ਰੋਹਿਤ ਦੇ ਸਟਾਈਲ ''ਚ ਬੱਲੇਬਾਜ਼ੀ ਦੀ ਕੋਸ਼ਿਸ਼ ਕਰਨੀ ਬੇਵਕੂਫੀ ਹੋਵੇਗੀ : ਲੋਕੇਸ਼ ਰਾਹੁਲ

ਬਰਮਿੰਘਮ — ਭਾਰਤੀ ਬੱਲੇਬਾਜ਼ ਲੋਕੇਸ਼ ਰਾਹੁਲ ਨੇ ਕਿਹਾ ਕਿ ਉਸ ਦਾ ਸਲਾਮੀ ਜੋੜੀਦਾਰ ਰੋਹਿਤ ਸ਼ਰਮਾ ਵੱਖਰੀ ਤਰ੍ਹਾਂ ਦਾ ਖਿਡਾਰੀ ਹੈ। ਉਸ ਦੇ ਸਟਾਈਲ ਨੂੰ ਦੋਹਰਾਉਣਾ ਬੇਵਕੂਫੀ ਹੋਵੇਗੀ। ਸ਼ਿਖਰ ਧਵਨ ਦੇ ਅੰਗੂਠੇ ਵਿਚ ਫਰੈਕਚਰ ਕਾਰਨ ਰਾਹੁਲ ਨੂੰ ਪਾਰੀ ਦਾ ਆਗਾਜ਼ ਕਰਨ ਦੀ ਜ਼ਿੰਮੇਵਾਰੀ ਸੌਂਪੀ ਗਈ ਸੀ। ਉਸ ਨੇ ਬੰਗਲਾਦੇਸ਼ ਖਿਲਾਫ ਰੋਹਿਤ ਦੇ ਨਾਲ ਪਹਿਲੀ ਵਿਕਟ ਲਈ 180 ਦੌੜਾਂ ਦੀ ਸਾਂਝੇਦਾਰੀ ਕੀਤੀ।

ਰਾਹੁਲ ਨੇ ਕਿਹਾ ਕਿ ਜੇਕਰ ਤੁਸੀਂ ਰੋਹਿਤ ਦੀ ਤਰ੍ਹਾਂ ਬੱਲੇਬਾਜ਼ੀ ਕਰਨ ਲਈ ਉਤਸਾਹਿਤ ਹੋਵੋਗੇ ਤਾਂ ਤੁਸੀਂ ਬੇਵਕੂਫੀ ਕਰੋਗੇ ਕਿਉਂਕਿ ਇਹ ਉਸ ਦਾ ਸਟਾਈਲ ਹੈ। ਜਦੋਂ ਉਹ ਲੈਅ ਵਿਚ ਆਉਂਦਾ ਹੈ ਤਾਂ ਇਸ ਤਰ੍ਹਾਂ ਲੱਗਦਾ ਹੈ ਜਿਵੇਂ ਦੂਸਰੇ ਗ੍ਰਹਿ ਦਾ ਹੈ।