IND vs AUS T20 WC : ਸੈਮੀਫਾਈਨਲ ਲਈ ਖੇਡੇਗਾ ਭਾਰਤ, ਪਿੱਚ ਰਿਪੋਰਟ, ਮੌਸਮ ਤੇ ਸੰਭਾਵਿਤ 11 ਦੇਖੋ

ਸਪੋਰਟਸ ਡੈਸਕ— ਭਾਰਤ ਅਤੇ ਆਸਟ੍ਰੇਲੀਆ ਵਿਚਾਲੇ ਟੀ-20 ਵਿਸ਼ਵ ਕੱਪ ਦਾ ਸੁਪਰ 8 ਮੈਚ ਅੱਜ ਰਾਤ 8 ਵਜੇ ਸੇਂਟ ਲੂਸੀਆ ਦੇ ਗ੍ਰੋਸ ਆਈਲੇਟ ਸਥਿਤ ਡੈਰੇਨ ਸੈਮੀ ਨੈਸ਼ਨਲ ਕ੍ਰਿਕਟ ਸਟੇਡੀਅਮ 'ਚ ਖੇਡਿਆ ਜਾਵੇਗਾ। ਭਾਰਤ ਪਿਛਲੇ ਦੋ ਮੈਚਾਂ (ਅਫਗਾਨਿਸਤਾਨ ਅਤੇ ਬੰਗਲਾਦੇਸ਼ ਖਿਲਾਫ) ਜਿੱਤਣ ਤੋਂ ਬਾਅਦ ਆਤਮਵਿਸ਼ਵਾਸ ਨਾਲ ਭਰਿਆ ਹੋਇਆ ਹੈ। ਉਥੇ ਹੀ ਆਸਟ੍ਰੇਲੀਆ ਅਫਗਾਨਿਸਤਾਨ ਤੋਂ ਹਾਰ ਗਿਆ ਸੀ ਅਤੇ ਉਹ ਵਾਪਸੀ ਕਰਨਾ ਚਾਹੇਗਾ। ਭਾਰਤ ਇਹ ਮੈਚ ਜਿੱਤ ਕੇ ਸੈਮੀਫਾਈਨਲ 'ਚ ਆਪਣੀ ਜਗ੍ਹਾ ਪੱਕੀ ਕਰਨਾ ਚਾਹੇਗਾ।

ਹੈੱਡ ਟੂ ਹੈੱਡ (T20I)

ਕੁੱਲ ਮੈਚ - 31
ਭਾਰਤ - 19 ਜਿੱਤਾਂ
ਆਸਟ੍ਰੇਲੀਆ - 11 ਜਿੱਤਾਂ
ਨੋ ਰਿਜ਼ਲਟ - ਇੱਕ

ਹੈੱਡ ਟੂ ਹੈੱਡ (ਟੀ-20 ਵਿਸ਼ਵ ਕੱਪ)

ਕੁੱਲ ਮੈਚ - 5
ਭਾਰਤ - 3 ਜਿੱਤਾਂ
ਆਸਟ੍ਰੇਲੀਆ - 2 ਜਿੱਤਾਂ

ਪਿੱਚ ਰਿਪੋਰਟ

ਟੂਰਨਾਮੈਂਟ 'ਚ ਹੁਣ ਤੱਕ ਇਸ ਮੈਦਾਨ 'ਤੇ 10 ਪਾਰੀਆਂ 'ਚ 200 ਦੌੜਾਂ ਦਾ ਅੰਕੜਾ ਦੋ ਵਾਰ ਪਾਰ ਕੀਤਾ ਗਿਆ ਹੈ, ਜਦਕਿ ਟੀਮਾਂ ਨੇ ਛੇ ਮੌਕਿਆਂ 'ਤੇ 180 ਜਾਂ ਇਸ ਤੋਂ ਵੱਧ ਦੌੜਾਂ ਬਣਾਈਆਂ ਹਨ। ਹਾਲਾਂਕਿ ਇਸ ਮੈਦਾਨ 'ਤੇ ਇੰਗਲੈਂਡ ਅਤੇ ਦੱਖਣੀ ਅਫਰੀਕਾ ਵਿਚਾਲੇ ਖੇਡਿਆ ਗਿਆ ਆਖਰੀ ਮੈਚ ਟੂਰਨਾਮੈਂਟ ਦੇ ਪਹਿਲੇ ਦਿਨ ਦਾ ਖੇਡ ਸੀ ਅਤੇ ਰਾਤ ਦੇ ਮੈਚਾਂ ਦੌਰਾਨ ਹਾਲਾਤ ਬੱਲੇਬਾਜ਼ਾਂ ਲਈ ਅਨੁਕੂਲ ਨਹੀਂ ਸਨ। ਟੂਰਨਾਮੈਂਟ 'ਚ ਇਸ ਮੈਦਾਨ 'ਤੇ ਤੇਜ਼ ਗੇਂਦਬਾਜ਼ਾਂ ਨੇ 32 ਵਿਕਟਾਂ ਲਈਆਂ ਹਨ ਜਦਕਿ ਸਪਿਨਰਾਂ ਨੇ 23 ਵਿਕਟਾਂ ਲਈਆਂ ਹਨ।

ਮੌਸਮ

ਇਸ ਅਹਿਮ ਮੈਚ ਦੌਰਾਨ ਤੂਫ਼ਾਨ ਦੀ ਸੰਭਾਵਨਾ ਹੈ। ਹਾਲਾਂਕਿ ਮੀਂਹ ਦੀ ਸੰਭਾਵਨਾ ਥੋੜੀ ਘੱਟ ਯਾਨੀ 15 ਫੀਸਦੀ ਹੈ। ਖੇਡ ਦੌਰਾਨ ਹਲਕੀ ਬਾਰਿਸ਼ ਅਤੇ ਗਰਜ਼-ਤੂਫ਼ਾਨ ਦੀ ਸੰਭਾਵਨਾ ਲਗਭਗ 5 ਪ੍ਰਤੀਸ਼ਤ ਹੈ।

ਸੰਭਾਵਿਤ ਪਲੇਇੰਗ 11

ਭਾਰਤ : ਵਿਰਾਟ ਕੋਹਲੀ, ਰੋਹਿਤ ਸ਼ਰਮਾ (ਕਪਤਾਨ), ਰਿਸ਼ਭ ਪੰਤ (ਵਿਕਟ ਕੀਪਰ), ਸੂਰਿਆਕੁਮਾਰ ਯਾਦਵ, ਸੰਜੂ ਸੈਮਸਨ, ਹਾਰਦਿਕ ਪੰਡਯਾ, ਸ਼ਿਵਮ ਦੂਬੇ, ਅਕਸ਼ਰ ਪਟੇਲ, ਜਸਪ੍ਰੀਤ ਬੁਮਰਾਹ, ਅਰਸ਼ਦੀਪ ਸਿੰਘ, ਕੁਲਦੀਪ ਯਾਦਵ।

ਆਸਟ੍ਰੇਲੀਆ : ਟ੍ਰੈਵਿਸ ਹੈੱਡ, ਡੇਵਿਡ ਵਾਰਨਰ, ਮਿਸ਼ੇਲ ਮਾਰਸ਼ (ਕਪਤਾਨ), ਗਲੇਨ ਮੈਕਸਵੈੱਲ, ਮਾਰਕਸ ਸਟੋਇਨਿਸ, ਟਿਮ ਡੇਵਿਡ, ਮੈਥਿਊ ਵੇਡ (ਵਿਕਟਕੀਪਰ), ਪੈਟ ਕਮਿੰਸ, ਮਿਸ਼ੇਲ ਸਟਾਰਕ, ਐਡਮ ਜ਼ੈਂਪਾ, ਜੋਸ਼ ਹੇਜ਼ਲਵੁੱਡ/ਐਸ਼ਟਨ ਐਗਰ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।