ ਪ੍ਰਾਪਤ ਜੋੜੀ ਸੋਨ ਤਗਮੇ ਲਈ ਪ੍ਰਬਲ ਦਾਅਵੇਦਾਰ ਦੇ ਰੂਪ 'ਚ ਸ਼ੁਰੂਆਤ ਕਰੇਗੀ। ਭਾਰਤੀ ਟੈਨਿਸ ਖਿਡਾਰੀਆਂ ਨੇ ਗੁਆਂਗਜ਼ੂ, ਇੰਚੀਓਨ ਅਤੇ ਜਕਾਰਤਾ ਵਿੱਚ ਖੇਡੀਆਂ ਪਿਛਲੀਆਂ ਤਿੰਨ ਏਸ਼ਿਆਈ ਖੇਡਾਂ ਵਿੱਚ ਤਗਮੇ ਜਿੱਤੇ ਸਨ। ਵਿਸ਼ਵ ਰੈਂਕਿੰਗ 'ਚ ਚੋਟੀ ਦੇ 100 'ਚ ਏਸ਼ੀਆ ਦੇ ਬਹੁਤ ਘੱਟ ਖਿਡਾਰੀ ਸ਼ਾਮਲ ਹਨ ਅਤੇ ਅਜਿਹੇ 'ਚ ਭਾਰਤ ਲਈ ਸਭ ਤੋਂ ਵੱਡੀ ਚੁਣੌਤੀ ਚੀਨ, ਕੋਰੀਆ ਅਤੇ ਜਾਪਾਨ ਤੋਂ ਮਿਲੇਗੀ।

ਇਹ ਵੀ ਪੜ੍ਹੋ : ਮੈਨੂੰ ਇਸ ਦੀ ਆਦਤ ਹੋ ਗਈ ਹੈ- 2 ਮੈਚਾਂ ਲਈ ਕਪਤਾਨੀ ਮਿਲਣ 'ਤੇ KL ਰਾਹੁਲ ਦੀ ਮਜ਼ੇਦਾਰ ਪ੍ਰਤੀਕਿਰਿਆ
ਪੰਜਵਾਂ ਦਰਜਾ ਪ੍ਰਾਪਤ ਨਾਗਲ ਨੂੰ ਪਹਿਲੇ ਦੌਰ ਵਿਚ ਬਾਈ ਮਿਲੀ ਹੈ। ਉਸਦਾ ਅਸਲੀ ਇਮਤਿਹਾਨ ਕੁਆਰਟਰ ਫਾਈਨਲ ਵਿੱਚ ਹੋਵੇਗਾ ਜਿੱਥੇ ਉਸਦਾ ਸਾਹਮਣਾ ਚੀਨ ਦੇ ਸਿਖਰਲਾ ਦਰਜਾ ਪ੍ਰਾਪਤ ਜ਼ੀਜ਼ੇਨ ਝਾਂਗ ਨਾਲ ਹੋ ਸਕਦਾ ਹੈ। ਝਾਂਗ ਦੀ ਵਿਸ਼ਵ ਰੈਂਕਿੰਗ 60 ਹੈ ਜਦਕਿ ਨਾਗਲ ਦੀ 159 ਹੈ। ਇੱਕ ਹੋਰ ਭਾਰਤੀ ਖਿਡਾਰੀ ਰਾਮਕੁਮਾਰ ਰਾਮਨਾਥਨ ਵੀ ਪੁਰਸ਼ ਸਿੰਗਲਜ਼ ਵਿਚ ਹਿੱਸਾ ਲੈ ਰਿਹਾ ਹੈ। ਖ਼ਰਾਬ ਫਾਰਮ ਵਿਚ ਚੱਲ ਰਹੇ ਰਾਮਨਾਥਨ ਨੂੰ ਵੀ ਪਹਿਲੇ ਦੌਰ ਵਿਚ ਬਾਈ ਮਿਲੀ ਹੈ ਅਤੇ ਉਹ ਤਜ਼ਾਕਿਸਤਾਨ ਦੇ ਸੁਨਾਤੁਲੋ ਇਸਰੋਇਲੋਵ ਖ਼ਿਲਾਫ਼ ਆਪਣੀ ਮੁਹਿੰਮ ਦੀ ਸ਼ੁਰੂਆਤ ਕਰਨਗੇ। ਭਾਰਤੀ ਕਪਤਾਨ ਜੀਸ਼ਾਨ ਅਲੀ ਨੇ ਪੀਟੀਆਈ ਨੂੰ ਦੱਸਿਆ, “ਭਾਰਤੀ ਖਿਡਾਰੀਆਂ ਨੂੰ ਤਗਮਾ ਜਿੱਤਣ ਲਈ ਦੋ ਔਖੇ ਦੌਰ ਵਿਚੋਂ ਲੰਘਣਾ ਪਵੇਗਾ। ਡਰਾਅ ਸਾਡੇ ਲਈ ਚੰਗਾ ਹੈ ਤਾਂ ਜੋ ਸਾਡੇ ਖਿਡਾਰੀਆਂ ਨੂੰ ਅੱਗੇ ਵਧਣ ਦਾ ਮੌਕਾ ਮਿਲੇ। ਪੁਰਸ਼ ਡਬਲਜ਼ ਵਿਚ ਬੋਪੰਨਾ ਆਪਣੇ ਸੋਨ ਤਗਮੇ ਦਾ ਬਚਾਅ ਕਰਨ ਲਈ ਉਤਰੇਗਾ। ਉਨ੍ਹਾਂ ਨੇ ਦਿਵਿਜ ਸ਼ਰਨ ਦੇ ਨਾਲ 2018 ਵਿਚ ਸੋਨ ਤਗਮਾ ਜਿੱਤਿਆ ਸੀ। ਡੇਵਿਸ ਕੱਪ ਤੋਂ ਸੰਨਿਆਸ ਲੈ ਚੁੱਕੇ 43 ਸਾਲਾ ਖਿਡਾਰੀ ਸੋਨ ਤਗਮੇ ਨਾਲ ਏਸ਼ੀਆਈ ਖੇਡਾਂ ਨੂੰ ਅਲਵਿਦਾ ਕਹਿਣ ਦੀ ਕੋਸ਼ਿਸ਼ ਕਰਨਗੇ।

ਇਹ ਵੀ ਪੜ੍ਹੋ : ਮੈਨੂੰ ਇਸ ਦੀ ਆਦਤ ਹੋ ਗਈ ਹੈ- 2 ਮੈਚਾਂ ਲਈ ਕਪਤਾਨੀ ਮਿਲਣ 'ਤੇ KL ਰਾਹੁਲ ਦੀ ਮਜ਼ੇਦਾਰ ਪ੍ਰਤੀਕਿਰਿਆ
ਭਾਰਤ ਦੀ ਇੱਕ ਹੋਰ ਪੁਰਸ਼ ਡਬਲਜ਼ ਜੋੜੀ ਸਾਕੇਤ ਮਾਈਨੇਨੀ ਅਤੇ ਰਾਮਕੁਮਾਰ ਨੂੰ ਦੂਜਾ ਦਰਜਾ ਦਿੱਤਾ ਗਿਆ ਹੈ। ਅਜਿਹੇ 'ਚ ਦੋਵੇਂ ਭਾਰਤੀ ਜੋੜੀਆਂ ਫਾਈਨਲ 'ਚ ਆਹਮੋ-ਸਾਹਮਣੇ ਹੋ ਸਕਦੀਆਂ ਹਨ। ਮਹਿਲਾ ਸਿੰਗਲਜ਼ ਵਿਚ ਅੰਕਿਤਾ ਰੈਨਾ ਨੂੰ ਤੀਜਾ ਦਰਜਾ ਦਿੱਤਾ ਗਿਆ ਹੈ ਜਦਕਿ ਕਰਮਨ ਕੌਰ ਕਮਰ ਦੀ ਸੱਟ ਕਾਰਨ ਸਿੰਗਲਜ਼ ਵਿਚ ਨਹੀਂ ਖੇਡ ਰਹੀ। ਰੁਤੁਜਾ ਭੋਸਲੇ ਸਿੰਗਲਜ਼ ਵਿਚ ਹਿੱਸਾ ਲੈਣ ਵਾਲੀ ਭਾਰਤ ਦੀ ਦੂਜੀ ਖਿਡਾਰਨ ਹੈ। ਮਹਿਲਾ ਡਬਲਜ਼ ਵਿਚ ਰੈਨਾ ਅਤੇ ਪ੍ਰਾਰਥਨਾ ਥੋਮਬਰੇ ਅਤੇ ਕਰਮਨ ਅਤੇ ਭੋਸਲੇ ਦੀ ਭਾਰਤੀ ਜੋੜੀ ਆਪਣੀ ਕਿਸਮਤ ਅਜ਼ਮਾਉਣਗੀਆਂ। ਮਿਕਸਡ ਡਬਲਜ਼ ਵਿਚ ਭਾਂਬਰੀ ਅਤੇ ਰੈਨਾ ਨੂੰ ਚੋਟੀ ਦਾ ਦਰਜਾ ਦਿੱਤਾ ਗਿਆ ਹੈ ਜਦਕਿ ਬੋਪੰਨਾ ਅਤੇ ਭੋਸਲੇ ਨੂੰ ਦੂਜੀ ਸਥਾਨ ਦਿੱਤਾ ਗਿਆ ਹੈ।

ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਕਰਕੇ ਜ਼ਰੂਰ ਦੱਸੋ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8