IND vs ENG, 3rd Test : ਟੀਮ ਵਿੱਚ ਅਸ਼ਵਿਨ ਦੀ ਵਾਪਸੀ, ਐਮਰਜੈਂਸੀ ਕਾਰਨ ਘਰ ਪਰਤਿਆ ਸੀ

ਰਾਜਕੋਟ : ਇੰਗਲੈਂਡ ਖਿਲਾਫ ਤੀਜੇ ਟੈਸਟ ਦੇ ਚੌਥੇ ਦਿਨ ਰਵੀਚੰਦਰਨ ਅਸ਼ਵਿਨ ਦੀ ਟੀਮ 'ਚ ਵਾਪਸੀ ਹੋਈ ਹੈ। ਇਹ ਜਾਣਕਾਰੀ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ ਨੇ ਦਿੱਤੀ ਹੈ। ਅਸ਼ਵਿਨ ਨਿੱਜੀ ਕਾਰਨਾਂ ਕਰਕੇ ਤੀਜੇ ਟੈਸਟ ਦੇ ਦੂਜੇ ਦਿਨ ਤੋਂ ਬਾਅਦ ਘਰ ਪਰਤਿਆ, ਜਿਸ ਤੋਂ ਬਾਅਦ ਉਨ੍ਹਾਂ ਦੀ ਮਾਂ ਦੀ ਸਿਹਤ ਵਿਗੜਨ ਦੀ ਖ਼ਬਰ ਆਈ।

ਬੀ. ਸੀ. ਸੀ. ਆਈ. ਨੇ ਐਤਵਾਰ ਨੂੰ ਕਿਹਾ, ਬੀ. ਸੀ. ਸੀ. ਆਈ. ਨੂੰ ਇਹ ਦੱਸਦਿਆਂ ਖੁਸ਼ੀ ਹੋ ਰਹੀ ਹੈ ਕਿ ਆਰ ਅਸ਼ਵਿਨ ਪਰਿਵਾਰਕ ਐਮਰਜੈਂਸੀ ਤੋਂ ਬਾਅਦ ਟੀਮ ਵਿੱਚ ਵਾਪਸ ਆਏ ਹਨ। ਅਸ਼ਵਿਨ ਨੇ ਰਾਜਕੋਟ ਵਿੱਚ ਤੀਜੇ ਟੈਸਟ ਦੇ ਦੂਜੇ ਦਿਨ ਪਰਿਵਾਰਕ ਐਮਰਜੈਂਸੀ ਤੋਂ ਬਾਅਦ ਅਸਥਾਈ ਤੌਰ 'ਤੇ ਟੀਮ ਤੋਂ ਹਟ ਗਿਆ ਸੀ।

ਅੱਗੇ ਕਿਹਾ ਗਿਆ ਕਿ ਅਸ਼ਵਿਨ ਅਤੇ ਟੀਮ ਪ੍ਰਬੰਧਨ ਦੋਵੇਂ ਇਹ ਐਲਾਨ ਕਰਦੇ ਹੋਏ ਖੁਸ਼ ਹਨ ਕਿ ਉਹ ਚੌਥੇ ਦਿਨ ਐਕਸ਼ਨ 'ਚ ਨਜ਼ਰ ਆਉਣਗੇ ਅਤੇ ਤੀਜੇ ਟੈਸਟ 'ਚ ਭੂਮਿਕਾ ਨਿਭਾਉਣਗੇ। ਜ਼ਿਕਰਯੋਗ ਹੈ ਕਿ ਦੂਜੇ ਦਿਨ ਘਰ ਜਾਣ ਤੋਂ ਪਹਿਲਾਂ ਅਸ਼ਵਿਨ ਨੇ ਟੈਸਟ 'ਚ ਆਪਣੀਆਂ 500 ਵਿਕਟਾਂ ਪੂਰੀਆਂ ਕੀਤੀਆਂ, ਜੋ ਕਿ ਸਭ ਤੋਂ ਤੇਜ਼ ਸੀ।