ਕੁੱਲ ਕਿੰਨੀ ਜਾਇਦਾਦ ਦੇ ਮਾਲਕ ਹਨ ਸ਼ੁਭਮਨ ਗਿੱਲ? ਬਰਥਡੇ ''ਤੇ ਜਾਣੋ ਸੈਲਰੀ-ਕਾਰ ਕਲੈਕਸ਼ਨ ਬਾਰੇ

ਸਪੋਰਟਸ ਡੈਸਕ- ਭਾਰਤੀ ਕ੍ਰਿਕਟ ਟੀਮ ਦੇ ਸਟਾਰ ਬੱਲੇਬਾਜ਼ ਸ਼ੁਭਮਨ ਗਿੱਲ ਸਿਰਫ਼ ਮੈਦਾਨੀ ਪ੍ਰਦਰਸ਼ਨ ਲਈ ਹੀ ਨਹੀਂ, ਸਗੋਂ ਆਪਣੀ ਲਾਈਫਸਟਾਈਲ ਅਤੇ ਕਮਾਈ ਕਰਕੇ ਵੀ ਚਰਚਾ ਵਿੱਚ ਰਹਿੰਦੇ ਹਨ। ਟੀਮ ਇੰਡੀਆ ਦੇ "ਭਵਿੱਖ ਦੇ ਸਿਤਾਰੇ" ਵਜੋਂ ਮੰਨੇ ਜਾਂਦੇ ਗਿੱਲ ਅੱਜ ਆਪਣਾ 26ਵਾਂ ਜਨਮਦਿਨ ਮਨਾ ਰਹੇ ਹਨ। ਇਸ ਮੌਕੇ 'ਤੇ ਆਓ ਜਾਣਦੇ ਹਾਂ ਉਨ੍ਹਾਂ ਦੀ ਨੈੱਟਵਰਥ, ਤਨਖਾਹ ਅਤੇ ਸ਼ਾਨਦਾਰ ਜ਼ਿੰਦਗੀ ਬਾਰੇ।

ਨੈੱਟ ਵਰਥ ਅਤੇ ਕਮਾਈ
ਪੰਜਾਬ ਦੇ ਫ਼ਾਜ਼ਿਲਕਾ ਵਿੱਚ 8 ਸਤੰਬਰ 1999 ਨੂੰ ਜਨਮੇ ਸ਼ੁਭਮਨ ਗਿੱਲ ਨੇ ਆਪਣੀ ਸ਼ੁਰੂਆਤੀ ਪੜ੍ਹਾਈ ਪੰਜਾਬ ਵਿੱਚ ਕੀਤੀ। ਉਨ੍ਹਾਂ ਨੇ ਆਈਪੀਐਲ ਵਿੱਚ ਸ਼ਾਨਦਾਰ ਖੇਡ ਦਿਖਾ ਕੇ ਟੀਮ ਇੰਡੀਆ ਵਿੱਚ ਆਪਣੀ ਥਾਂ ਬਣਾਈ। ਰਿਪੋਰਟਾਂ ਮੁਤਾਬਕ, ਸ਼ੁਭਮਨ ਗਿੱਲ ਦੀ ਕੁੱਲ ਨੈੱਟਵਰਥ ਲਗਭਗ 30 ਤੋਂ 32 ਕਰੋੜ ਰੁਪਏ ਹੈ। ਉਨ੍ਹਾਂ ਦੀ ਕਮਾਈ ਦਾ ਵੱਡਾ ਹਿੱਸਾ ਬੀ.ਸੀ.ਸੀ.ਆਈ ਤਨਖਾਹ, ਆਈਪੀਐਲ ਕਾਨਟ੍ਰੈਕਟ ਅਤੇ ਬ੍ਰਾਂਡ ਐਂਡੋਰਸਮੈਂਟ ਤੋਂ ਆਉਂਦਾ ਹੈ।

ਬੀ.ਸੀ.ਸੀ.ਆਈ ਤਨਖਾਹ
ਗਿੱਲ ਬੀ.ਸੀ.ਸੀ.ਆਈ ਦੇ ਗ੍ਰੇਡ-ਏ ਕਾਨਟ੍ਰੈਕਟ ਵਿੱਚ ਸ਼ਾਮਲ ਹਨ, ਜਿਸ ਨਾਲ ਉਹ ਸਾਲਾਨਾ ਤਕਰੀਬਨ 5 ਕਰੋੜ ਰੁਪਏ ਕਮਾਉਂਦੇ ਹਨ। ਇਸ ਤੋਂ ਇਲਾਵਾ, ਹਰ ਟੈਸਟ, ਵਨ ਡੇ ਅਤੇ ਟੀ20 ਮੈਚ ਮੁਤਾਬਕ ਉਨ੍ਹਾਂ ਨੂੰ ਵੱਖ-ਵੱਖ ਫੀਸ ਮਿਲਦੀ ਹੈ।

ਆਈਪੀਐਲ ਤੋਂ ਕਮਾਈ
ਗਿੱਲ ਗੁਜਰਾਤ ਟਾਈਟਨਜ਼ ਦੀ ਟੀਮ ਲਈ ਖੇਡਦੇ ਹਨ। ਆਈਪੀਐਲ 2025 ਸੀਜ਼ਨ ਲਈ ਉਨ੍ਹਾਂ ਨੂੰ ਲਗਭਗ 16.50 ਕਰੋੜ ਰੁਪਏ ਵਿੱਚ ਖਰੀਦਿਆ ਗਿਆ।

ਬ੍ਰਾਂਡ ਐਂਡੋਰਸਮੈਂਟਸ
ਸ਼ੁਭਮਨ ਗਿੱਲ ਨਾਈਕ, ਸੀਏਟੀ, ਜਿਲੇਟ ਵਰਗੇ ਕਈ ਵੱਡੇ ਬ੍ਰਾਂਡਾਂ ਨਾਲ ਜੁੜੇ ਹਨ। ਸਿਰਫ਼ ਐਂਡੋਰਸਮੈਂਟ ਤੋਂ ਹੀ ਉਨ੍ਹਾਂ ਦੀ ਸਾਲਾਨਾ ਕਮਾਈ ਕਈ ਕਰੋੜ ਰੁਪਏ ਤਕ ਪਹੁੰਚ ਜਾਂਦੀ ਹੈ।

ਆਲੀਸ਼ਾਨ ਘਰ
ਗਿੱਲ ਦਾ ਸ਼ਾਨਦਾਰ ਘਰ ਪੰਜਾਬ ਦੇ ਫਿਰੋਜ਼ਪੁਰ ਵਿੱਚ ਹੈ। ਇਹ ਘਰ ਆਧੁਨਿਕ ਲੱਕੜੀ ਦੇ ਫਰਨੀਚਰ, ਸੁੰਦਰ ਸਜਾਵਟੀ ਸਮਾਨ ਅਤੇ ਕੰਧਾਂ ਉੱਤੇ ਬਣੇ ਚਿੱਤਰਾਂ ਨਾਲ ਸੁਸ਼ੋਭਿਤ ਹੈ।

ਕਾਰਾਂ ਦਾ ਸ਼ੌਕ
ਗਿੱਲ ਨੂੰ ਮਹਿੰਗੀਆਂ ਕਾਰਾਂ ਦਾ ਵੀ ਸ਼ੌਕ ਹੈ। ਉਨ੍ਹਾਂ ਕੋਲ ਰੇਂਜ ਰੋਵਰ ਵੇਲਾਰ (ਲਗਭਗ 80 ਲੱਖ ਰੁਪਏ), ਮਰਸਿਡੀਜ਼ ਬੈਂਜ਼ E350 (ਲਗਭਗ 90 ਲੱਖ ਰੁਪਏ) ਮੌਜੂਦ ਹੈ। ਇਸ ਤੋਂ ਇਲਾਵਾ, ਉਨ੍ਹਾਂ ਕੋਲ ਮਹਿੰਦਰਾ ਥਾਰ ਵੀ ਹੈ, ਜੋ ਉਨ੍ਹਾਂ ਨੂੰ ਮਹਿੰਦਰਾ ਗਰੁੱਪ ਦੇ ਚੇਅਰਮੈਨ ਆਨੰਦ ਮਹਿੰਦਰਾ ਵੱਲੋਂ ਤੋਹਫ਼ੇ ਵਜੋਂ ਮਿਲੀ ਸੀ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8