IND vs SL : ਵੀਡੀਓ ਪੋਸਟ ਕਰਕੇ BCCI ਨੇ ਪੁੱਛਿਆ- ''ਕੀ ਕੁਝ ਅਜਿਹਾ ਹੈ ਜੋ ਧੋਨੀ ਨਹੀਂ ਕਰ ਸਕਦੇ?''
12/10/2017 2:12:14 PM
ਨਵੀਂ ਦਿੱਲੀ (ਬਿਊਰੋ)— ਸਾਬਕਾ ਭਾਰਤੀ ਕਪਤਾਨ ਮਹਿੰਦਰ ਸਿੰਘ ਧੋਨੀ ਦੀ ਕਾਬਲੀਅਤ ਉੱਤੇ ਸ਼ਾਇਦ ਹੀ ਕਿਸੇ ਨੂੰ ਸ਼ੱਕ ਹੋਵੇ। ਬਤੋਰ ਕਪਤਾਨ ਉਨ੍ਹਾਂ ਨੇ ਆਪਣੇ ਗੇਮ ਪਲਾਨ ਨਾਲ ਵਿਰੋਧੀਆਂ ਨੂੰ ਹੈਰਾਨ ਕੀਤਾ ਹੈ। ਵਿਕਟ ਦੇ ਪਿੱਛੇ ਉਨ੍ਹਾਂ ਨੇ ਪਤਾ ਨਹੀਂ ਕਿੰਨੇ ਬੱਲੇਬਾਜ਼ਾਂ ਦਾ ਸ਼ਿਕਾਰ ਕੀਤਾ ਹੈ। ਹੁਣ ਵੀ ਉਹ ਕਪਤਾਨ ਵਿਰਾਟ ਕੋਹਲੀ ਦੀ ਮੈਦਾਨ ਉੱਤੇ ਹਰ ਸੰਭਵ ਮਦਦ ਕਰਦੇ ਹੋਏ ਨਜ਼ਰ ਆਉਂਦੇ ਹਨ।
ਕੀ ਕੁਝ ਅਜਿਹਾ ਹੈ ਜੋ ਧੋਨੀ ਨਹੀਂ ਕਰ ਸਕਦੇ?
ਸ਼ਾਨਦਾਰ ਕਪਤਾਨ, ਵਿਕਟਕੀਪਰ ਅਤੇ ਲੀਡਰ ਹੋਣ ਦੇ ਇਲਾਵਾ ਮਹਿੰਦਰ ਸਿੰਘ ਧੋਨੀ ਲੈੱਗ ਸਪਿਨ ਦੇ ਇਲਾਵਾ ਤੇਜ਼ ਗੇਂਦਬਾਜ਼ੀ ਵੀ ਕਰ ਲੈਂਦੇ ਹਨ। ਤਾਂ ਅਜਿਹਾ ਕੀ ਹੈ ਜੋ ਮਹਿੰਦਰ ਸਿੰਘ ਧੋਨੀ ਨਹੀਂ ਕਰ ਸਕਦੇ? ਇਹ ਸਵਾਲ ਅਸੀ ਨਹੀਂ ਬੀ.ਸੀ.ਸੀ.ਆਈ. ਨੇ ਪੁੱਛਿਆ ਹੈ। ਆਧਿਕਾਰਕ ਟਵਿੱਟਰ ਹੈਂਡਲ ਤੋਂ ਬੀ.ਸੀ.ਸੀ.ਆਈ. ਨੇ ਇੱਕ ਵੀਡੀਓ ਪੋਸਟ ਕੀਤਾ ਹੈ, ਜਿਸ ਵਿਚ ਧੋਨੀ ਅਕਸ਼ਰ ਪਟੇਲ ਨੂੰ ਤੇਜ਼ ਗੇਂਦਬਾਜ਼ੀ ਕਰਦੇ ਦਿੱਸ ਰਹੇ ਹਨ
Is there anything that @msdhoni cannot do? You have seen him bowl leg spin now it is time for seam up. #INDvSL pic.twitter.com/8WLuKnyyE5
— BCCI (@BCCI) December 9, 2017
ਧਰਮਸ਼ਾਲਾ ਦੇ ਮੈਦਾਨ ਉੱਤੇ ਪਹਿਲੇ ਵਨਡੇ ਤੋਂ ਪਹਿਲੇ ਧੋਨੀ ਨੇ ਨੈੱਟਸ ਉੱਤੇ ਗੇਂਦਬਾਜ਼ੀ ਵਿਚ ਵੀ ਹੱਥ ਅਜਮਾਇਆ। ਇਸ ਵੀਡੀਓ ਦੇ ਕੈਪਸ਼ਨ ਵਿਚ ਬੀ.ਸੀ.ਸੀ.ਆਈ. ਨੇ ਲਿਖਿਆ, 'ਕੀ ਕੁਝ ਅਜਿਹਾ ਹੈ ਜੋ ਮਹਿੰਦਰ ਸਿੰਘ ਧੋਨੀ ਨਹੀਂ ਕਰ ਸਕਦੇ? ਤੁਸੀਂ ਉਨ੍ਹਾਂ ਨੂੰ ਲੈੱਗ ਸਪਿਨ ਕਰਦੇ ਵੇਖਿਆ ਹੈ, ਹੁਣ ਉਨ੍ਹਾਂ ਦੀ ਤੇਜ਼ ਗੇਂਦਬਾਜ਼ੀ ਦੇਖਣ ਦਾ ਸਮਾਂ ਹੈ।' ਇਸ ਵੀਡੀਓ ਨੂੰ ਹੁਣ ਤੱਕ 7300 ਲੋਕਾਂ ਨੇ ਲਾਈਕ ਕੀਤਾ ਹੈ ਅਤੇ 1,330 ਲੋਕਾਂ ਨੇ ਇਸਨੂੰ ਰੀ-ਟਵੀਟ ਕੀਤਾ ਹੈ। ਇਸ ਵੀਡੀਓ ਉੱਤੇ ਲੋਕਾਂ ਨੇ ਮਜ਼ੇਦਾਰ ਕੁਮੈਂਟਸ ਵੀ ਕੀਤੇ ਹਨ।
ਇਸ 'ਤੇ ਲੋਕਾਂ ਨੇ ਆਪਣੀ-ਆਪਣੀ ਰਾਏ ਟਵੀਟ ਕੀਤੀ-