ਏਸ਼ੀਆ ਕੱਪ ਵਿਵਾਦ : ਪਾਕਿਸਤਾਨੀ ਦਿੱਗਜ ਦੀ ਨੈਸ਼ਨਲ ਟੀਵੀ 'ਤੇ ਘਟੀਆ ਹਰਕਤ, ਭਾਰਤੀ ਕਪਤਾਨ ਨੂੰ ...

ਸਪੋਰਟਸ ਡੈਸਕ- ਏਸ਼ੀਆ ਕੱਪ ਵਿੱਚ ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਹੱਥ ਨਾ ਮਿਲਾਉਣ ਦਾ ਮੁੱਦਾ ਹੋਰ ਵੀ ਵਧ ਗਿਆ ਹੈ। ਪਾਕਿਸਤਾਨ ਦੇ ਸਾਬਕਾ ਖਿਡਾਰੀ ਤਾਂ ਘਟੀਆਂ ਹਰਕਤਾਂ 'ਤੇ ਉਤਰ ਆਏ ਹਨ। ਸਾਬਕਾ ਪਾਕਿਸਤਾਨੀ ਕ੍ਰਿਕਟਰ ਮੁਹੰਮਦ ਯੂਸਫ਼ ਨੇ ਇੱਕ ਲਾਈਵ ਸ਼ੋਅ ਵਿੱਚ ਭਾਰਤੀ ਟੀ-20 ਕਪਤਾਨ ਸੂਰਿਆਕੁਮਾਰ ਯਾਦਵ ਨੂੰ 'ਸੂਰ' ਆਖ ਦਿੱਤਾ। ਸੂਰਿਆਕੁਮਾਰ ਯਾਦਵ 'ਤੇ ਘਟੀਆ ਟਿੱਪਣੀਆਂ ਕਰਨ ਤੋਂ ਇਲਾਵਾ, ਮੁਹੰਮਦ ਯੂਸਫ਼ ਨੇ ਭਾਰਤ 'ਤੇ ਸਨਸਨੀਖੇਜ਼ ਦੋਸ਼ ਵੀ ਲਗਾਏ। ਯੂਸਫ਼ ਨੇ ਕਿਹਾ ਕਿ ਭਾਰਤ ਅੰਪਾਇਰਾਂ ਅਤੇ ਮੈਚ ਰੈਫਰੀਆਂ ਦੀ ਵਰਤੋਂ ਕਰਕੇ ਪਾਕਿਸਤਾਨ ਨੂੰ ਪਰੇਸ਼ਾਨ ਕਰ ਰਿਹਾ ਹੈ। ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਮੁਹੰਮਦ ਯੂਸਫ਼ ਨੇ ਕੀ ਬਿਆਨ ਦਿੱਤਾ ਹੈ? 

ਮੁਹੰਮਦ ਯੂਸਫ ਦਾ ਸੂਰਿਆਕੁਮਾਰ 'ਤੇ ਸ਼ਰਮਨਾਕ ਕੁਮੈਂਟ

ਮੁਹੰਮਦ ਯੂਸਫ਼ ਏਸ਼ੀਆ ਕੱਪ ਦੇ ਇੱਕ ਸ਼ੋਅ ਵਿੱਚ ਸਾਮਾ ਟੀਵੀ 'ਤੇ ਕ੍ਰਿਕਟ ਮਾਹਰ ਵਜੋਂ ਬੈਠੇ ਸਨ ਜਿੱਥੇ ਉਨ੍ਹਾਂ ਨੇ ਜਾਣਬੁੱਝ ਕੇ ਸੂਰਿਆਕੁਮਾਰ ਯਾਦਵ ਦੇ ਨਾਮ ਦਾ ਗਲਤ ਉਚਾਰਨ ਕੀਤਾ ਅਤੇ ਉਨ੍ਹਾਂ ਨੂੰ ਸੂਰ ਕਿਹਾ। ਯੂਸਫ਼ ਨੇ ਸਾਮਾ ਟੀਵੀ 'ਤੇ ਕਿਹਾ, ਭਾਰਤ ਆਪਣੀ ਫਿਲਮੀ ਦੁਨੀਆ ਤੋਂ ਬਾਹਰ ਨਹੀਂ ਆ ਪਾ ਰਿਹਾ ਹੈ। ਭਾਰਤ ਨੂੰ ਸ਼ਰਮ ਆਉਣੀ ਚਾਹੀਦੀ ਹੈ ਕਿ ਜਿਸ ਤਰ੍ਹਾਂ ਉਹ ਜਿੱਤਣ ਦੀ ਕੋਸ਼ਿਸ਼ ਕਰ ਰਹੇ ਹਨ, ਅੰਪਾਇਰਾਂ ਦੀ ਵਰਤੋਂ ਕਰ ਰਹੇ ਹਨ, ਮੈਚ ਰੈਫਰੀ ਰਾਹੀਂ ਪਾਕਿਸਤਾਨ ਨੂੰ ਪਰੇਸ਼ਾਨ ਕਰ ਰਹੇ ਹਨ, ਇਹ ਬਹੁਤ ਵੱਡੀ ਗੱਲ ਹੈ।

ਇਹ ਵੀ ਪੜ੍ਹੋ- ਪਾਕਿਸਤਾਨ ਨੇ ਦਿੱਤੀ ਏਸ਼ੀਆ ਕੱਪ ਬਾਈਕਾਟ ਦੀ ਧਮਕੀ! ਹੈਂਡਸ਼ੇਕ ਵਿਵਾਦ ਮਗਰੋਂ ਲਿਆ ਵੱਡਾ ਫੈਸਲਾ

A low level rhetoric from Yousuf Yohana (converted) on a national TV program.

He called India captain Suryakumar Yadav as "Suar" (pig).

Shameless behaviour. And they demand respect, preach morality. pic.twitter.com/yhWhnwaYYq

— Slogger (@kirikraja) September 16, 2025

ਇਹ ਵੀ ਪੜ੍ਹੋ- Asia Cup 2025 : ਬੁਮਰਾਹ ਨੂੰ ਖਿਡਾਇਆ ਤਾਂ ਹੜਤਾਲ 'ਤੇ ਚਲਾ ਜਾਵਾਂਗਾ, ਜਡੇਜਾ ਦਾ ਹੈਰਾਨੀਜਨਕ ਬਿਆਨ

ਪਾਕਿਸਤਾਨ ਨੂੰ ਕਰਨਾ ਪੈ ਰਿਹਾ ਸ਼ਰਮਿੰਦਗੀ ਦਾ ਸਾਹਮਣਾ

ਪਾਕਿਸਤਾਨ ਦੀ ਟੀਮ ਨੇ ਏਸ਼ੀਆ ਕੱਪ ਵਿੱਚ ਨਾ ਸਿਰਫ਼ ਭਾਰਤ ਖ਼ਿਲਾਫ਼ ਇੱਕ ਪਾਸੜ ਮੈਚ ਹਾਰਿਆ, ਸਗੋਂ ਹੁਣ ਇਸ ਟੀਮ ਨੂੰ ਮੈਦਾਨ ਤੋਂ ਬਾਹਰ ਵੀ ਕਰਾਰੀ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਪਾਕਿਸਤਾਨ ਟੀਮ ਨੇ ਦੋਸ਼ ਲਗਾਇਆ ਸੀ ਕਿ ਮੈਚ ਰੈਫਰੀ ਐਂਡੀ ਪਾਈਕ੍ਰਾਫਟ ਨੇ ਭਾਰਤ ਅਤੇ ਪਾਕਿਸਤਾਨ ਦੇ ਖਿਡਾਰੀਆਂ ਨੂੰ ਹੱਥ ਨਾ ਮਿਲਾਉਣ ਲਈ ਕਿਹਾ ਸੀ। ਇਸ ਤੋਂ ਬਾਅਦ, ਪੀਸੀਬੀ ਨੇ ਆਈਸੀਸੀ ਨੂੰ ਲਿਖਤੀ ਸ਼ਿਕਾਇਤ ਕੀਤੀ ਅਤੇ ਕਿਹਾ ਕਿ ਪਾਈਕ੍ਰਾਫਟ ਨੂੰ ਪਾਕਿਸਤਾਨ ਦੇ ਅਗਲੇ ਮੈਚ ਤੋਂ ਹਟਾ ਦਿੱਤਾ ਜਾਵੇ। ਪਰ ਆਈਸੀਸੀ ਨੇ ਇਸ ਤੋਂ ਇਨਕਾਰ ਕਰ ਦਿੱਤਾ ਹੈ। ਆਈਸੀਸੀ ਦੇ ਅਨੁਸਾਰ, ਪਾਈਕ੍ਰਾਫਟ ਨੇ ਅਜਿਹਾ ਕੁਝ ਨਹੀਂ ਕੀਤਾ। ਰਿਪੋਰਟਾਂ ਅਨੁਸਾਰ, ਭਾਰਤੀ ਟੀਮ ਨੇ ਇਸ ਗੱਲ ਤੋਂ ਵੀ ਇਨਕਾਰ ਕੀਤਾ ਕਿ ਮੈਚ ਰੈਫਰੀ ਨੇ ਉਨ੍ਹਾਂ ਨੂੰ ਕੁਝ ਕਿਹਾ ਸੀ।

ਪਾਕਿਸਤਾਨ ਨੇ ਏਸ਼ੀਆ ਕੱਪ ਦਾ ਬਾਈਕਾਟ ਕਰਨ ਦੀ ਧਮਕੀ ਵੀ ਦਿੱਤੀ ਹੈ ਪਰ ਉਨ੍ਹਾਂ ਲਈ ਅਜਿਹਾ ਕਰਨਾ ਮੁਸ਼ਕਲ ਹੈ ਕਿਉਂਕਿ ਇਸ ਕਦਮ ਨਾਲ ਉਨ੍ਹਾਂ ਨੂੰ ਭਿਆਨਕ ਵਿੱਤੀ ਨੁਕਸਾਨ ਹੋ ਸਕਦਾ ਹੈ। ਪੀਸੀਬੀ ਸੂਤਰਾਂ ਅਨੁਸਾਰ, ਆਈਸੀਸੀ ਮੁਖੀ ਜੈ ਸ਼ਾਹ ਇਸ ਕਦਮ ਲਈ ਪਾਕਿਸਤਾਨ 'ਤੇ ਭਾਰੀ ਜੁਰਮਾਨਾ ਲਗਾ ਸਕਦੇ ਹਨ, ਜਿਸ ਨੂੰ ਸਹਿਣ ਕਰਨ ਦੀ ਪੀਸੀਬੀ ਕੋਲ ਹਿੰਮਤ ਨਹੀਂ ਹੈ।

ਇਹ ਵੀ ਪੜ੍ਹੋ- ਹੈਂ...! 35 ਲੱਖ ਦੇ 'ਕੇਲੇ' ਹੀ ਖਾ ਗਏ ਖਿਡਾਰੀ, BCCI ਨੂੰ ਪਹੁੰਚ ਗਿਆ ਨੋਟਿਸ